عنوان الموضوع : زوجي طلقني و بموت و ارجعله .. عضويتي .. قصتي لبث الامل في قلوبكن
مقدم من طرف منتديات نساء الجزائر

زوجي طلقني و بموت و ارجعله .. عضويتي .. قصتي لبث الامل في قلوبكن



بسم الله الرحمن الرحيم

اخواتي الحبيباتي .. صديقاتي .. امهاتي .. و كل اللي تابعوني بموضوعي من نزلته هنا قبل اكثر من سنه ..
كل اللي نصحوني ..
كل اللي تابعوا و تعبوا معي ..
هنا .. في المسنجر .. في الجوال .. في الرسائل الخاصه ..

حبيت اجي هنا و احكي قصتي كاااامله .. من اول زواجي .. لين طلاقي .. لين كل اللي صار بعد الطلاق .. يمكن القصه تعيد الأمل لواحده يأست .. او تكون درس لواحده بتطلب الطلاق من غير سبب مقنع .. او واحده تعلي صوتها مثل ما كنت انا اسوي خخخخخخ ..

ابحكي لكم كل القصه .. من اولها لين آخرها .. و اتمنى تفيد احد مثل ما تعتبر نقطة تحول في حياتي انا الشخصيه

هذي روابط المشكله اللي طرحتها في خلال السنه

زوجي طلقني و بموت و ارجعله

زوجي طلقني و بموت و ارجعله .. من جديد

زوجي طلقني و بموت و ارجعله .. رجعت

برجع لكم مع القصه

>>>>> ردود الأعضـــــــــــــــــــاء على الموضوع <<<<<
==================================






.
.
.





انا تزوجت زوجي يوم كان عمري 18 سنه .. و كنا ندرس مع بعض بالكليه و نعرف بعض قبل الكليه .. تزوجنا عن حب عاااصف .. و كنا نعشق بعض .. الكل بالكليه كانوا يتكلمون عننا و عن حبنا "و هذا اول شي ضرنا و تسبب في حدوث مشاكل بيننا" ..
كانت علاقتنا كلها قدام الناس .. يعني صديقاتي و اصدقائنا يدرون عن كل اللي يحصل بيننا .. نتزاعل .. نتصالح .. ما كنا نشيل شي بيننا .. يمكن صغر السن كان احد اهم الاسباب في اننا ما كنا ندري كيف نتعامل مع بعض .. و كيف نحتفظ بأسرارنا لنفسنا و نحلها بيننا و بين بعض ..
هذا طبعا الى جانب اني انا كنت مررره عصبيه و دلوعه .. و كنت اصارخ عليه بأي شي و بأي سبب و قدام اي احد .. و مع انه كان يمشي لي بس انا الله يهديني "الحين هداني الحمدلله " ما ادري وش كان فيني ..
و كنت بسبه و بدون سبه اطلب الطلاق اشوف غلاوتي عنده << خبله ادري بس خلاص الحمدلله هذا صار ماضي و كبرنا و عقلنا و تعلمنا ..
المهم انه بالاخير مل مني و طلقني ..



.
.
.





بعد ما طلقني انا تجننت .. كنت بموت .. و سويت كل شي حتى نرجع لبعض .. حاولت اكلمه و اقول له اني بتغير .. بس ما كان عنده امل ابد لأني كل ما كنا نتزاعل انا كنت اقول له كذا و كان كلام فاضي .. نتصالح و ارجع ازفت من الاول ..
كلمته ما نفع ..
وسطت بيننا ناس .. و اهلي و اهله .. و كله ما نفع .. كان معند تماماً و رافض تماماً انه يرجع .. و كان يقول لي خلاص كل شي انتهى و مافيه فايده ..
دخلت بحاله ما يعلم فيها الا ربي و البنات اللي كانوا متابعين وياي ربي يعطيهم العافيه ..
كنت ما انام الا بقرآن و مهديء .. و حتى بآخر فتره اضطريت اني اشوف دكتور نفسي لأني كنت مرررره اموت فيه و ما تحملت فكرة فراقه ..
كنت كله ابكي .. و كل يومين بالمستشفى .. لأني كنت ما آكل و لا اشرب و لا انام و لا اي شي .. اسوأ شعور انك تخسرين شي تموتين من غيره و انتي السبب في خسارته ..



.
.
.



