عنوان الموضوع : الفرق بين الزواج في أوله وبعد عشره سنوات قصه طريفه من واقعنا -مجابة
مقدم من طرف منتديات نساء الجزائر

الفرق بين الزواج في أوله وبعد عشره سنوات قصه طريفه من واقعنا






السلام عليكم ورحمة الله وبركاته
تشير الساعة إلى 6:30 صباحاً
تودع زوجها وهو طالع للعمل وتقول له بالسلامة يا حبيبي

الساعة 11 صباحاً
تتصل عليه في العمل وتقول له حبـيت اسمع صوتك بس يا عمري


الساعة 3 العصر
:تستقبله وهي متشيكة وتبوسه وهو داخل للبيت وتقول له
"الغدا جاهز يا حياتي ..تحب أحطه لك الحين" ؟


الساعة 5 العصر

تصحيه من النوم ببوسة وتقول له اعمل لك شاي يا حبي ؟

الساعة 6 المغرب
تسبل عيونها وتقول بكل خجل يا ريت يا حبـيبي .. يعني لو
ما عليك كلافه .. يعني إذا تقدر توديني شوي لبيت أهلي
إذا كنت تقدر يا عمري وقبل ما ينطق بكلمة: " إذا ما
تقدر خلاص مو لازم ".. وطبعاً يضيع هو في نظرة من عيونها
ويوديها لاهلها ولو انهم ساكنين في الدمام وهو ساكن في الخبر.

الساعة 8 بالليل
تتصل على الجوال وتقول: "اشتقت لك يا عمري .. يا ريت
تمرني ونروح للبـيت".. وطبعاً هو عارف وش بيجيه في البيت فيطمر ويقول للشباب آسف والله يا شباب راسي مصدع ولازم امشي

الساعة 10 بالليل


تجلس في حضنه وتقول: "الله.. يا حبي تتذكر ؟.. تتذكر أيام الخطوبة لما كنت تعمل المستحيل عشان تشوفني وانا يا ما كذبت على ابوي وقلت له اني طالعة مع أمي وانا أصلاً متفقة مع أمي عشان اطلع معك!"

الساعة 11 بالليل

!الوصول إلى هذه الصفحة غير مسموح

بعد مرور عشر سنوات



الساعة 6:30 صباحاً
هي في سابع نومه


الساعة 11 صباحاً
!هي برضه في سابع نومه
الساعة 3 العصر

تستقبله وهي نافشة كشتها وتقول: " شف لي حل مع ولدك علي هذا ..حتى الآن ما حل الواجب .. وسويـر الله ياخذ عمرها إن شا الله شاقه مريولها في المدرسة…عطني فلوس لازم أروح اشتري لها واحد غيره … وصويلح يبي علبة هندسه توه يقول لي يوم ان الاختبار صار بكره … وترى موضي تكرفست مع الدرج وهي كانت في المشاية… والظاهر انها تعورت … كله من هالشغالة الله ياخذها….اسمع يا أنا يا هالشغالة في هالبيت…. أبيك اليوم تسفرها ما أبي أشوفها وابـيك بسرعة تقدم على وحده ثانية …. وما أبيها تصير حلوة….. يا ويلك لو صارت حلوة .. وبعدين شغالتي أبيك تشرط عليها إذا سفرتها ما عاد تشتغل عند احد…. عشان ما تقول أسرار بيتنا للناس اللي تشتغل عندهم ما تدري إن أسرار بيتهم كلها
عند الجيران من لسانها هاللي وش طوله!

الساعة 5 العصر
هي تفك هوشه بين سوير واخوها.. ويصحى هو على صوتها وهي تهاوش وتدعي عليهم بجميع الأمراض الخطيرة الحديث منها والقديم: "جعلكم للطاعون …جعلكم للحمى …جعلكم للوادي المتصدع …جعلكم للحمى القلاعية …والأيدز ...الخ

الساعة 6 المغرب
هو جالس يشرب الشاي وهي تقول: "نبي نروح لامي بتجيهم بنت خالة جد ولد عم أبوي...وبعدين نبي نروح نشتري للبنت مريول...وبعدين بنت عمي والدة ولازم أروح اشتري لها هدية من باتشي و أبي أمر على المشغل..وبعدين حطنا عند أختي في الجبيل من زمان ما شفناهم.

وفي هاللحظة فكر هو انه يشتغل ليموزين أحسن له

الساعة 8 بالليل
تتصل بالجوال: "وينك فيه ؟ وبعدين وين بتروح ؟ ومنهو اللي معك هذا ؟ ووش تسوون ؟ ومتى بتجي ؟.. لا ما فيه!!.. الساعة 10 انت بالبيت

الساعة 10 بالليل
جالسين هي وياه عند التلفزيون ..أخيراً هدوء ...والعيال نايمين ...والجو جميل ..وفجأة تطالعه وهي مادة بوزها وتقول: "الحين أمك وش عندها اليوم ما ترد يوم اني سلمت ؟ "
"هاه ؟ .. والله ما ادري كان سألتيها".... "وأختك وش هالحركات اللي مالها سنع…ليش عازمة الجيران وكل حريم اخوانك إلا أنا ؟؟؟ .. لكن هيـّن والله لأسوي عزيمة وما أناديها… أصلاً هي ما زارتني في المستشفى يوم اني ولدت وانا فاهمة قصدها..لكن هيـّن ..والله لو تحب السما ماني زايرتها إذا ولدت…وبعدين بنات عمك وش عندهم نافخين عمرهم ؟؟ على ايش أبي افهم؟؟…. على جمالهم الزايد اللهم لك الحمد بس".. تسكت شوي بعدين تقول: "وبعدين أختك نوره يوم انها تقول إن علي ولدي يشبهني ما يشبه أبوه وش قصدها هاه؟؟"
ملاحظة : علي هو اشين اخوانه

