عنوان الموضوع : احس اني انا الي اصرف عليهم -تم الرد
مقدم من طرف منتديات نساء الجزائر

احس اني انا الي اصرف عليهم



مادري اذا مكاني مناسب ولا اكيد بتقولون مشكلتي سخيييفه ومايقولها الاطفال .بس مزعجتني المهم انا من النوع الي احب الشبسات والشكولاتات وكل اسبوع اطلع لبنده واخذ الي ابي المهم ان زوجي اذا رحنا لاهله يقولي جيبي الي عندك خلينا ناكل واقول ماعندي شي خلصت وهذي السالفه مزعجتني كل ماشريت شي يبي اهله يشاركوني صحيح انهم لاجابو شي لبناتهم يعطوني منه بس مو دايم واخر مره رحت لهم كانو شارين كرتون كيك واخوي جاء يزورني وقلت لولد اخت زوجي جيب كيكه وحده عاشان ياطلها اخوي مع القهوه ورجع.قال خلص وارسلته مره ثانيه ورجع قال تقول ماما خلص وزوجي.يسمع قال تو جبته امس كيف خلص قلت خلاص مو لازم وراح اخوي وانا دخلت عند اهله شوي وطلعت كيك وكلته لانها نفاس انا ضايقني هالشي انحرجت عند اخوي وهالايام انا متقضيه من بنده وشريت هالخرابيط وكرتون من نفس الكيك الي.شرته اخته واهله بيجونا هالايام واكيد.بيقول جيبي الي شريتي ناكله مع القهوه خصوصا الكيك كرتون مااقدر اقول خلص انتو وش رايكم طيف اتصرف بهالحاله انا مو.قصدي.بخل بس قهرتني جركه يوم جاء اخوي وثانيا انا شاريتها لاني اجوع بالليل وعيالهم ياكلون دايم ماشاءالله مو قصدي مابي اعطيهم بس مابيه.يتعود كل ماشريت شي قال جيبي لهم منه لان كل وحده عندها زوجها ويجيب لها وعيالها.

>>>>> ردود الأعضـــــــــــــــــــاء على الموضوع <<<<<
==================================


حبيبتي على شبس وشوكولاته متضايقة من جددد يعني ..!

عادي واذا ما عطوك لاخوك وش عليك طيينتهم مو طينتك ..!

بيعطونك اهلا وسهلا مو معطين ما عليك ولا تفكيرين وتصغرين عقلك لعقل البزارين ..!

يعني والله اهل و قراآايب عشان شبس وشوكولاته تزعلون من بعض ومتضايقين ..!

اذا انتي على شبس وشوكولاته تتضايقين بالله وش بتتحملين ..!

ياحبيبتي كبري عقلك ... ترى ذي تفاهات يعني ما تسوى شيء ولا تقدم ولا تاخر ..!

البنت نفاس طيب .. وانتي تعرفين النفاس بس طايحه ولا تقدر تطبخ لنفسها وخلقه تكون تعبانه اكيد اكلها بيكون جاهز وبيجيبون لها كيك وعصيرات وخرابيط .. مو مثلك انتي ما شاء الله بصحتك تقدرين تطبخين وتاكلين ..!

بعد راعي ظروفها ومشاعرها وتعبها

اخوك هي مو ملزومه تعطيه من كيكها حتى لو عندها هي تبقى المريضة مو اخوك .. وبعد اخوك ضيفك انتي انتي المفروض تسوين له

فكري بعقلانية حبوبة ..!

انتي المفروض تسوين لاخوك كيكه من يدينك الحلوين او حلى وفيه كثير طرق بالانترنت وما انتي بحاجة لكيكها .. او تطلبين من زوجك يجيب لك حلى لاخوك قبل ما يوصل ..!

فيه طرق صناعة معمولات وغريبات وبسكويتات سويها وعلبيها بعلب وقت يجونك ضيوف ضيفيهم فيها ...!


وزوجك يشوف انهم اهله ويبي يكرمهم اكرميهم لانه بعد بيكرمك وبيكرم اهلك بالمثل ..!

اذا جوك عادي ضيفيهم باللي عندك او سوي لهم من يدينك ..!

عندك وقت .. وما يخالف هم اهلك بعد .. والكرم من صفات وشيم العرب ..!

وإكرام الضيف له اجر وثواب ..!


