عنوان الموضوع : قصة معاناتي في ولادة بنتي الما
مقدم من طرف منتديات نساء الجزائر

قصة معاناتي في ولادة بنتي الما



السلام عليكم يا صبايا
كيفكم؟؟
ان شاء الله تكونوا بخير ما راح اطول عليكم بصراحة انا ولدت في اخر يوم من شهر 7 وكانت ولادتي صعبة جدااااااا واتعذبت كتيير المهم كنت اطلع وانزل ع درج بيتي عشان يجيني طلق وكنت اشرب ينسون وقرفة المهم صار معي وجع بنفس الليلة بعدها صار يزيد روحت ع المستشفى فحصوني وقال الدكتور لسا الرحم عندك مسكر ع الاخر المهم روحت ع البيت وطول الليل وانا اتوجع والطلق زاد كتيييير ما قدرت اتحمل قلت لزوجي بدي اروح ع اهلي عند ماما واخدني ع اهلي الساعة وحدة ونص بالليل صار الطلق يشتد وصار بين كل طلقة والتانية 4 دقايق وطبعا كان رمضان واهلي كانوا بتسحرو وانا كنت اصرخ من الوجع واخي صار يحسبلي الطلقات صار بين كل وحدة 3دقايق انا قلت خلص عدو نزل الراس المهم اخدني اخي انا وماما وزوجي ع المستشفى فحصوني قال الدكتور لسا مش حالة ولادة روحي ع بيتكم انا كنت راح اجن كيف مش حالة ولادة والطلق هااد شوووو؟؟ المهم قال الدكتور للممرضة اعطيها ابرة وبعدها صار الوجع يزيد طول الليل وانا بطلق اجا الكتور وفحصني قال التوسيع عندك بطيء بس 3 س اخر شي حرارتي زادت والدكتور راح اتصل ع دكتور تاني عشان يشوفني اجا وفحصني تااااااني قال معاها سخونة عالية والتهابات وصديد وحجات بتخوف قال لازم تروح ع مستشفى تانية اخدوني في الاسعاف وصلت هناك وتركوني اطلق طبعا الطلق صار كل دقيقتين ونفس الشي ما في توسيع 3 س وبس من السحور للصبح وانا نفس الشي والدكتور قال لي انتي ابتطلقي طلقة نزول راس يعني ولدت طبيعي اكتر من مرة ههه طبعا عملوا تخطيط للجنين صار نبض الجنين يقل خافوا ع الجنين حولوني ع العمليات وبعد كل هالتعب والمعاناة عملت قيصري وطبعا اتعبت كتيير عشان كنت عاملة عملية كنت اتوجع كتييير بعد اسبوع صرت احسن...يا رب ولا وحدة تذوق اللي شفتو ربي يسهلها ع كل وحدة ياااا رب

>>>>> ردود الأعضـــــــــــــــــــاء على الموضوع <<<<<
==================================


الحمدلله ع السلامه
ومبروك ماجبتي الله يحفظلك


__________________________________________________ __________

مبروك البنوتة ان شاء الله تتربى بعزكم
معك حق مبين تعبتي
انتي بكر ولا والدة من قبل


__________________________________________________ __________

لا حول ولا قوة الا بالله

الحمد لله انه ما صار فيك شي لا انت ولا جنينك لا سمح الله

الحمد لله على سلامتك ومبارك ما جاءك

يقيم بالنجوم


__________________________________________________ __________

الحمد الله ع سلامتك دائمون البكر عذاب الله يأمرنا وأنا الله يعيني حامل بالبكر


__________________________________________________ __________

الحمد لله على سلامتك ومبارك ما جاءك