عنوان الموضوع : ذكريات الطفوله .... أيام جميله صحة الطفل
مقدم من طرف منتديات نساء الجزائر

ذكريات الطفوله .... أيام جميله



ذكريات الطفوله .... أيام جميله
الايام تمر وتمر السنوات تنقضي واحده تلو الاخرى وتتعدد الاحداث في حياتنا ونكبر عاماً بعد عام
ولكن يبقى الحنين الى الماضي الى الطفوله الى البراءه
الى جمعة الاقارب واللعب سويه الى المشاجرات والمشاكل
ولكن تبقى المحبه بيننا
نجتمع معا ًكل أسبوع للعب سويه والمرح
أما الان فـ أصبحت تجمعاتنا للحديث عن ماحدث لنا خلال هذا الاسبوع وماحدث لفلان وفلان
عندما أرى الاطفال يلعبون اتشوق أكثر للعب معهم ولكن أتردد احياناً وأقول ماذا لو راني احد وانا معهم سيقولون عني طفله
ولكن الزمن اختلف فقد كانت ألعابنا سابقاً تعتمد على الجماعه والشلل أما الان فمعظم الالعاب فرديه
منذ ان اخترعت هذه الاجهزه الالكترونيه كالـGame Boy والـ play station وغيرها من هذه الاجهزه
انتهى <<< تقصد اللغه العربيه الفصحى
انا في هذا الموضوع حبيت اكتب عن العابنا القديمه يعني الالعاب اللي كنا نلعبها وحنا صغار
يعني على زمنا ماكان عندنا ها الالعاب الا لعبه اذكر اسمها كان اتاري
اللي لونها اسود واليد حقتها مربع وفوقها عمود وفي نهايته حبه حمرا
المهم انا ابذكر لكم كم لعبه كنت العبها وانا صغيره مع عيال خالاتي وبنات خالاتي وانتو بدوركم تذكرون لي الالعاب اللي كنتوا تلعبوها
*-*-*-*-*-*-*-*-*-*-*-*-*-*-*-*-*
ومن ها الالعاب :
1/ لعبة أم وأبو <<< هذي كل الناس يلعبوها
يعني كنا دايم نلعبها كل أسبوع نروح عند أهلي في الديره نلعبها
أذكر اذا جينا نختار كانو اولاد خالاتي يقولون ماراح نختار انتو اختارو <<< يعني البنت هي اللي تختار الولد يبون يشوفون من منا تحبهم
عاد بنت خالتي وش تسوي تقول انا ابي اخوي يكون ابونا طيب الحين بقيت انا وبنت خالتي الثانيه فا اقول لها شوفي انا وحده عزوبيه اوكي وانتي اختاري واحد من العيال
تجلس تطالع تاخذ ولد خالي والاولد خالتي وولد عمها في وقت واحد فترسى اخيراً على ابن عمها لان اهو من عمرها أما ولد خالي اصغر منها
للمعلوميه احنا نلعب مع اولاد خالاتي اللي اصفر منا
لكن المصيبه الكبرى ان بنت خالتي اللي اصفر مني بـ4 سنوات كانت متعلقه فيني بشكل مو طبيعي وكانت دايم تقول انا ابي بنت روز
وانا اقول لها وشلون انا مو متزوجه تقولي عادي بعدين تزوجي ولد خالي واصير بنتك الله يخليك
وانا اقول لها لا انا ماابي ولا احد من العيال تقول خلاص خلي ابوي ميت والا مسافر
وانا غصب عني اقول طيب بتصيرين بنتي
*-*-*-*-*-*-*-*-*-*-*-*-*-*-*-*-*-*-*-*-*-*-*-*
2/ لعبة حجل
عرفي الحجل ؟
الحجل هو : رفع احدا القدمين والركض با الاخرى
هذي اللعبه كانا نلعبها من جميع الاعمار يعني من اللي أكبر مني بسنه الى اللي اصغر مني بـ6 سنوات
وكنا فريقين فريق البنات وكنا نسمي حالنا فريق الزهور وفريق الاولاد وكنا نسميهم فريق الضفادع مادري ليه طلعنا عليهم ها اللقب رغم ان عيال العايله مو شيون
