عنوان الموضوع : انا تعبانة كتير ومش لاقية حد يساعدني!!!! -مجابة
مقدم من طرف منتديات نساء الجزائر

انا تعبانة كتير ومش لاقية حد يساعدني!!!!






السلام عليكم
انا عضوة جديدة ولكن متابعة قديمة
هاد اول مرة اكتب فيها موضوع
اليوم صارت بيني وبين زوجي مشكلة كبيرة بسبب تراكمات مشاكل قديمة

تعبت من كتر ما اوجدت حلول ولكن بدون نتيجة
انا لحتى الأن مش عارفة ليه بيصير معي هيك
انا متزوجة من 8 سنوات تقريبا ومعاي 3 بنات تزوجت وانا سنة ثانية جامعة وزوجي متلي بالضبط(قدي في العمر)
انا خلصت جامعة من 6 سنوات والي 4 سنوات بشتغل معلمة في مدرسة حكومية
زوجي بيشتغل عند اخوه اللي اكبر منا بسنة تاجر احذية الله يعزكو
صارت معاي مشاكل كتيرة من يوم ماتزوجت لحتى يومنا هذا
وكل المشاكل في الاول كانت من اهل زوجي اهله مو امه وابوه لا لا،، امه مطلقة وابو كويس كتير معي ولكن المشاكل بسبب اخوه الاكبر منا بسنه ورجاني نجوم الظهر لحد ما حاول يطلقني من زوجي اكتر من مرة،، واخر مرة كانت قبل 3 سنوات كنت مروحة من شغلي في المدرسة ولما جيت افتح باب الدار لقيت زوجي واقف ولحقه اخوه المذكور وحكالي هاتي المفتاح وروحي روحي على اهلك ما عاد بدي اياكي!!!حكيتله ليه طيب حكالي هيك حكيتله ماشي بروح بس اعطيني سبب عشان احكيلهم اياه (خاصة انه اهلي صعبين شوي)حكالي بدون سبب يلا روحي في هاد اللحظة نظرت لاخو زوجي لقيت الشماته في عينيه ولقيته متحمس للموضوع كتير فانا سبتهم ورحت لعم زوجي كبير العيلة وحكيتله شو بدو يعمل زوجي واخوه فيي هان في نفس اللحظة اخو زوجي راح متصل على اهلي وحكالهم تعالوا خذوا بنتكوا ، طبعا الناس اللي عندها احساس وكرامة بتيجي بتاخد بنتها حتى لو الحق مع بنتها ، وهيك اهلي عملوا ..اتصل اخو الكبير وهو دكتور وحكالي انا راح اجي اخدك حكيتله لأ ما تيجي.. وسكرت الخط هان كبرت المشكلة اكتر زوجي واخوه كانو بيستنوا اني اطلع وعم زوجي كان بيحكيلي اذا بتطلعي ما في رجعة حكيته مين حكالك اني راح اطلع؟؟؟ وفعلا ا جى اخوي وحكالي يللا تعالي معي حكيتله لا انا ما بطلع هاد مشكلتي انا وانا اللي بحلها وانا بدي زوجي وبناتي عصب عليي اخوي وضربني قدام عم زوجي فشدوا في بعض وحكاله انه يروح يروَح احسنله قبل ما حد يتهجم عليه ويضربه ولما اهل زوجي شافو موقفي هاد كلهم وقفوا معي بالباع والذراع وعملو اكتر من قعدة واجتماع عشان يحلوا الموضوع بيني وبين زوجي ولكن في كل مرة كانت اخو زوجي يجتمع معاهم وكان كل همه انه يأثر على زوجي ويغريه بالفلوس وانه هو بيزوجه وبيجيبله الشقة المهم يطلقني لحد ما صارت الصلحة بعد عناء كبير