عنوان الموضوع : لكل من مرت بالحمل خذو نصيحتي وانصحوني لاهنتو -الجمل و الولادة
مقدم من طرف منتديات نساء الجزائر

لكل من مرت بالحمل خذو نصيحتي وانصحوني لاهنتو



السلام عليكم حبايبي ..

يارب تكونو بصحة وخير ..

مدري كيف ابدأ لكن بليز اهل الخبرة يجاوبوني ..

انا حامل في 4 اسابيع و5 ايام قبل الـ5 أيام نزل علية دم من بعد مااداني الدكتور ابرة تثبيت ( الله يسامحه ) نزل الدم بعد اقل من نص ساعة من وقت مادقيت الإبرة ..
اداني الإبرة عشان انا قلتله انه لما سويت مجهود مرتين نزل فيها افرازات بنية فاتحة جدآآآآآ قليلة لا تذكر

واستمر الدم معاية تلاتة ايام بس الدم قليل يعني مرة وحدة نزلت بقعة وبقية اليوم نقط بس..

بس كان عندي الم اسفل البطن والظهر يشبه الدورة .. يجي ويروح مش متواصل ..

طبعآ لما دقيت عالدكتور في نفس اليوم قالي اخد الإبرة مرة تانية واريح 4 ايام عالسرير واخد دوفاستون .. وسويت زي ماقالي وانا نفسيتي حدث ولاحرج

بعدها بيومين بالضبط وسوست وجاتني حالة يالطيف الله لا يوريها مسلمة
قلت ابغى اروح دكتور تاني ابغى اتطمن مع اني عارفة ما رح يبين شي بس اهون الموضوع لأني كنت في نفسية ما يعلم فيها الا ربنا

بكى وزعل وخوف مو طبيعي ... وحتى اهلي وزوجي اتنرفز عليهم

المهم لما رحت للدكتور قالي ان الإبرة تصرف بعد ما يبان الكيس والجنين في حالة وجود شي مو طبيعي .. وان الدكتور الأولاني اتحمس مرة فيها واني كنت بس محتاجة راحة والدوفاستون والفوليك اسيد..

انا عقلي صار يروح ويجي .. طبعآ شافني بالأشعة التلفزيونية وقال مو باين شي وحددلي موعد الأسبوع الجاي .. مع التزام الراحة التامة ..
وقالي طالما انه مافي مغص حاد لا يحتمل او دم يشبه الدورة ( وانتو بكرامة ) او اكتر يكون الوضع بإذن الله سليم...

حابة قبل لا تنصحوني وتقولولي تجاربكم ..
انه تنتبهو على انفسكم ولا تغلطو غلطتي .. وتاخدو اي شي بدون ما تسألو .. بنات انتبهووووو مو اي دكتور تسمعه كلامه
لاتكونو على نياتكم مثلي اخد اي شي بدون ما اسأل ..
نصيحة انصحوها لبعضكم حتى لو كان العلاج من دكتور استشيرو غيره عشان تتطمنو..

ادعولي يكون الجنين موجود والله اني خايفة واعصابي تالفة عالأخير

وياااارب يرزق كل محرومة الذرية الصالحة والتام المعافى ..

يارب ثبتلي حملي واجعله معافى وتام الخلقة دون زيادة او نقصان ...

واللي صارلها شي زي كدا تسدحه هنا عشان نستفيد من بعض ..

ربي يحفظكم ..

>>>>> ردود الأعضـــــــــــــــــــاء على الموضوع <<<<<
==================================


اول شيء الف مبروك الحمل ... ويا رب يثبته ويتمملك على خير ويرزقك منه الذريه الصالحه

حبيبتي لازم تريحي نفسيتك و تحاولي ما تفكري بالموضوع كثير لأنه النفسيه الها دور كبير بالتأثير على الجنين وما دام ما نزل معك دم كثير فأن شاءالله امورك تمام

والف شكر على النصيحه يا عسل

واحنا بأنتظارك لحتى تطمنينا الأسبوع الجاي على وجود الجنين في رحمك بأذن الله

ان شاءالله البنات بحكوا تجاربهم والكل بستفيد

لك ودي

/
\
/
\


__________________________________________________ __________

ياقلبي الله يتمم حملك ان شاء الله
ولاتنسي تطمنينا عليك
دمتي بحفظ المولى ورعايته


__________________________________________________ __________

يعطيكم الف عافية على مروركم ونصايحكم ..

ربي يسعدكم ومشكورات ما قصرتو ^_^


__________________________________________________ __________

ربي يطمن بالك حبيبتي وان شاء الله يثبت وتفرحي فيه
حابه أضيف لكلامك عن الدكاتره الله يهديهم
إن برضو في جولاتي للدكاتره زيك من باب الإطمئنان ( وذا غلط المفروض تشوفي دكتوره صاحيه وتستمري عليها )
طحت في دكتوره وصفت لي بالضبط ( مسكن فولتارين 400 كل 12 ساعه من الشهر الثالث الين ما أولد )!!!!!!!!!!
العاقل بيعرف انه فيه سالفه مو طبيعيه .. وانا تهاونت ما انتظمت .. مو دكتوره بس اقدراميز

ومن اسبوعين جاتني آلام موت ورحت لدكتوره قلت لها أخذت مسكن بروف مافاد
قربت تقطعني من الخصام وقال انه مسكن قوي جدا ماينفع للحوامل
يعني لو عملت بشورتها كان زماني في خبر كان

الله يصلحهم كل من لبست بالطو تفننت فينا
ربك كريم


__________________________________________________ __________

المشاركة الأصلية كتبت بواسطة يتيمةأخوها
ربي يطمن بالك حبيبتي وان شاء الله يثبت وتفرحي فيه
حابه أضيف لكلامك عن الدكاتره الله يهديهم
إن برضو في جولاتي للدكاتره زيك من باب الإطمئنان ( وذا غلط المفروض تشوفي دكتوره صاحيه وتستمري عليها )
طحت في دكتوره وصفت لي بالضبط ( مسكن فولتارين 400 كل 12 ساعه من الشهر الثالث الين ما أولد )!!!!!!!!!!
العاقل بيعرف انه فيه سالفه مو طبيعيه .. وانا تهاونت ما انتظمت .. مو دكتوره بس اقدراميز

ومن اسبوعين جاتني آلام موت ورحت لدكتوره قلت لها أخذت مسكن بروف مافاد
قربت تقطعني من الخصام وقال انه مسكن قوي جدا ماينفع للحوامل
يعني لو عملت بشورتها كان زماني في خبر كان

الله يصلحهم كل من لبست بالطو تفننت فينا
ربك كريم

مشكورة على ردك ويارب اتطمن وارتاح لأني مرعوبة فعلآ ..

ويارب يثبت حملي كمان وحملك ونفرح فيه قريب

تسلمي ما قصرتي عزيزتي