عنوان الموضوع : اخ مشان الله انصحوني تعبت من هالتصرفات حياة زوجية
مقدم من طرف منتديات نساء الجزائر

اخ مشان الله انصحوني تعبت من هالتصرفات






السلام عليكم ورحمة الله وبركاته

كيفكم يا بنات دمتم بخير
رح اتكلم اليوم عن موضوع ذايقني بصراحة كتير

انا متزوجة من 3سنين وربنا ما كتبلضي انجب لسا يعني هادا موضوع كافي يشغلني ومتوظفة مع زوجي بالشغل بدك تحكي انا وززوجي بناخد راتب مع بعض يعني جيد والحمدلله والاكتر من هيك راتبنا والله من اول ما تزوجنا وهي بحلف بربنا وما في كذب بكلامي بيروح تسديد سلف وسد ديون وقسط السيارة وايجار البيت والباقي بتبخر والله وكل شهر بنطلع مديونيين والله على ما اقول شهيد ما تحوشلنا اشي وانا ناقصني مليون شلغلة من لبس واغراض البيت وزوجي حرام والله ما بشتري اشي حتى تحكي بتفشخر --واول ما اشتغلت معاه طبعا بعد اشهر من زواجنا وطبعا شغلنا متعب زي البورصة ومسائي يعني والله ما بنتهنى لا بالنهار ولا بالليل ولا بنلحق نزور حدا حتى على العييد زووجي بيعطل بعد العيد باسبوع --واول ما بلشت اشتغل معاه هون اعطونا راتب الفوق الريح زي هما ما بحكو وطبعا حكيتلكم انو بيروح وبتبخر وما بنستفيد منه بس الله وكيلك انا ما بفهم وما بعرف اكذب الكل قرايبنا صحابنا بسؤلوني كم راتبكم وانا زي الهبلة بنية صافية والله اروح حاكية كم والكل يفتح عينيه وذينيه ويحكي طيب والله منيح كتير على اتنين انتي وجوزك ومن اول ما اشتغلنا هالشغل لحد اليوم من والله بسمع الحكي بيوصلنا من اقرب الناس بيحكو علينا انو مخبييين مصاري وبنكذب انو ما معنا ---وانا رح انجلط شغلنا متعب والله لو تشوفي بنروح على الساعة 10 بالليل وبناكل وبندبس معدتنا وبنام من التعب وبنصحا يدوب بجلي الجليات وبوجهي على الشغل الساعة 1ونص وطبعا يوم عطلة واحد بالاسبوع الي ولزوجي وشوفي منظري هلا وجهي حالته حالة من التعب وجسمي دايما مكسر وانا وياه انتفخنا وانصحنا كتير لانه ما حركة بالمرة بحياتنا وما في مجال من السرير للكنباي للسيارة للمكتب وهيك كل شهر وكمان هم الخلفة كوم الناس الي بتحسس منها انا وزوجي والنفسية من عدم الخلفة --اخ شو بدي احكيلكم وبالاخر كل هالتعب يروح بالهوا وما بنتمتع بالراتب بسم الله الرحمن الرحيم بيجي اول يوم بيتوزع تاني يوم------احكولي ايش اسوي اتعلم الكذب من يوم وطالع والله ما بعرف ولا جاي عبالي اعتزل عن الناس اكتر ما انا معزولة واشوف بس والديني واخواني عشان لسا صغار ... والله تعبت يا ربي وما بقدر اترك الشغل هلا لسا علينا التزامات --لو تركت شغلي راتب جوزي ما رح يكفي .. شو اسوي تعبت من الناس كتير كتير كتير وربي يفرجها علينا وعليكم--انصحوني انا رح انفجر من التفكير --حاسة انو من اول ما تزوجنا منحوسيين ومحسودين مش زابط شي معنا

>>>>> ردود الأعضـــــــــــــــــــاء على الموضوع <<<<<
==================================


مساء الخير غاليتي ..
أولاً / الآن أغلب الناس تعاني مما تعانون أختي فأنا مثلاً حالي مثل حالك أشتغل أنا وزوجي ولا بركة في ما نكسب وكنت مثلك أقول للناس عن دخلنا ..
فنصيحة عزيزتي بالصبر والالتجاء إلى الله والشكوى له ولا تشكي للناس واحفظي سرك ولا تظهريه لهم (استعينوا على قضاء حوائجكم بالكتمان ) وإذا سُئلت يكفي أن تقولي عندنا خير من الله ولا توضحين كم ..
أيضاً حاولي أختي تنظيم دخلكم بحيث يوزع في بداية الشهر مثلاً فمبلغ للسيارة ومبلغ للبيت ومبلغ للترفيه ... إلى أخر ،،
ثانياً / بالنسبة للأطفال فألجئ إلى الله وأدعيه وأكثري من الاستغفار دائماً ،، ثم أطلبي العلاج بعد ذلك .. واصبري عزيزتي فلا زلتم في بداية الطريق ..
أتمنى أكون خففت عنك قليل من همك .. وأسأل الله أختي أن يزيل همكم وغمكم ويفرج كربتكم ويرزقكم بالذرية الصالحة ... آمين
تقبلي مروري


__________________________________________________ __________

هونيها وتهون ماعليك من كلام الناس بس اتحصني انتي وزوجك واكثري الاستغفار وتصدقي لوبشي بسيط عاالاقل عشرين ريال بنية وان شاء الله بتشوفي الفرق


__________________________________________________ __________

حبيبتي الله يفرج همك وهم كل المسلمين وياروحي الحال من بعضو يعني نحنا مو احسن من حالكم نفس الشي كانك بتحكي عنا.حبيبتي الالستغفار ثم الاستغفار بخصوص الاولاد/وبخصوص الراتب ياروحي لاتحكي لحدا والله الواحد صار يخاف من اهلو لايحسدوه فما بالك بلناس الغرب /ومثل ما قالتلك الاخت اللي قبل حاولو تنظمو المصروف ونصيييييييييييحتييييييييييي حطي حصالة بالبيت يمكن تضحكي علي وتقولي شو نحنا ولاد زغار بس ياقلبي انا جربتها بحط فيها مبالغ زهيدة يوميا ولما يجي جوزي من الشغل كلشي بجيبو فكة او فراطة مابعرف شو تقولولها بنحطها بلحصالة ونتفاجئ بعد شهر او شهرين بمبالغ حلة ما نكون حاسين فيها آسفة طولت عليكي موفقة


__________________________________________________ __________


__________________________________________________ __________