عنوان الموضوع : ارسلتلي اخوها و زوجها عشقني
مقدم من طرف منتديات نساء الجزائر

ارسلتلي اخوها و زوجها عشقني



السلام عليكم ورحمة الله وبركاته

كيف الحال

مشكله جديده همتكم عاد لي فتره ما دخلت ولقيت الخاص والفيس بوك عليه مسجات بحاول انزل كل كم يوم كم مشكله



قبل 13 شهر تقريبا تعرفت على بنت من فرع تاني و حاولت تفرض صداقتها علي لكني ما كنت ارتاح الها كتير خاصه انو مواضيعها سطحيه و افكارها غير ناضجه و هي متزوجه
مع الاسف انتقلت للفرع الي بشتغل فيه وحاولت تتقرب مني اكتر و اكتر و بالاصح اكتشفت انها انسانه غيوره ومريضه وتطمح انها تكون نسخه عني وبتسعى لتخريب علاقتي بزميلاتي وزملائي بالعمل
وكتير كانت طلع علي قصص من خياله الواسع زي اني بحاول اسرق افكارها و اخد شغلها او خربو
والحمدلله لان سمعتي كويسه وماشاء الله شغلي مرتب المدير ما كان يصدقها و قلها ان افتعلتي اي مشكله معها رح اضطر لطردك
تخيلو لو اسوي اي شيء بنفسي بعد فتره تسويه
واخر مره استغربت منها لاي درجه هي انسانه غير متزنه
كنت شاريه اسوراه وحاولت تعرف من وين شريتها وتبعتلي بنات يسالوني ولما حكتلهم من من وين وعرفت ومالقت متلها صورة ايدي من بعيد و صممت زيها واجتني اليوم التاني بتقلي حتى لو مالقيت متل الي عندك قادره افصل

و سمعت مره بنت بتقلي لون بشرتك حلو انا حنطيه وهي بيضا راحت سمرت حالها لنفس درجتي
مسكتها مره وكلمتها قلتها شو سبب هالتصرفات
فردت علي وقالت مافي شب انت ما بتلفتي انتباهو حتى البنات بحكو عليك مميزه
قلتلها طيب انت متزوجه ليش هالقد مهتمه تلفتي انتباه الشباب حكت انا انثى وبحب الكلمه الحلوه ورح اسعى اني اكون افضل منك قلتلها الله يوفقك بس حاولي تكوني الافضل بشخصيتك مو بنسخه عن غيرك

بعدين كنت قاعده بكوفي شوب بشرب قهوه و بقرا بكتاب اجاني شب اول مره بشوفو
قلي ممكن اقعد معك نحكي قلت عفوا بعرفك او في شي قلي لا عجبتني قلت نحكي رفضت
وراح واليوم التاني وصلني ورد ع الدوام والتالت والرابع
وصارت هي طلع علي اشاعات انو بحب وهادي اكيد من حبيبي
وبعدين اجتني مكالمه رديت قلت مين قلي انا الشب الي رفضتي يقعد معك مبارح قلت شو بدك قلي بدي تكوني حبيتي سكرت الخط بوجهو
وعلى هالحال صرت لاحظ انو وين مابروح بلاقيه وصارت احداث كتيره

صورتو كم مره وهو بلاحقني ورحت قدمت بلاغ لشرطه لانو الوضع زاد عن حدو
ولما جابوه وحققو معو طلع اخوها وانكر انو هي الي باعتو وحكى انو شافني بصدفه واعجبتو ووقع انو ما عاد يدايقني
فاجتني اليوم التاني بتقلي ما تفكري انو الموضوع انتهى قتلتها ومين قلك انو انتهى

اجت مره ومعها زوجها وبتعرف البنات عليه
وبعدها صار معي نفس الشي لكن هالمره من زوجها و قلي اني انا حبيتك من اول مره شفتك و معها حق مرتي تغار منك لانها ما بتملك شي من الي عندك انا صديتو وهزئتو وقتلتو انا ما بدي دخل اهلي بمشاكلي الخاصه لكن لو دخلتهم عيلتك وعيلة مرتك رح تروح بداهيه

قلي انا ماعم مثل عليكي او بعمل معك زي ما عمل اخوها
انا بجد بحبك ولو بدك مستعد اطلقها
فمره كانت جايه ع الدوام تعبانه وحالتها حالها فقالتي واحده من البنات الها فتره بتصير بينها وبين زوجها مشاكل وشاكه انو بحب واحده غيرها

اختصرت على حالي ورحت قدمت استقالتي للمدير ورفض قلي ان ع المشاكل معها انا رح افصلها هي او ارجعها للفرع الي كانت فيه و ماعلي من ظروفها قتلتو الموضوع اكتر من هيك
وحكيتلو ع قصة اخوها وزوجها قلي هادي لازم تروح ع مستشفى هي وقرايبها وضعهم لا يطاق

وفعلا نقلها على الفرع الي كانت فيه مره حوالي الشهر وكل الامور كانت تمام فجاه لقيت زوجها رجع يراسلني غيرت رقمي صار يجي على المكان الي انا فيه بحجة انو فيه اوراق ناقصه مرتو

فما كان مني الا اني رجعت واشكتيت لشرطه

وبرضو جابوه ووقع

لكن الان الاخت بدت تعمل مشاكل مابين مدير المكان الي انا فيه ومدير المكان تبعها
وزوجها برسلي من ارقام تانيه

طلبت اجازه 15 يوم لاهدى وفكر بكل شي
لو رجعت قدم استقالتي متاكده مديري مارح يرضى لان موقعي قوي وبدهم يمكن ع الاغلب سنه لحد مايلقو بديل يعني ما بعرف انا شو عامله عشان كل هالحقد والكره وكملت بزوجها المعتوه

>>>>> ردود الأعضـــــــــــــــــــاء على الموضوع <<<<<
==================================


السلام عليكم ورحمة الله وبركاته
اخباركك قلبي ان شاء الله بخير وصحة وعافيه
أمم صراحة لو كنت مكانك أقول لهم اني مخطوبة وكذا
عشان يبعدوون أو اذا مره زودوها باتصالاتهم أصير ماارد على الأرقام الغريبة
الله يعينك اختي جد ناس مريضة ~~


__________________________________________________ __________

مشكلتك غريبة وصعبة
طيب احسن شئ حاولي تستقلين
وبالتوفيق


__________________________________________________ __________

صرآحـة قمـة قلـة الأدب !
وقفيهم عند حدهم قدمي بلآغ ثآني للشُـرطـه ، كرري اللهم من أرآد بي سوء فأجعل كيده في نحره
إرقي نفسكِ وَ تجآهليهآ وَ أخوهـآ وَ زوجهآ ، إهتمي بعملكِ ولآ تقدمي إستقـآلـة بِسببهـم !
إذآ كنت مكآنكِ سأضع خط أحمر مع الجَميع وإللي يتعـدآ هآلخط سيرى مآلآ يحمد عقبـآه ...
لآتستسلمي بِسهـولـة بآلعـكـس وآجهـي ودخلي أهلكِ بآلمـوضـوع ..
موفقـه


__________________________________________________ __________

استغفر الله بس شو هذا الجراءة
ابعدي عنهم احسن ألك وغيري مكان شغلك ما رح يقدرو يلاقوك
موفقه


__________________________________________________ __________

انا مع الاخت كلي ششوق قوليلهم انك مخطوبه ولو زودوها كلمي احد من اهلك