بس انا حابة اوضح انه انا ما رضيت اروح مع اخوي مش عشان زوجي وبناتي لا بس كانت لمسألة عنادة في سلفي اخو زوجي لأني في تلك اللحظة بيني وبين نفسي اعلنت الحرب عليه حتى لو كان الثمن طلاقي... زوجي من حيث الشخصية مسكين وما اله في المشاكل وحتى شخصيته شوي مهزوزة بش زي باقي اخوته.. حتى في المشاكل القديمة اللي كانت تصير معي ما كان يساندني او ياخذ حقي خوفا انه يحكوا عليه انه وقف جنب مرته !!! وانا بعتقد انه السبب في هيك انه ما بدوا يكرر حياة امه وابوه قبل ما يتطلقوا.. عمي مسكين وكتير محترم وحماتي السابقة كانت شخصيتها كتير قوية ولكن مش لدرجة انها تحكم زوجها لا بس لأنها كانت تقول كلمة الحق لو على قطع رقبتها .. فأخو حماي يعني اخو عمي هو كان يتدخل في حياتها كتير لحد ما طلقها..!!! وغير هيك بعد كم فترة من هاد المشكلة حسيت زوجي تغير انا فكرت انه راح يصير احسن معيلأني تخليت عن اهلي عشانه.. لكن للأسف عالفاضي .. لحتى اليوم هاد ابوي واخوي ما بييجوا عليي يزوروني وما في أي علاقة بين زوجي واهلي يعني ما بروح عليهم بس انا وبناتي لحالنا بنروح عليهم للزيارة يعني صار 17 رمضان وانا ما رحت اعيد عليهم بسبب الهم اللي راكبني من زوجي بعد شهور من هالمشكة تعرف زوجي على اصحاب وهدول الاصحاب قليلين دين لدرجة انهم خلوا زوجي يشتري شريحة جوال جديدة حتى يحكي مع البنات بدون ما اعرف .. لكن لحالي اكتشفت الموضوع وصارت بينا مشاكل اكبر لانه انا حسيت حالي كتير انجرحت .. انا الحمد لله كتير جميلة طولي 160 ووزني 57 شقراء ومتعلمة وموظفة وكل حقوق زوجي الزوجية ملبياله اياها على اكمل وجه .. ما بسيب عيد ميلاد لزوجي الا واعمله فيها حفلة رومانسية بيني وبينه وعيد الزواج وحتى الايام العادية ممكن عمله ليلة مميزة عشان اغيرله الجو واكسبه اكتر ولكن للأسف مرة من المرات وهو معي في الفراش اتصلت عليه صحبيته بس هو كان عامل الجوال صامت وما شاف المكالمة وتاني يوم اخذت جواله واتصلت عليها وهي ردت فكرتني هو وتفاجأت لما لقتني انه انا اللي بحكي معها وبهدلتها وهزأتها وحكيتلها اذا عمري بشوف رقمك على جوال جوزي راح اعمل واسوي فيكي.. اكتشفت انها جايبة شريحة تانية برقم تاني عشان تكلمه .. فكبرت المشاكل وجرحي كبر بزيادة لدرجة انه كنت حاسة اني مخنوقة ومش عارفة اتصرف واني كنت في لحظة من هاللحظات بدي اموت قهر ،زوجي لاحظ نفسيتي هاد بعد فترة وحاول يصالحني ووعدني عمره ما يعمل هيك تاني.. لكن للأسف .. صار شي افظع من هيك .. صار في البيت يحكي معي عن صحبيته وعن بطولاته وويناديني باسمها .. بعني لو ضله يحكي معاها لسة اشرفلي!!!

