عنوان الموضوع : موقف ام زوجي وبنتها اللي قهرني وشرايكم -لحياة سعيدة
مقدم من طرف منتديات نساء الجزائر

موقف ام زوجي وبنتها اللي قهرني وشرايكم






السلام عليكم ورحمة الله وبركاته
مبارك عليكم الشهر
البارح زوجي قالي ترى عزمت امي على السحور واحسبي حساب اختي لانها موجوده قلت ان شاءالله المهم اني رحت للسوبر ماركت اجيب اغراض رمضان وماجيت الا الساعه12على طول رتبت الاغراض وبديت بالسحور ورتبت البيت وبخرته وسويت القهوه وللمعلوميه انا ساكنه فوق و دايمآ اطبخ لها وتاكل معنا بس اذا جو بناتها لا هم يطبخون لها طبعآ واذا كانو بناتها موجودات تتغير علي واحيانآ اغيب عنها فتره ولا حتى تسأل عني ولا عن اخباري««طلعت من الموضوع نرجع للموضوع زوجي قال لولد اخته رح ناد امك وجدتك نزل الولد ورجع قال قلتلهم او قلتلها ماسمعته زين المهم جلسنا ننتظر الين مابقى عن الآذان الا نص ساعه قال زوجي هاتي القهوه جبتها وجلسنا الا هذي امه جايه واقوم عنها ابيها تجلس بمكاني قالت لالا ابروح القهوه على النار مسويتها الشغاله عشان بنتي قال زوجي خليها تجي تتقهوى قالت لا منسدحه عند عيالها وقامت قال زوجي طيب السحور قالت وش سحوركم قلنا رز ودجاج ومرق قالت لا انا ماآكل الرز ابي اتسحر على زبادي وقامت ونزلت انا انصدمت قلت انت ماقلتلي انك عازمها قال ايه عزمتها ووافقت قلت طيب ليش ماقألت مأبي الرز من الاول نسوي لها اللي تبي وحنا متعودين على السحور رزوهي عارفه المهم احنا تسحرنا وباقي نص الاكل مااحد اكله وزوجي زعل وارتفع عنده الضغط قال ليش امي تسوي كذا اليوم نزل لها وقال لها ليش سويتي كذا قالت الولد ماقال لاختك قالي بس انا قال طيب ليش ماأكلتي على الاقل لو مجامله وانا عارفه ان هذا كله من تحت راس بنتها وبناتها كلهم كذا الا وحده الكبيره هي احسنهم مع اني والله العظيم ماعمرهم شافو مني شي بالعكس هم اللي مأذيني امهم تحط بقايا الكل بطريقي مع ان اندها حوشين وحاطه احذيه واغراض تحت الدرج وهي عندها مستودعين وكل هذا وانا ساكته لاني لو قلت لزوجي قال انتي تدورين المشاكل بس هالمره وقف معي لانه هو اللي عزمها وسوت فيه كذا
وابي اللي تقرى موضوعي تقولي وش رايها ووشلون اتعامل معهم بعد هالسالفه

>>>>> ردود الأعضـــــــــــــــــــاء على الموضوع <<<<<
==================================


ياعمري لاتشيلين هم ولاشي .. وجت منهم انتي يابنت الاجواد سويتي اللي عليج وهم اللي تصرفوا بطريقه مو حلوه.. بكيفهم الله يحفظهم وبسلامتهم .، وانتي خليج معاهم رسميه عشان مايسوون لج مشاكل ،، ان زوجج طلب منج شي قوليله لبيه وحاضر ومن عيوني عشان خاطره هو بس.. وهم ماعليج منهم منتي ملزومه فيهم .. حافظي على الاحترام بينكم والرسميات وهذا اهم شي عشان ماياخذون عليج ويمونون والله بيجننونج ،، واحسن تصرفوا بالطريقه هذي خليها تبان في عينه. . وبالنسبه لاغراض تحت الدرج والله مامنها الا تجميع الحشرات والوصخ ،، اذا فعلا متضايقه منها قولي لزوجج انا ارتبها لهم في المستودع بس ننظف تحت الدرج ،، عشان الحشرات والفيران والمكان يصير انظف ،، بالذات قبل العيد .. والله يعينج الصراحه اهل الزوج اذا تملعنوا يخلون الوحده تتصرقع .. والله يوفقج حبيبتي وسعي الصدر مصيركم تتفارقون وكلن يطلع فبيت يخصه.. الله يسخرهم لج امين.


__________________________________________________ __________

حبيبتي حروف مشكوره على ردك الحلو ياقلبي الله يوفقك
الله يسمع منك يارب اطلع ببيت لحالي وارتاح من مشاكلهم


__________________________________________________ __________

المشاركة الأصلية كتبت بواسطة helh
لببببرببببببب

شكرآ على مرورك العطر


__________________________________________________ __________

$$$ فضــــــــــــــــــل التســــــــــــــــــــامح $$$
:::::::::::::::::::::::
غاليتي اطلعي على الرابط رائع للغايه...واختنا الغاليه حروف ماقصرت ماشاءالله...
وعلى توقيعك.......ان شاء الله تكوني اغلى واجمل انسانه بعيون ابوعيالك....وكل معارفك...
بعلو اخلاقك....وذوقك....وطيب اصلك....ونقطه مهمه جدا::::
اعمالك لوجه الله وربي مطلع على جميع نوايانا واعمالنا وكلن ياخذ جزاه عند رب العالمين....
لاتفكري بامس وفكري ببكره هل نحن مقصرين بااعمالنا اتجاه الله سبحانه ...هل مقصرين بحقوق اقاربنا
فقط نعمل الواجب ومانفكر بردة الفعل والمعاملات فالناس عقولهم ليست واحده وقلوبهم ليست سواسيه
وطباعهم ليست متطابقه ....إلخ.............حفظك الله وبارك فيك...


__________________________________________________ __________

المشاركة الأصلية كتبت بواسطة النجمه المبدعه
$$$ فضــــــــــــــــــل التســــــــــــــــــــامح $$$
:::::::::::::::::::::::
غاليتي اطلعي على الرابط رائع للغايه...واختنا الغاليه حروف ماقصرت ماشاءالله...
وعلى توقيعك.......ان شاء الله تكوني اغلى واجمل انسانه بعيون ابوعيالك....وكل معارفك...
بعلو اخلاقك....وذوقك....وطيب اصلك....ونقطه مهمه جدا::::
اعمالك لوجه الله وربي مطلع على جميع نوايانا واعمالنا وكلن ياخذ جزاه عند رب العالمين....
لاتفكري بامس وفكري ببكره هل نحن مقصرين بااعمالنا اتجاه الله سبحانه ...هل مقصرين بحقوق اقاربنا
فقط نعمل الواجب ومانفكر بردة الفعل والمعاملات فالناس عقولهم ليست واحده وقلوبهم ليست سواسيه
وطباعهم ليست متطابقه ....إلخ.............حفظك الله وبارك فيك...

الله يخليك يالنجمه المبدعه بجد انتي مبدعه بأسلوبك وكلامك الحلو اللي مثلك الله يجزاك خير وانا ماادري ليش يعاملوني كذا انا خايفه يقلبون زوجي علي الله يهديهم بس ويسامحهم