وكانت طريقه اللعبه ان وحده من فريق البنات تحجل والاولاد كلهم يركضون وعلى البنت انها تمسك اكبر عدد من الاولاد
وشلون كنا نختار اللي تحجل ؟
كنا نجتمع احنا البنات في غرفه وكل وحده منا عليها تختار اسم لها وكانت اسامينا : باربي , الحلوه , القمر , العسل , بنت أبوها , بنت الاكابر ,....الخ
بعدين نطلع للأولاد ونعرض عليهم الاسامي وهم يختارون اسم واللي يطلع اسمها تحجل وكان عنها 3 stop وكان في مكان نتختار عشان تجلس فيه وها المكان لها تجلس فيه 3 مرات
اذا فازوا البنات ومسكوا الاولاد كلهم على الاولاد الحجل واحنا البنات نركض وكانت اسامي لاولاد : أبو صقر , بورسلي , جاكي شان , كابرس , ايكو سامي الجابر ,...الخ
وهذي هي كل اللعبه
*-*-*-*-*-*-*-*-*-*-*-*-*-*-*-*-*-*-*-*-*-*-*-*
3/ تيلفون خربان
هي أن نجلس ونكون حلقه دائريه وأول واحد يختار كلمه ويقولها للي جنبها في اذنه وكل واحد ينقل الكلمه للي جنبه بنفس الطريقه واللي ينقل الكلمه غلط يطرد برا اللعبه أنا الحين يعطيكم مثال
الحين الحلقه مكونه من :
روز وجنبي سحابه وجنبها مشبيه الجراح وجنبه ابله دع دع وجنبها fat Divel وجنبه ويفي وتنتهي الحلقه كان ودي اكتب جميع الاعضاء بس السالفه بتصير طويله
المهم انا الحين اخترت كلمة تيلفون وقلتها لسحابه وسحابه تنقلها لـ جراحوه وجراحوه ينقلها لـ ابله دع دع عاد ابله دع دع تسمعها غلط وتنقلها لـ fat على انها تلفزيون وfat ينقلها لـ ويفي و ويفي ينقلها لي واقول له انا غلط مين اللي نقل لك الكلمه يقول fatنسال fat
مين عطاك الكلمه يقول ابله دع دع نسال ابله دع دع وش سمعتي الكلمه تقول تلفزيون نسال جراحوه وش نقلها يقول تيلفون فـ تخرج ابله دع دع من اللعبه لانها نقلتها غلط ونقول لها سددفواتيرك تيلفونك خربان ونكمل اللعب
*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*
طبعاً هذا غير عن لعبة صيده او حله وطير : هي اللي نركض واحد يصيدنا
لعبة ثلج ماي : هذي تشبه الصيده بس اذا مسكك اللي يصيد تتجمدين على الشكل اللي صادك عليه وطبعا يجب على واحد من الاعبين الاخرين ان يجي ويذوبك وتكملين اللعبه هكذا واذا مسكك 3مرات تخسرين تصيرين انتي اللي تصيدين
والغميمه : اللي اخنا نتخباووحده تدورنا الغميمه بـ اللهجه الشرقاويه
وشبرا امرا : نط الحبل
وطبعا في العاب اكثر وان شاالله اعلمكم اياه بعدين
والحين جا دوركم تقولون لي وش هي العابكم
واتمنى ان الموضوع يعجبكم
اختكم :لين عليان

>>>>> ردود الأعضـــــــــــــــــــاء على الموضوع <<<<<
==================================


لعبه >>>>> الحبشششششه

هذ اللعبه كانت المفضله عندييي *
كنت العبها مع صديقاتي وبنات خالاتي

والله كانتتتتت اياآآآم جميله :-)


__________________________________________________ __________


__________________________________________________ __________


__________________________________________________ __________


__________________________________________________ __________