عنوان الموضوع : (مشاركتي في مسابقة الحمل والولاده ) قصة ولادتي
مقدم من طرف منتديات نساء الجزائر

(مشاركتي في مسابقة الحمل والولاده ) قصة ولادتي



المشاركة الأصلية كتبت بواسطة ام النعمان


يا سعد يااكرام ويا سيداتي الحلوات ما يحلى السولفة الا بذكر النبي عليه الصلاة والسلام........



اانا يوم الاربعاء بالليل بدات معي مغص عادي طبيعي ...اانا افتكرت انه هاي مقدمة ولادة فرحت عملت مغلي اعشاب قرفة وبابونج ومرمية وشربته وقعدت اتمغص بس ما صار شي الوجع راح بعد شوي
رحت نمت ونعمة كريم


مع فجر يوم الخميس حسيت بوجع ومغص كثييييير شوي فكرت انه هذا هو الطلق رحت عملت مغلي الاعشاب وشربته برضه المغص شغال صارت الساعة 5 الفجر رحت صحيت ابو نعمان وحكيتله انا رح الد قام فز الراجل وحكالي لتكوني بتتوهمي حكيتله لا انا رح الد ...جهزنا حالنا وطلعنا عالمستشفى ...واانا بالسيارة كنت عادية بحكي مع زوجي وبضحك حكيتله الستات دلوعات هيني بتحمل المغص ...هو حكالي شكلك مارح تلدي ...حكيتله لا ان شاء الله ولادة



وصلنا المشفى.....لادكتور بقى مشغول مع حالة وفي ست بتنطر بنتها ...شافتني سالتني لشو جاية حكيت لها انا رح ا لد ...حكتلي لا انتي لسه بكير عليكي ...حكيتلها لا انا بدي الد ظ....قالت لا لسه بدك وقت كثييييير ...اجا الدكتور وفحصني حكالي انتي لسه مو ولادة بدك من هون لخمس ايام لسه ...




روحنا انا وزوجي وعادي مشيت اليوم مع المغرب صار معي مغص ووجع بزيادة ...حكيت لزوجي معي مغص حكالي بيكفي دلع ...اجوا اخوات زوجي علينا ماقدرت اقعد معهن من الوجع ورحت احاول انام بغرفتي ...نادوني ...الا بيحكن الي مافيكي شي لسه ماتقلقي انتي مو ولادة دخلت علينا سلفتي شافتني الا بتحكي روحي عالمستشفى انتي حالتك مش طبيعية..........وصرخت على اخوات زوجي حكتلهم انتن تاركتها تتتمغص ...



فزوجي اخذني
ورجعنا عالمستشفى وحكالي انا عارف انك بتتدلعي وصلنا المستشفى كنت تعبانة ...الا الدكتور فحصني حكالي لسه الرحم مو فاتح الا 2 سنتيمتر لسه بدك يومين حتى تولدي


...روحنا عالبيت كنت تعبانة كثييييير من المغص بدلت هدومي وتمددت على السرير ....الا المياه نزلت عليا صرخت على زوجي وحكيتله المياه نزلت عليا يلا نروح عالمستشفى ......لبسنا وطلعنا علامستشفى واتصل زوجي بامي وحكالها حكت بقابلكم بالمستشفى ...







وصلنا المستشفى الساعة 9 المسا وفتت على كشك الولادة فحصني الدكتور حكالي انتي لسه مش ولادة بس راح تبقي تحت الملاحظة لانه المياه نزلت وهذا خطر عالجنين ...وطلعوني فوق وطلبوا مني ارتاح ...




ومافي راحة يابنات المغص شوي شوي بيزيد وانا بدعي وبقول يارب يارب وما ظل حدا الا ودعيت له ...المهم الساعة 12بالليل زاد المغص عالاخير حكيت لامي انا رح الد اجت الممرضة وعملت لي فحص حكت لسه الرحم موفاتح .........


والمغعص بيزيد وامي كل مابدها تنام افيقها واحكيلها ياامي وجع تحكيلي اصبري قولي يارب ...



الساعة 3 زاد المغص علاخير حكيت لامي راحت تنادي الدكتور حكولها لسه الدكتور مشغول ...واجت الممرضة عملت لي تخطيط الساعة 5 الفحجر وعملت لي فحص لقيت الرحم فاتح 6سنتيمتر ..نزلتني على كشك الولادة وقالتلي لسه انتي مو ولادة بس على وشك



....المهم اجا الدكتور بعد ساعة وطلب منها تعطيني محلول ..اخذت المحلول كنت منتهية علاخير والمغص زااااااااااااد بس كل شوية بحاول ما صرخ لانه بيضيع الطاقة كلها....



صارت الساعة 7 اجا الدكتور حكالي يلا على غرفة الولادة......فتت غرفة الولادة وكل شوي ادقفعي ادفعي ادفعي ......دفعت






بالاخير الحمدلله شفت وجه نعمان اول ماطلع وشفته ولا كانه في اي وجع




لحظة مميزة اروع لحظة بحياتي حسيت بقدرة ربنا سبحانه وتعالى .......رغروغوا عيوني ودمعت وظليت اتامل بابني ولا كاني في الدنيا كلها والحمد لله بعد كل هالتعب طلع احلى شي بحياتي ربنا يحفظه


عقبال عندكم تولدوا وتقوموا بالسلامة يارب

>>>>> ردود الأعضـــــــــــــــــــاء على الموضوع <<<<<
==================================


الله يخليه ويحفظه
تقرير جميل

احلى تقييم لعيونك


__________________________________________________ __________

الحمدالله على السلامة حبيبتي
بصراحة مجهود يذكر يعطيكي العافية


__________________________________________________ __________

يعطيك الف عافيه وربي يحفظ لك نعمان ويجعله من البارين,,,,
احلى تقييم لاحلى ام نعمان,,,


__________________________________________________ __________

يعطيك العافية والله يخليلك ابنك وعقبالنا يارب


__________________________________________________ __________

الله يخليه لك احلى تقيم لعيونك وعيون نعمان