هو بعد كان فاقدني مرررره .. و كان تعبان من غيري وايد .. كل الناس كانت تقول لي كذا و كنت اشوف كذا فنظراته لما اشوفه بالكليه .. بس هو كان يحس اني بايعته و ما ابيه .. لأني كنت اطلب الطلاق و كذا و كان سهل كثير عندي طلب الطلاق .. عشان كذا كان رافض تماماً اننا نرجع لبعض .. و عشان يهرب من كل اللي كان يصير تحول من زوجي حبيبي الرجل المصلي المطيع لله سبحانه و تعالى ما يفوت صلاه بالمسجد و الكل يتكلم عن اخلاقه و طيب قلبه و تدينه .. صار يشرب خمر و يسهر مع شله جديده تعرف عليها و ما يجي الجامعه و كذا ..
فتحت موضوع هنا بالمنتدى و كانوا البنات ينصحوني بالاستغفار و قيام الليل .. و الاكثار من الاستخاره لعل في طلاقنا خير انا ما ادري عنه و بعرفه مع الايام



.
.
.



يتبع


__________________________________________________ __________

ي حبيييبتي

ربي يعووووضك بخييير منه لسسسى ما قريييت قصصتك بأقرراهاا الحييين


بسس نصييحه لكل البنات المقبلااات ع الزووواج و المتزووووجات


اهم شششي الاحتراااااام الاحتراااااام بين الزوووجين قبل الحب و قبل كل ششششي




ربي يسسسعدك قلبك عيوووني و يفرج لك همك يا ررب


__________________________________________________ __________

الله يجمع شملكم ويفرحكم ببعض ويرجع البسمة الى قلوبكم أمين ربى العالمين


__________________________________________________ __________




.
.
.
.


كنت استغفر كثييييير .. و ما خليت وقت استجابة دعاء ما دعيت فيه .. و اتصدق بنية ان ربي يرد لي زوجي .. و كنت اقرا سورة البقره كاامله كل يوم .. و كل يوم احس اني ابعد عنه اكثر .. كأن كل اللي اسويه يبعدني عنه اكثر ما يقربني له ..
لكني ما كنت ايأس ابد ..
كنت اواصل ..
بس اوقات كنت افكر ان يمكن ما فيه خير .. و ادعي ان كان ما فيه خير لي ان ربي ياخذه من قلبي مثل ما خذه من حياتي .. بس كنت كل ما دعيت هالدعاء حبه في قلبي يكبر و يزيد .. مع اني كنت احاول اتجنبه .. و احاول ما اشوفه لجل اقدر انساه .. لكني مع كل هذا ما قدرت انساه ..
و كنت كل يوم احبه اكثر .. و اتمناه يرجعلي و ينور دنيتي اكثر ..



.
.
.


خلصت فترة العده و كانت اطول فتره تمر علي بحياتي .. كان كل ما رن الجوال ادعي ربي يكون هو .. بيقول لي خلاص رديتك .. بس ماكو فايده .. كل ما قال لي ابوي بكلمك بموضوع افكره زوجي طلبني .. بس بعد ما يطلع هو ..
بعد ما خلصت فترة العده لأني كنت صغيره بدوا يخطبوني .. بس انا حالتي ما كانت تسمح لي حتى اشوف خطاب .. مع ان فيه ناس كانت تلمح من قبل نهاية العده .. لكن انا ما كنت اشوف غيره .. مع كل اللي اسمعه عنه .. و كل الاشاعات اللي كانت تطلع ..
و كان فيه ناس يقولوا لي كلام عنه و يروحون له يقولون له كلام عني الله يسامحهم بس ..



.
.
.


بعد فترة بسيطه من نهاية العده كان فيه رحله منظمتها الكليه .. و هو كان عنده امتحانات بس يوم درى اني بروح سجل اسمه مع اللي رايحين .. و قال لصديقتي انه ما يقدر يمنعني اروح لأنه مو زوجي بس ما يقدر يتركني اروح لحالي لأنه يخاف علي كثير ..
و قالها انه يحبني مره بس مستحيل نرجع ..
كل هذي الفتره انا كنت استغفر و اقوم الليل و ادعو الله سبحانه و تعالى انه يردلي زوجي رداً جميلاً طيباً مباركاً فيه عاجلاً غير آجل ..


.
.
.



يتبع


__________________________________________________ __________

آللهـم صـلـي و ســلــم عــلى سيدنا محمد ..