"أنا فاهمة قصدها، وتراها إذا ما بطلت هالحركات والغمز واللمز تراني أبسمعها كلمتين وأخليها تحترم نفسها….. لا وذاك اليوم تقول أخوي محمد ( اللي هو الزوج ) حلو مرة و3 من حريم الجيران قد خطبوه لبناتهم…. من زينك بس ما أدري وش لاقين فيك!؟"
يسكت وما يرد.. تسكت هي ثم تقول: "وبعدين أخوك شاري لحرمته ساعة قيمتها عشرين ألف ريال".. يرد: "طيب وش المشكلة ؟".. هي: "وأنا ليش ما تشتري لي ..والا أنا ما استاهل .. ولو هي يعني أحسن مني؟! … بلاك ما شفتها ...شينه وطبايعها شينه وحتى طبخ ما تعرف تطبخ!!".. هو: "خلاص اشتري لك
ساعة".. تعصب هي وتقول: "ايه تسكتني بهالكلام ….والله لانت شاري ولا شي".. هو:" وش تبيني أقول يا بنت الحلال ؟".. تقوم وهي تبكي وتقول:" خلاص ما أبي منك شي ! "

الساعة 11 بالليل
هي زعلانه ونايمة مع العيال
!وهو يتحسف على اليوم اللي تزوج فيه


اقول مو اللي توه خاطب بعد هالايميل يفصخ الخطوبة ويحملني ذنب ترى مالي شغل

مـــــــــــــــــــنـــــــــــــــــــــــــــــ ـقــــــــــــــــــــــول

>>>>> ردود الأعضـــــــــــــــــــاء على الموضوع <<<<<
==================================


والله أني أشك أنك حرمة لآن هاموضوع مايتعقد منه ألا الرجال عموما كلامك صحيح 100/100 ويعطيك العافيه ياهتان


__________________________________________________ __________

ليه بس كذه يابنت الجوف
والله اني حرمه ومتزوجه كمان والا منهو الرجال اللي بيدخل موقع كله حريم
بس والله هذا الشي يصير في 98% من البيوت
عموماً تسلميلي والله


__________________________________________________ __________

والله ياهتان موتيني ضحك لأن بعض المواقف مرت علي والله مادري الله يعين الرجال

على الحريم ولايعين الحريم على الرجال لكن هذا حال الدنيا وحنا ياالحريم مغير نتذكرمع

أزواجنا ذيك الأيام الحلوة ألى مستحيل ترجع ويقهرني زوجي لحس اني اتحسر على ذيك الأيام يقول انت راحت عليك أما أناأقدر أعيدهامع غيرك أنــــــــــــــــــــذال:Icon213:

لكن هنـــــــــــــــــاك تنبيه الله يسعدك وهو ان الأم تدعي على عيالها بالأمراض

ماأظن فيه أم كذا وإن كان فيه كذا أمــــــــــــــــــــــــــانة اتقوا الله في أولادكم

ولاتدعون عليهم {مرة كنت عند حرمة وجا واحد من عيالها يقول يمه الحقي فلان قاعد

يسلق بيض قالت يامنسلق راســــــــــــــــة انشاءالله عاتبتها وقلت لها حرام عليك لتوافق ساعة اجابة}لكن الله يعينها عليهم جـــــــــــــــــــــــــــــــــــــــــــــــــ ـــن


وألف شكــــــــــــــــــــــــــــــــــــــــــر


__________________________________________________ __________

تسلميلي موت يا اثيره.. بعد إذنك لي تعليق على ردك..
اولاً مافي داعي انك تتحسرين على ذيك الايام لأن في يدك أنك ترجعينها
ولا تروح منك , بس يبغالك الصبر , وبعدين اذا تبغين الصدق ,, الله يعين الرجال على الحريم,, ماهو اني أظلم الحريم لا والله انا حرمة لكن الحق على نفسي أنا ما أنكر انه في رجال بعد السنه الاولى والسنتين الاولى يتغيرو لكن اكتشفت ان الرجال الي عمره 55 ما يفرق في تصرفاته عن اللي عمره 25 كلهم تفكيرهم اطفال حتى ولو كان فيهم خباثه بس هي طرق تجين فيها للرجال تخلينه هو يطلبك ترجعين ذيك الايام واذا انك ودك انتي ترجعينها مع الاراده والصبر بتقدرين وحتى ولو انك جدة بتقدرين واذا تبغين افكار ترى فيه كتابين انصحك بهم الاول كتاب مختصر عن كتاب رجال من المريخ ونساء من الزهر وهذا يعلمك انتي وزوجك كيف يتعامل كل واحد مع الجنس الاخر أما الكتاب الثاني اسمه رومانسيات زوجيه وهو كتاب مره حلو يعطي افكار حلوه وجديده وخاصه بك انتي وصدقيني هذا الكتاب راح يساعدك كثير في انك ترجعين ذيك الايام..
اما عن التعليق الثاني فهو عن الاباء والامهات اللي يدعون على اولادهم ياليت القصه على كذه وبس انا شفت اللعن من كذه شفت ولد عمره 9 سنين والمسكين احول واحده من اذانيه مفقوعه وواسنانه فوق بعضها المهم المسكين امه واخوانه طول اليوم وهم يضحكون عليه قدام الناس وماينادوه الا الأحول الأطرش اللوح السنون والولد المسكين خربة نفسيته نصحتهم لكن لا حياة لمن تنادي الله لايبلنا قلب على عيالنا مثل قلبهم على عيالهم
آسفه طولت عليك


__________________________________________________ __________

ههههههههههههههههههههههههههههههههه