عنوان الموضوع : زوجي زعلان مني -مجابة
مقدم من طرف منتديات نساء الجزائر

زوجي زعلان مني






السلام عليكم

أخواتي ابي رايكم في موضوع خاص ..

انا متزوجة صار لي يمكن 7اشهر

بس حاليا فترة خطوبة

بس يعني عاقدين او مثل ما تقولون كتب كتاب او مملكين

على ما نجهز شقتنا حتى انتقل معه

المهم

انا قعدتي معاه او روحتي للبيتهم مو كثيرة بحكم دراستي يومين او 3 بالاسبوع

4 الى 5 ايام بالكثير في حالة الاجازات

انا طبعي خجولة

مع اهلي بتكلم عادي

لكن مع اي ناس جدد او حتى اقاربي

و بحتاج اكثر من سنة حتى لو مع صديقاتي حتى اتعود ..

و اتكلم عادي

بخجل ما بعرف اتكلم و اقعد افكر شنو اقول

الكل يطلع 100 سالفة يتكلم فيها و انا يا دوبي بفكر شنو اقول

مع ذلك محبوبة من الاخرين و الحمدلله

صار لي تقريبا اسببوع ما شفت زوجي لاني ببيت اهلي

و بحكم اللي قاعد يصير في البحرين

اليوم عاتبني و قالي انه وصل حده

السالفة و مافيها انا ما اتصل له كثير

يمكن مرة باليوم و اسولف وياه

و هو مو عاجبنه هالشي

ما اعرف شنو اقوله و شنو اساله

اخجل اتكلم مع اهله و خصوصا اخوانه

و هو يقول لا لازم تتكلمي معهم و تصيري عادي

و كلما اقوله طبعي كده يتنرفز .. انا مو قصدي ما اتكلم معهم

بس انا مو متعودة اكلم رجال حتى ولو اخوان زوجي

الشي الثاني و انا ادري انا غلطانه فيه

اني ما ادلعه ما اقوله حبيبي او عمري

و هو زعلان من هالشي

بس مو متعودة

و يقول لي ابيج تقولين لي اللي بخاطرج

ابي جدي و جدي

او اعمل كذا او كذا

و حتى اشياء تتعلق بالعلاقة .. يقول لي انتي اطلبي مني كذا

بس انا ساعات يجي على بالي اطلب منه بس كله الخجل يوقفني

و هو صار يكره هالشغلة فيني ( الخجل )

شغلة ثانية .. دائما يقول لي تزيني لي .. انا اتزيين له بس بحكم قاعدين في بيت عائلة و بطلع و اخوانه بشوفوني ما يصيير

ساعات احط لي ميكب خفيف ..

هو من النوع اللي دايما يحب يقول اعملي كذا كذا

اعملي شعرك .. حطي كريم .. في البداية كنت اضايق بس بعدين تعودت

و شي ثاني اني جسمي فيه بقع داكنة .. بحكم ان وزني زايد

و على طول يقول انتي ما بتتحممي زين

شو اعمل انا .. ساعات بينفرزني

و من طبعي انه ما اعرف ارد على احد .. حتى لو معصبة

بطلع نفسي انا الغلطانة .. حتى لو كنت على حق

و عنده طبع ما يصدق احد ..

حتى مرة اخته فشلته و قالت له هالكلام .. انو انته تبي على طول انته الصح و احنا الخطأ

و بعض الاحيان اسكت و انا اتحاور معه لاني أمِل .. دائما يطلعني خطأ

أو أنا ما بفهم .. فأفضل اني اسكت

و معظم الوقت اكون معه او مع اهله ساكتة

من خجلي و لاني ما بعرف اتكلم

انه صراحة تعبت من نفسي مو قادرة اتغلب على خجلي

و غير اني ما ااعرف اتكلم

يعني شو اسوي بحالي

انا حتى في بيت اهلي

ما اطلب من امي و لا ابوي فلوس حتى لو محتاجة

معتمدة على نفسي من يوم صغيرة

و ما احب اي شي يتعلق بطلب من الاخرين

مشكلتي الاكبر هي الخجل و كثرة التفكير

صراحة حبيت اكتب الموضوع اخفف عن نفسي شوي

و متقبلة رايكم حتى لو كانت انتقادات

عذرا على الاطالة

>>>>> ردود الأعضـــــــــــــــــــاء على الموضوع <<<<<
==================================


الله يفرج عنك ويكتب لك الخير والسعاده


__________________________________________________ __________

ياختي ليه ماتقولين له عن شخصيتك بعدين كل هالوقت ولا عرف شخصيتك
ومن ثم اللي بينك وبين زوجك لاتقولين حيا والا استحي رجلك هذا صح بالبدايه بس بشويش راح تتعلمي
وتتفنني
وشئ طيب علمك وش يبي وش مايبي
بس اذا وصلت لطلباتك واغراضك وكذا ياختي احمدي ربك ماشاءالله انه يقول قولي وش تبين اطلبي اطلبي اذا ماطلبتي من زوجك من مين تطلبين لان الرجال يشعر برجولته وهو يلبي طلبات زوجته
بالنسبه للزينه عند اهله كثر الله من امثالك قولي له اتزين لك انت بس واكدي هذا الشئ اذا صرتو مع بعض وان شاءالله على كلامك انك راح تستقلين بشقه فا ان شاءالله راح تعوضينه باللي يبيه وقولي له كذا
والحديث بينك وبين اخوانه انا نفسي استحي لحد الحين مع اني 5 س متزوجه
بس تكلم بحدود المعقول

والكلا م الحلو لاتبخلين فيه خاصه اذا هو يطلبه
واذا كنت بعيده عنه صدقيني بيطلع الكلام اسهل يعني عوضيه عن غيابك بعد كذا راح تتعودي
والله يوفقك ويسعدك
ااسف ع الاطاله


__________________________________________________ __________

مشكوووووووووره
بس جد هذي زوجك المفروض
ما تستحين منه


__________________________________________________ __________

كذا حبيبتي راح تخسريه وبعدين راح تعضي اصابع الندم
نصيحتي لك مااحد يقدر يساعدك غير
نفسك وبس انتي ساعدي نفسك واتغلبي على خجلك الزايد
وابدي من الان
والله يسخره لك ان شاءالله


__________________________________________________ __________