عنوان الموضوع : الحماي والكنة ؟؟؟؟؟؟؟؟؟؟ حياة زوجية
مقدم من طرف منتديات نساء الجزائر

الحماي والكنة ؟؟؟؟؟؟؟؟؟؟






السلام عليكم ورحمة الله وبركاته




بسم الله الرحمن الرحيم....

الحماي والكنة.... الحماي والصهر....
علاقة قديمة ومتوارثة تحكمها العادات والتقاليد في مجتمعنا..
فكثيرا ماسمعنا عن مشاحنات ومشاكل تنشأ عن هذه العلاقة وفي بعض الأحيان قد تتطور هذه المشاكل لتتسبب في انهيار الأسرة...
ففي بداية علاقة الخطبة...
تبدا الأم تزن في رأس ابنتها ماورثته عن أمها من اقاويل و أمثلة عن الحماوات وتبدأ بتحذيرها من حماتها وعلى قولة:
(بنتي ديري بالك هي حماي مو لعبة..)

(بنتي الله يرضى عليكي ركزيلي حالك قدام هالمقوصة حماتك مابدنا تحكي شي كلمة علينا)
(بنتي تقبري قلب أمك يارب ديري بالك من حماتك ولاتخليها تتدخل بينك وبين جوزك..من أولتها ها والله بكرا بتخرب بيتكون..)
(بنتي هدول بيت أحمى مالهون غير بالنقد واللعي ديري بالك ها..)

ومن هالحكي...
بتلاقي البنت مابتوصل لليلة العرس إلا صار بعقلها مفهوم كامل عن علاقتها المستقبلية بحماتها
وطبعا ماننسى تأثير المجتمع وحكي الرفق والمسلسلات وغيروا...
وهيك بتبلش المشاكل..
وبتنسى البنت ا ان هي اللي عم تعمل مشاكل معها هي أمه للشخص اللي هي متجوزته يعني هي سبب وجوده..
وبتنسى الأم انو هي بيوم من الايام رح تصير حماي...
ونفس الشي بالنسبة للحماوات..
من أول مابيخطب الولد.. بتبلش حكي ونقد وعلى خطيبتك هيك عملت وخطيبتك هيك حكيت
يوه والله ماكنت مفكرتها هيك...
وهلم جرا.........



لك ياجماعة صار إذا لقيت وحدة بتحب حماتها أو حماي بتدلل كنتها شغلي عجيبة...


أنا حابي أعرف ما هو رايكم بها الموضوع...
يعني الأعضاء المتزوجين كيف علاقاتكم مع بيت الحماي بوجه عام ومع الحماي بشكل خاص,..
ولغير المتزوجين كيف تتصورون علاقاتكم ستكون في يوم من الأيام..........ان شاء الله نسمع اراء حلوة واسباب منطقية....


تحيتي وودي لكم

نيفين الشام

>>>>> ردود الأعضـــــــــــــــــــاء على الموضوع <<<<<
==================================


والله موضوعك حلو

بالصراحه الحمد لله في عائلتي عموما مافي
حماة ماتحب زوجة ولدها أو العكس...
كلهم متفاهمين يعني أحيانا في اختلافات في الرأي
بسبب اختلاف البيئات ... بس في النادر تلقين حماة وكنتها مايحبون بعض...


أنا حاليا زوجه مع وقف التنفيذ...هههههههههه
يعني مملكة بس حماتي طيبه والحمد لله..



مشكورة على الموضوع الرائع...


__________________________________________________ __________

المشاركة الأصلية كتبت بواسطة نووودي
والله موضوعك حلو

بالصراحه الحمد لله في عائلتي عموما مافي
حماة ماتحب زوجة ولدها أو العكس...
كلهم متفاهمين يعني أحيانا في اختلافات في الرأي
بسبب اختلاف البيئات ... بس في النادر تلقين حماة وكنتها مايحبون بعض...


أنا حاليا زوجه مع وقف التنفيذ...هههههههههه
يعني مملكة بس حماتي طيبه والحمد لله..



مشكورة على الموضوع الرائع...




كلام سليم ورائع

سلمتي على هذا الرد

تحيتي وودي لكِ


__________________________________________________ __________

مشكورة حبيبتي نيفين الشام على الطرح الموفق

احنا بمجتمعنا الاردني او بالاخص بالمجتمع اللي انا عايشة فيه صرت احس انو هاد الشي صار من الماضي

لانو بصراحة خليني اقولك بزمننا هاد ما عاد فيه حموات ولا كنات >>> جمع كنة ههههه

يعني كل وحدة هلأ عايشة ببيت مستقل عن بيت حماتها ويمكن ما بيشوفو بعض الا بالمناسبات

طبعا انا ما بنفي انو في بعض المجتمعات لسا الصراع بين الكنة والحماي قائم في بعض المجتمعات

واكتر شي بلاحظو في المسلسلات العربية


انا لساتني صغيرة ومش متزوجة بس بتوقع مستقبلا ان شاء الله انو ما يكون بيني وبين حماتي اي شي وبتوقع تكون العلاقة طبيعية بإذن الله

ومشكورة حبيبتي نيفين مرة تانية

n_n


__________________________________________________ __________

انا وحماتي ولله الحمد سمن على العسل وكمان اخوات زوجي على فكرة ماما كانت توصيني على ام زوجي وتذكرها بالطيبب وماما وحماتي يحبوا بعض كتير كتير
انا وحماتي جيران اذا مرضت تلاقيني جنبها وانا بصراحه ماانسى جمايلها عليا كم مرة صارت ليا مشاكل صحيه وولله ماتقصر الله يخليها لنا وكمان اخواته لزوجي بيجننوا جدا حبوبين .........الله يديم المحبه
اشكرك على هذا الموضوع
على فكرة اي زوجه تريد ان تكسب محبة زوجها ..تحب اهله او اقلها تتجنب المشاكل معاهم
مرة صارت لي مشكله مع اخته بصراحه كان الحل مانتكلم لمده بسيطه بس بيننا السسلام لكن ماقدرنا على هذا البعد ولا عاد كررناها


__________________________________________________ __________

في الحقيقة لما جيت عند اهل زوجي ماكان عندي حموات كبار كلهم صغار
وكانو بيحبوني كتير وانا كمان احبهم وهم عايشين في بلد اوربي وكبروا هناك
واتكلم معاهم في بعض المرات على النت
والله اول مرة لما كلمت اخت زوجي فرت الدمعة من عينينا لما شفتها وشافتني