>>>>> ردود الأعضـــــــــــــــــــاء على الموضوع <<<<<
==================================


انا نفسيتي تعبت اكتر واكتر .. لأنه زوجي صار يحب يستفزني في هاد لموضوع بالذات وكأنه صار يعرف نقطة ضعفي .لأني بغار كتير .. وغير هيك اللي متعبني اكثر انه كل الناس اللي حواليي معجبين بشخصيتي وحتى زميلاتي اللي في شغلي بيحكولي نيال زوجك فيكي.. وهن مش عارفات هو شو بيعمل فيي!! وغير هيك انا عمري 29 سنة ولكن اللي بيشوفني بيحكي 19 – 20 سنة والله العظيم ما هو مدح في نفسي ولكن هاد هي الحقيقة ما حدا بيصدق انه انا متزوجة وعندي 3 بنات لأني بهتم بحالي كتير ..ولكن زوجي شايف غير هيك خالص.. بيصير يعايرني على طولي لأنه هو اطول مني ب 17 سم هو 177 سم ومع اني بيضة وشقرا وهو زيي ولكن بيعتبر حاله فائق الجمال وانه كل البنات بيعجبوا فيه.. دايما بيحاول يقلل من قيمتي ويهيني في أي شي انا بعمله.. عمري ما سمعت منه كلمة شكر او تقدير.. عمره ما حكالي كلمة بحبك...وبحسه كأنه اذا عمل هيك بينقص شي منه او بيخاف اني اشوف حالي عليه لما يسمعني هالكلمتين!!!! والله انا ما بدي منه لا فلوس ولا شقق ولا أي شي انا بس بدي يعاملني كويس ويحترمني ويحترم رأيي حتى لو ماراح ينفذه .. لكن للأسف ما في من هاد كله ... سلافاتي كلهن مش متعلمات ولا موظفات ومقصرات في بيوتهن عالأخر ولكن بشوف ازواجهن بيعاملوهم احسن معاملة على عكسي انا.. ولعلمكو أخو زوجي الكبير كتير كان يغار مني لأني اجمل من زوجته ومتعلمة ومن عيلة واصل ونسب وموظفة فكان بشتى الطرق يحاول يستفزي هو كمان بمرته ..وكان ومازال حاسد زوجي عليي او بالاصح مستكثرني على اخوه الغلبان المسكين..!!!يعني المفروض زوجي اخد وحدة غلبانه مسكينة زييه ما الها شخصية خالص!! وانا بعد كل هاد متحملة والله ما انا عارفة ليه؟؟؟ فكرت اطلب الطلاق بس فكرت في شي واحد بس.. مو زوجي وبناتي لأ بالعكس بناتي رح يعيشوا احسن عيشة معي خاصة انه راتبي راح يضل معي ما رح ياخده زوجي مني.. فكرت شو حيكون موقفي قدام اهلي اللي انا تخليت عنهم قبل 3 سنين عشان زوجي ،وزوجي صار يعاملني معاملة سيئة اكتر من الاول.. حاسة انهم حيحكولي بنظراتهم ( روحي مش هاد اللي سيبتينا عشانه) وهاد الشي بيقتلني وبيقهرني وغير هيك اللي بقهرك اكثر انه زوجي متعلم ومعاه شهادة يعني مش امي زي اخواته وبتعرفي شو تخصصه؟؟؟؟؟ خدمة اجتماعية!!!!! مفاجأة صح؟؟؟ للأسف زوجي مش فاهم تخصصه خالص ولا بيطبق منه أي شي في حياتنا اليومية..
عن جد انا تعبت كتير وشايف كل الدنيا مسكرة في وجهي.. مش عارفة كيف اتعامل مع زوجي في قصص البنات والمشكلة لما شكيت لابوه واخواته ما صدقوني وحكولي زوجك متدين ما بيعمل هيك.. صحيح هو كااااااان متدين ولكن دينه قل لما صار يقف في محل السوق ويشوف البنات اللي لابسات ضيق ومتمكيجات....ألخ والمشكلة انه ما بيرضى يشوفني لابسة الضيق او اطلع معه وانا متمكيجة اما على غيري مش مشكله!! طيب لبه مش انا حلاله؟؟؟ مش لازم هو يطلع عليي انا ؟؟؟؟ والله يا لما بطلع على شغلي بشوف كتير معاكسات وبستغرب ليه كل الناس شايفني حلوة الا زوجي؟؟؟ انا بديت اخد على الوضع وصرت احس انه المعاكسات هاد بترضيني بعض الشيء.. من الفراغ اللي حاساه من زوجي واللي خلاني اجي اكتب اليوم انه اليوم رن عليي وهو في المحل من رقمه الجديد استفزاز الي فرحت ولبست ونزلتله على محله في السوق ولما شافني تفاجأ وحكيتله : شفت ما في اسهل منها اطلع بدون ما تعرف واعمل اللي بدي اياه وانت بالمحل وارجع عالبيت لا من شاف ولا من دري!! وكان واقف صاحبه اللي بييجي علينا وحكالي مالك يا ام محمد؟ حكيتله بيرضيك يعمل فيي كذا وكذا ؟؟ حتى صاحبه تفاجأ من تصرفاته.. واناعصبت عليه وهو عصب اكتر مني وحكالي انت طالق ..!! في عز شهر رمضان!! صرت ابكي وحكيتله انا ما راح اترك البيت لاني بحبك وكل تصرفاتي هاد عشان انا بحبك بس انت مش حاسس فيي ودايما بتقلل من احترامي وصرت اعيط في المحل واداري حالي من الزباين وحكيتله انا بحبه كتير وما راح اسيبه حتى لو طلقني مليون مرة وانا ما بدي منك غير الكلمة الحلوة خد مني كل الفلوس بس احترمني وحلفته ما يجيب سيرة لحدا من اهله علي صار بينا وعن الطلاق وحكيتله انا راح ارجع عالبيت واوعدك اني افتح صفحة جديدة واوعدني انك تفتح صفحة جديدة معي وتحترمني وتعاملني كويس حكالي ماشي مشي يلا وعد يلا روحي روحي وروحت انا هلأ في البيت وبستنى فيه يرجع وخايفة ما يرجع ويروح يغدر فيي ويتخلى عني او يحكي لأهله وتكبر المشكله ارجوكو تنصحوني وتحكولي شو اعمل وكيف اتعامل مع استفزازات زوجي الغرامية،، خاصة انه عندي بنتي الكبيرة 7 سنوات بتفهم كل شي وحاسة انها راح تتعقد معي ..
وووالله راح دعي ربنا في هالشهر الفضيل يهديلي زوجي ويهديني ويفرجها عليي.
وجزاكم الله الف خير وحعله في ميزان حسناتكم..