المسلم كريم مضياف :
إن إكرام الضيف فى الإسلام عمل كريم محبب للمسلم الصادق ، ودليل واضح على قوة إيمانه ، وهذه المعاني قد أشر بها من تعاليم النبى صلى الله عليه وسلم الذى حثنا على إكرام الضيف فقال : \" من كان يؤمن بالله واليوم الآخر فليكرم ضيفه \"متفق عليه .
ولقد أكد القرآن الكريم على هذا المعنى من خلال عرضه لقصة إبراهيم الخليل عليه السلام قال تعالى (هَلْ أَتَاكَ حَدِيثُ ضَيْفِ إِبْرَاهِيمَ الْمُكْرَمِينَ * إِذْ دَخَلُوا عَلَيْهِ فَقَالُوا سَلَامًا قَالَ سَلَامٌ قَوْمٌ مُّنكَرُونَ * فَرَاغَ إِلَى أَهْلِهِ فَجَاء بِعِجْلٍ سَمِينٍ * فَقَرَّبَهُ إِلَيْهِمْ قَالَ أَلَا تَأْكُلُونَ ) (1) .
وفى الحديث الذى رواه البخارى ومسلم عن أبى هريرة دليل على ذلك ، فلقد روى أن رجلا أتى النبى صلى الله عليه وسلم فبعث إلى نسائه ، فقلن : ما عندنا إلا الماء ، فقال رسول الله صلى الله عليه وسلم : من يضم ( أو يضيف ) هذا ؟ فقال رجل من الأنصار : أنا ، فانطلق به إلى إمرأته فقال : أكرمى ضيف رسول الله صلى الله عليه وسلم فقالت : ما عندنا إلا قوت الصبيان ، فقال : هيئ طعامك ، فأصلحت سراجها ، ونومت صبيانها ، ثم قامت كأنها تصلح سراجها فأطفأته ، وجعلا يريانه أنهما يأكلان ، وباتا طاويين فلما أصبح غدا إلى رسول الله صلى الله عليه وسلم فقال : \"لقد عجب الله من صنيعكما بضيفكما الليلة ، وأنزل الله تعالى (وَيُؤْثِرُونَ عَلَى أَنفُسِهِمْ وَلَوْ كَانَ بِهِمْ خَصَاصَةٌ وَمَن يُوقَ شُحَّ نَفْسِهِ فَأُوْلَئِكَ هُمُ الْمُفْلِحُونَ ) (2 ).


__________________________________________________ __________

انا مو هذي مشکلتي المشکله اني مابي زوجي.يتعود علي هالشي لانه دايم کذا لازم يشارکوني بکل شي وانا ماحب کذا لازم يقولهم احنا شرينا کذا وکذا ويقولي جيبي الي شرينا ويخلص بوقته وانا شاريته وقت الحاجه لان هو يطلع من العشاء الي الفجر ومايرضي اکلم البقاله ويبيني اعطي اهله بعد ايش بقالي اجل?؟؟ لاني اروح لاهله زياره وزوجي ماعنده اخوان بس خوات وکلهم متزوجات يعني من بيجيب طلباتي اذا هو طالع واهله ينامون بدري وانا جالسه لحالي( هذاااااااااا قصدددددددي**)


__________________________________________________ __________

خبيها بمكان حتى زوجك ما يعرفها
واذا سالك قولي ماعندي خلصت
بدون ما تتناقشين وتزعلين نفسك وزوجك حتى لو عرف انك كذابه مع الايام ماعاد بيطلبك

صح المساله تافهه بس انا فهمت مقصدك عالاسلوب نفسه مو عالكيك والشبسات


__________________________________________________ __________

حبيبتي ما تسويها مشكله وبعدين انتي ما تسوين شي في بيتك كيكات حلويات بس من بر ى خلاص اليوم الي بيجو عندك سوي حلى في البيت كيك بسبوسه دونات شي طبيعي لما يجو اهل زوجك عدك تسويلهم حتى عشى مو تقولي ليش يقول هاتي الي عندك طيب اذا هما في بيتك وما ضايفتيهم اكيد بيستحي زوجك من ذا الشي لا تخلقي مشكله من شي تافه الزواج شي مقدس واحمدي ربك ان زوجك يحبك وما يقصر معاكي ويكرمك وعشان تكسبيه اكثر اكرمي اهله مهما صار با العكس راح تكبري في عينه


__________________________________________________ __________

ضيفيهم بحلويات انتي مسويتها مثلا سوي بسبوسه وحلا بارد اي شي سهل وحلو من النت


مموفقه حبي