عنوان الموضوع : فضفضة زوجة تعبانة ومقهورة مجابة
مقدم من طرف منتديات نساء الجزائر

فضفضة زوجة تعبانة ومقهورة



السلام عليكم ورحمة الله وبركاته
مش عارفة شو احكي او شو اكتب
كل الي بعرفو اني كتير متذايقة من وضع الرجال اليوم
واحد بخون واحد بضرب وواحد بطنش واحد رامي كل شي على زوجته
ليه كل هاد الحكي على زمن سيد الخلق محمد صلى الله عليه وسلم كانت الزوجة معززة مكرمة كل شي كان لصالحها
انا بعتبر انو في زمن اليوم الزوجة صارت تقوم بكتير من المسؤليات ما كانت تقوم فيها قبل
يمكن هاد الحكي ما ينطبق كتير على اخواتي الخليجيات بس هاد هو وضع النساء في باقي الوطن العربي

مثال على هاد الحكي بالاضافة للبيت ومسؤولياته صارت الزوجة شريكة مع زوجها في الانفاق بعني بتشتغل وبتصرف على البيت متلها متلو بالاضافة لعملها برة البيت
كل هالحكي مش مشكلة بالنسبة الي وبالنسبة للكثير من الاخوات الي وضعهم متل الوضع الي بحكي عنو
المشكلة في رد الرجل على موقف الزوجة الي بتساعدو والرد ذكرتو في بداية كلامي
خيااااااااااااااانة واهماااااااااال
وتطنيش وقلة تقدير
انا كل الي بدي اعرفو ليششششششششش
رد الزوج على تعب زوجتو معاه بكون هيك
ولو كان رسول الله صلى الله عليه وسلم موجود في زماننا ماذا سيكون موقفه من رجال اليوم ؟؟؟؟؟؟؟؟؟؟؟؟؟؟؟؟؟؟؟؟؟؟؟

>>>>> ردود الأعضـــــــــــــــــــاء على الموضوع <<<<<
==================================


الله يعين لاكن هذا حال الموضفه بشكل عاااام


__________________________________________________ __________

السلام عليكم ورحمة الله وبركاته يمكن حكيك مزبوط مع كتير من الرجال بس في رجال بينحطو ع الراس ولو كنتي بتعاني من مشاكل بحياتك اذا احتسبتي الأجر عند الله سبحانه وتعالى هاد التعب ما بروح ع الفاضي لإنه كل شي عليه اجر وبعدين ما بتعرفي انه في حديث عن الرسول صلى الله عليه وسلم بحكيلك انه يأتي زمن على امتي يكون اجر الواحد منهم مثل اجر 50 واحد من الصحابة فبإذن الله الأجر على قدر المشقة والي ما بكون عندها مشاكل مع زوجها بكون عندها مشاك تانية الحياه هيك ما في حدا فيها مرتاح عشان هيك لازم نعمل للحياة الأخرة عشان نحيى فيها حياة طيبة وما نكون خسرنا بالدنيا والأخرة انا طولت بالحكي ربنا يفرج همك وهم جميع المسلمات


__________________________________________________ __________

حبيبتي مو كل الرجال هيك .. حرام تشملي

يعني اكبر مثال انا .. بشتغل برا وبشتغل بالبيت .. بس الحمدلله زوجي بقدرني وبيحترمني وبساعدني بشغل البيت كمان .. يعني بس اولت مبارح كنت مداومة وهو معطل .. اي والله رجعت على البيت لقيتو محضرلي الغدا مع المقبلات والشوربة كمان. لا وغسيل التياب عليه .. انااللي سنتين متجوزة وشغلت الغسالة بس مرة وحدة لهلأ.

يعني في رجال كويسين كتير الحمدلله وفي رجال ما بطيقو شغل البيت حتى لو مرتو عم تشتغل مستحيل يمسك شي بالبيت هاد لانو الرجال ما بيتحملو شغل البيت قد المرأة .. انا مابدي احكيلك انو ولا مرة حسيت انو تدايقت من زوجي مشان موضوع شغل البيت .. لا في اكتر من مرة تدايقت لانو بكون وقتا رجعنا انا وياه من الشغل وانا وياه تعبانين وهو بيقعد على اللاب توب وانا بتلاقيني زي النحلة بالبيت بدي اخلص شغل البيت والطبيخ .. وبحكيلو قوم مد ايدك ساعدني بقلي ما جاي على بالي .. بسكت ما بحكي شي .. لاني بعطيه عذر بقول يمكن تعب اكتر مني بالشغل اليوم .. لانو شايفتو بساعدني احياناً .. يعني بالآخر هيك الدنيا حبيبتي ولازم نتحمل ونصبر والله مافي شي بضيع عند رب العالمين .

ياريت ما تكوني زعلتي مني انا والله ما قصدي دايقك .. بس والله ما بحب الشمل .. يعني اصابعينا مو كلا نفس الشي.

سامحيني عزيزتي .. الله يهدي كل ازواجنا


__________________________________________________ __________

الله يتم عليكي يا احب مملكتي وانا اسفة لاني عممت بس والله من القهررررررررررررر الي جواتي
وانا يا اختي مش قصدي بس شغل البيت
انا قصدي في الحياة بشكل عام مو مهم اذا عملت كل شغل البيت بس يكون في شوية تقدير وشكرا لك لك اختي small roseوتقبلي تحياتي


__________________________________________________ __________

اي معك حق مزبوط .. لازم يكون في تقدير بالحياة كلها بشكل عام .. وأنا آسفة اخدت شغلة شغل البيت ونسيت باقي النقط .. والله انا حاسة فيكي .. ما بخفي عليكي عنجد اوقات هيك بحس .. الله بعين حبيبتي شو بدنا نعمل .. انا متأكدة انو الله ما بضيع تعبنا ابدا ..