عنوان الموضوع : وش اسوي مع زوجي
مقدم من طرف منتديات نساء الجزائر

وش اسوي مع زوجي






السلام عليكم ورحمة الله وبركاته
انا اول مره اشارك في المنتدى وابي رايكم في زوجي بدخل في الموضوع على طول
انا زوجي يسهر برا البيت اكيد بتقولون عادي لكن تخيلو يطلع من المغرب ولايرجع الا اليوم الثاني الساعه10الصباح واقوله طلعني يقول مايحتاج واذا طلع ادق عليه وينك يقعد ينافخ علي قدام زملائه ويكذب
كل مره يجيب لي عذر المره هذي وداني بيت اهلي وطلع ودقيت عليه وقلت اهلي بينامون قال خويي في المستشفى صار عليه حادث في العنايه المركزه
واسمع ضحك حوله سكت وقلت خلاص لا تطول قال طيب
دقيت عليه الساعه2 قلت وينك قال في المطعم اتعشى الا وصوت المسجل للأخر وحوله ضحك قلت متأكد انك في المطعم
قال لا اخذت عشا وبتعشى برا
وباجي دقيت الساعه3قال نص ساعه وجاي ولا جا
ودق الساعه4قال خويي رجع العنايه المركزه قلت لاعاد تكذب فام يرفع
صوته علي انتي ماتفهمين اعوذ بالله وسكر في وجهي
قمت وارسلت له رساله قلت كلمت ابوك وعلمته بالسالفه وقال بيدق عليك
يتفاهم معك(احسن شي اهله يوقفون معي)
قام دق وقال ارسليله بدل الوحده عشر وقفل في وجهي
انا يوم قالها رحت دقيت على ابوه في الفجر وقلتله بالسالفه قال خلاص بدق عليه واتفاهم معه دق على زوجي مارد قام زوجي دق عليه وينافخ
عليه قال انتي دقيتي على ابوي قلت ايوه
قال اجل تحملي ماجاك اجلسي عند اهلك شهر شهرين
سنه سنتين الله لايردك وقفل
جات الساعه6الصباح وارسل قال متى ماودل اجيك دقي



هاه وش رايكم والله العظيم مليت هذي ماهي اول مره
وش اسوي

>>>>> ردود الأعضـــــــــــــــــــاء على الموضوع <<<<<
==================================


ماأقدر اقول الا الله يعينك ويصبرك على بلواك شوفي حاولي انك تحلين مشاكلك لحالك مع زوجك بدون تدخل الاهل بينكما يمكن زوجك نفر من هالشي او اكثري معه الرومانسيه وتزيني يمكن زوجك فاقد شي منك
ادري والله حاسه فيك شكله عنيد وهذا الحاصل هدديه قوليله انا اهم من ربعك بره بس انصحك ارجعي بيتك وخليه يعرف اك تحبينه


__________________________________________________ __________

الله يهديه والله الرياجيل تغيروووووا مو زي قبل اعرف حريم ازواجهم يخونونهم مالك الا الصبر اسمعي صلي بالليل وادعي انه يسخرالله الك واستمري واهم شي الا ستغفار مجربه وسورة البقره يوميا اختميها ودعي وتركيه لا تناقشينه احذر ي الطلاق انا انصحك اصبري عليه والله حريم اصبروا على الضرب السب والحين ماشالله تغيروا ازواجهم انشالله يعجبك كلامي الله يهديه دعواتك لي


__________________________________________________ __________

الله يعينك ويصبرك الله يهديه انشاء الله


__________________________________________________ __________

تخيلو دقو اهله يقولون انه دق علي الساعه2 الليل وقالي نروح البيت وانا اللي عييت
ودق عليه الساعه4 وقلت تعال تفاهم مع اهلي
والله العظيم ماعييت لا اروح معه انه يدق علي ويقعد يرفع صوته علي وحطني انا الغلطانه
واخته كانت معي وسمعت كل شي صار بيننا والله يابنات انا تعبت ماعاد اقدر اتحمل و الاخت اللي قالت يمكن ماني رومنسيه اوفاقد هذا الشي والله اني البس له اتضبط وسويت الي ماسواه احد بس انه مايحس
ودايم يضحك علي والله حتى اذا طلع ارسله رسايل حب ووله ومن ذا الرسايل ولا فيه فايده


__________________________________________________ __________

هلا عزيزتي نونه .... كثير من نوعيه زوجك في هذا الزمن يفضل انه يقضي كل وقته برا البيت ومع اصدقائه علي انه يقضي وقته في بيته ومع زوجته .... لكن احب انصحك كااخت اولا ... الجئي الي الله وادعي ربك بان يبدل من حاله الي حال اخر ويسخرة لك ... واكثري من الاستغفار .... ثانيا لا ثم لا ثم لا تكثري الاتصالات فيه خليه يفتقدك عنه وهو من نفسه بيرجع يدورك لان في رجال مايحبون الحرمة تتدور عليهم وتشغلهم بالاتصالات ... واذا حصل وتواجهتي معة تعالي معة بالاسلوب الحلو والطيب وحاولي تفهمين هو ايش يبغي منك وش يحب منك .... واصبري واسال الله لك السعادة مع زوجك والهدايه له