__________________________________________________ __________

الله يعينك حبيبتي ويصبرك
خيانة الزوج صعبة كتيررر


__________________________________________________ __________

الله يصبرك يارب استغفري الله كتير وفي شغلة انا بحكيها بس اتخانق انا وزوجي وبيهدى عادي قل هو الله احد 7 مرات وتنفخيها بوشه وكمان اطفات غضبك بلا اله الا الله واحيانا بقرا سورة يوسف هنن بيقولوا للعروس مشان تكون حلوة بعين زوجها بس انا كمان بعملها بقراها على مي وبشربها وبغسل جسمي فيها بدون ما تكبي المي على الارض يعني لازم تكبيها على شي زريعة لانه مي قران والله يفرج همك


__________________________________________________ __________

حرام عليكو 64 مشاهدة وردين بس؟؟!!!
المهم زوجي غدر فيي وحكى لأبوه وجدته اللي هي عبارة عن وكالة رويترز عنا في البناية والله العظيم انا بكتب وانا مش شايفة الحروف من كتر العياط وبيحكيلي زوجي انا ما راح ابات في البيت غير لما يمشياللي في راسي وانا مش عارفة شو هو اللي براسه ..
وانا خايفة احكي لاهلي لانه لحظتها راح اتطلق نهائيا .. الله يوفقكو ساعدوني وادعولي


__________________________________________________ __________

اتعوذبي من ابليس ياقلبي وبعدي وساويس الشيطان و الطلاق مهي حلوه لك مره
ادعي ربك استغفري لاتنسيه الدعاء بسجود وقبل التسليم من الصلاه
قاعده اقرا ودموعي مثل المطر ولاراح انساكي من الدعاء
تعالي على الخاص بدي ساعدك