عنوان الموضوع : ساعدوني الله يخليكم ..عطووووني حل ... -لحياة سعيدة
مقدم من طرف منتديات نساء الجزائر

ساعدوني الله يخليكم ..عطووووني حل ...






السلام عليكم ورحمته الله وبركاته ...
الله يخليكم اللي تقراء موضوعي ياليت تعطيني حل للمشكله اللي أنا فيها ,
انا بدخل بالموضوع عشان ماأطول عليكم ...
الموضوع صاير بيني وبين زوجي وحمولتي ..
انا الآن متزوجه صار لي اربع سنوات ولله الحمد مبسوطه مع زوجي ورزقني الله بنوته حلوه مات على دنيتي أنا وابوها ...
المشكله صارت في السنه الثانيه من زواجي ,وهي انا كنا مسافرين انا و زوجي مع اخته الكبيره واولادها وزوجه ولدها الكبير ...
في هذه السفره طلبت مني اخت زوجي إني اكلم زوجة ولدها في بعض التصرفات مع زوجها وخالته اللي هي اخت زوجي ,طبعآ صار بيننا سوالف كثيره تكلمنا فيها عن كل شي ولا تخلى السوالف طبعا من الحش في الرجال والحموله ... وهذا عند اي حرمه اكيد ..
هي طبعا تكلمت عن زوجها والمشاكل بينهم وبعض التصرفات , وانا بكوني مستمعه لها اعطيها بعض النصائح اللي تساعدها في تسير امورها ..وهكذا الى ما إنتهت الرحله ورجعنا ..
وبعدها بكم يوم اتفاجئ باتصال من اخت زوجي تكلمني وتقول انتي وش قلتي لزوجه ولدي ..وانا وش السالفه ؟؟؟وش صاير ؟؟
تدرون وش صار ؟؟؟؟؟؟؟؟؟؟؟؟؟؟؟؟؟؟؟؟؟
اللي صار ان كل اللكلام اللي دار بيني انا وياها قالته لزوجها وخالتها حتى النصائح اللي قلته لها بخصوص زوجها من ناحيه الالعاب الزوجيه وتصرفاته مع زوجها كل شي قالته عني ..
وفي اللأخير صرت أنا بنظرهم اني احشي راسها واكوكها عليهم ...
وطبعآ نقلت لهم حتى كلامي عن الحموله اللي طبعا وصل لأخت زوجي
انا اعترف اني غلطانه يوم طلعت اسرار حمولتي برا البيت ..وغلطت بعد يوم تكلمت مع هذي الأنسانه ..
بس المشكله الكبرى والطامة الكبرى ان زوجي عرف بالموضوع واللي صار وزعل علي اسبوع مايتكلم معي ولا يتوجه لي باي طلب واذا كلمته ما يرد علي ..
وانا كل يوم احاول معه عشان يكلمني وبدون جدوى ..
واخاف الموضوع يطلع ويصل عند اهله واخوانه ..واللي بتوصله لهم يمكن اخته..
الله يخليكم ويفرج همكم ويسخرلكم من حولكم ساعدوني في المشكله اللي انا فيها تكفففففون ...
وش اسوي عشان يسامحني زوجي وينسى غلطي ..
واذا طلع الموضوع ووصل لأهله واخوانه وش اسوي ؟؟؟؟؟؟؟
دلووووني على حل الله يعافيكم ...
وشكرآ..

>>>>> ردود الأعضـــــــــــــــــــاء على الموضوع <<<<<
==================================


الله يعينك يا اختي والله اني احس فيك وشاعره ومقدره الحاله التي انتي فيها انا صار لي موقف شبيه من موقفك شوي ولاكن انا والله الشاهد علي اني كانت نيتي زينه وكنت ابي مصلحة الانسانه هذي المهم صار لي زيك بس زوجي كان عارف الموضوع من البدايه المهم جلست ابكي وادعي ربي ان ما يوصل الخبر لقريبتي لاني اعزها واخاف انها ما تفهم السالفه زين ونذرت اني اصوم اذا ما وصل الامر لها مع اني ما احب النذر بس لاني حسيت اني بمشكله المهم جلست اسبوع على اعصابي واخر شي طلع الامر سهل وعادي وانتي الحين صدقيني دامك بموقفي الى انا كنت فيه وخايفه فربك ما راح ينساك خصوصا اذا كانت نيتك صافيه ادعي ربك باليل والنهار انها تعدي على خير وزوجك لازم تفهمينه الحقيقه وانك كنتي تتكلمين من باب انك تخلينها تاخذراحتها معك بالكلاام وانصحك نصيحه اخويه عاهدت نفسي عليها انك لو مهما تشوفين او تسمعين لاتتكلمين بكلمه واحده سامحيني على الاطاله بس حسيت بيك الله يهون عليك ويصغر مصيبتك لانها مصيبه والله ويجعلها تمر بسلام بينك وبين زوجك وحمولتك مع تمنياتي لك بالتوفيق التوقيع مجربه


__________________________________________________ __________

مشكلة ،،،الله يعديها على خير..لازم تحطي برأسك انها درس للمستقبل علشان تهون مصيبتك وبالنسبة لزوجك استغلي الوقت المتأخر والهدوء حتى لايصيح ولا يعمل شيء وتقربي منه ونحن النساء عندنا طرقنا في التقرب الي أزواجنا وحبي على رآسه وتأسفي منه وقوليله لاتكون أنت والناس عليا و...... ومن هذا الحكي وأكيد رح يلين قلبه وحاولي بدل المرة 10 وصدقيني كل شيء بيآخد وقته ويروح وحتي حمولتك ممكن تآخد وقتها هالقصة ورح ترجع الأمور متلما كانت باذن الله وربي يفرج كربتك ويسعدك وتتصالحين ويا زوجك وأهم شيء انك تستفيدي من هالدرس مستقبلا لأن وقتنا هذا معاد يخليك تتقين الا بالقليل والقليل جدا ممن حولك ..... آسفة أطلت بس هذا رأيئ وانشاء الله تنحل مشكلتك وتمر على خير يارب ..


__________________________________________________ __________

كلام الاخوات صحيح وماقصروا معك

لكن نصيحتي لك لاتدخلي نفسك ابد في امور غيرك

يعني اذا جاك احد يقول كلمي فلانه او انصحيها

قولي لهم انك مالك دخل بالموضوع

وبالتوفيق


__________________________________________________ __________

الله يعينك


__________________________________________________ __________

هي القصه لازم تاخذ وقت عشان النفوس تهدا ..بس أهم شي زوجك ..زوجك ...زوجك لازم تكسبين رضاه مهما كان

أم زوجك صالحيها بكلمتين وهديه حلوه وعزومة عشا


والله ييسرلك أمرك