عنوان الموضوع : دليل بنات لإختيار شريك الحياة❤ مجابة
مقدم من طرف منتديات نساء الجزائر

دليل بنات لإختيار شريك الحياة❤





حللتن اهلا ونزلتن سهلااا
حبيباتي اخواتي في الله

جميلات منتدى سيدتي في ســــــــن الزواااج

بعد ان كبرتن و ترعرعتن وطبتن زهراات جميلات و ثمرات حلوات المذاق اصبحتن حلم كل رجل يافع يسعى الى ما لذ وطاب في هذه الحياة..


فكثر المعجبون و زاد الخطاب و ازدادت معهن الحيرة.. و فرض السؤال نفسه:
بمـــــــــــــــــــــــــن اقبــــــــــــــــــــــل؟

وانا اجيب مبدئيا: مـــــــــــــا خـــــــــــاب من استخـــــــــــــــار!

و اوفي لكن الهدية التي اخترتها من اجمل ما قرأت و أشمل ما عرفت عن الذ مشاعر في ابهى مرحلة من عمر الانسان .. سن الزواج الذي يختلف من منطقة لأخرى و من عائلة لأخرى..
هذا السن الذي يختلف يختلف معه نضج الانسان الفكري وتتعلق به قرارات مصيرية كــــقـــــــــــــرار الــــــــزواج


هذا السن اذا كان صاحبه غير ناضج يصبح من الصعب عليه التمييز بين اختيار العقل و اختيار العاطفة.. و تترتب على ذلك قرارات تعسفية لا اساس لها وفي هذا الاطار يترتب السؤال التالي:
هل يوجد فعلا ما يسمى بالحب من اول نظرة؟

لابد قبل ان نجيب ان نفرق بين شيئين هاميين جدا وهو ان نفرق بين الحب والاعجاب كثير منا لا يعرف الفرق بينهما والكثير يخلط بين الحب والاعجاب فما هو الحب وما هو الاعجاب؟


اولا الاعجاب: هو احساس رائع بالانبهار بالشخص من طرف واحد وقد يكون من طرفين
فحين تنظري الى شخص يحدث لكي نوع من الانبهار بهذا الشخص رغم ان معظم الناس اللي حوليكي بيشوفوه انسان عادي لكن انتي بتشوفيه مختلف.. وهذه الحالة لا تستمر طويلا فاقصى حد وضعه العلماء لها 3 سنوات وفي هذه الفترة يفرز الجسم هرمون معين يجعلك تشعرين بالفرحة عند رؤية هذا الشخص ويزيد من معدل ضربات القلب وغيرها من الاحاسيس الجميلة.
مش كتير بنسمع من ناس مرتبطة ( واقصد هنا الارتباط الرسمي اي الخطوبة والجواز ) بتلاقيها في بداية الارتباط بتكون مبسوطة وبعد مرور فترة كبيرة بتلاقيها بتقول انا مبقيتش احب الشخص ده لانه مكنش حب ده كان اعجاب اذن ما معنى الحب؟؟
مفهوم الحب : هو احساس متبادل بين طرفين بالتكامل والمشاركة والمسئولية كل منهم تجاه الاخر
وواضح من التعريف ان الحب له هنا اربع شروط :
1 – انه يكون متبادل من الطرفين لكن لو كان من طرف واحد بيكون اعجاب
2 –انه يكون فيه تكامل بمعنى ان كلا من الطرفين يشعر ان الاخر يكمله
3 – انه يكون فيه احساس بالمشاركة يعني بيتشارك الطرفين حالات الحزن والفرح حتى لو مش مع بعض ولكنها تكون مشاركة معنوية مثل عندما يكون احد الطرفين عنده مشكلة نجد ان الطرف الاخر مهموم له وحزين عليه بمعنى انك تحسي انه تؤام روحك
ممكن تلاقيه بيفهمك من قبل ما تتكلمي
4 – المسئولية بمعنى ان يشعر الانسان كل انسان انه مسئول انه مسئول عن الاخر

اذن فالحب اشمل واعم من الاعجاب واذا كان الاعجاب اقوى ولكن الحب اجمل واشمل واطول عمرا
كتير بنلاقي واحدة مرتبطة( مش لازم كل مرة اقول اني اقصد الارتباط الرسمي )بحد وتقولك ده انسان كامل.. لازم نفهم ان الكمال لله وحده ولكنها في هذه الحالة تكون تحت تاثير الاعجاب ولكن في الحب انتي بتكوني شايفة عيوب الشخص الاخر ولكنك تحبيه رغم هذه العيوب بل وتحبين عيوبه.
يبقى دلوقتي عرفنا ان الحب من اول نظرة ده بيكون اعجاب ولكنه قد يتحول الى حب اذا توفرت الشروط اللي احنا قلنا عليها في الحب.

صراع العقل والقلب في الاختيار


لازم نعرف ازاي نفكر في اختيار شريك الحياة ولازم نفرق بين التفكير بالعقل او القلب تعالوا نشوف ايه هي وظيفة القلب والعقل
وظيفة العقل : التفكير والتحليل والمنطق
وظيفة القلب : بيحس بالمشاعر يعني مش وظيفته انه يفكر
يعني لما تفكري في حد على اساس مشاعرك بس يبقى انتي مفكرتيش مينفعش ناخد قرار على اساس المشاعر بس
لازم نفكر بالعقل ولازم العقل يفكر في مميزات وعيوب الشخص جدا لان العقل موضوعي ومحايد فيجب تشغيل العقل
وفيه معادلة او نظرية للتفكير تقول:
قبل الارتباط 90% عقل و 10% قلب
وبعد الارتباط 90% قلب و10% عقل
يعني لو انتي جايلك عريس فكري الاول واعتمدي على عقلك بنسبة 90% وخلي 10% للقلب اللي هي تحسي بيها انك مرتاحة للشخص ده ومايلة له ولا لا
فيه كتير بيقولوا الحب مش اختيار الحب قدر وسلطان ومحدش يقدر عليه لا خدوا بالكم ده الاعجاب لانه بيكون مشاعر قوية ميقدرش الانسان يمنعه لكن الحب اختيار فياريت لو حد حس انه معجب بحد او شخص ما ميتماداش في مشاعره ويسيطر عليها ويشغل عقله ويحلل شخصية وسلوك الشخص اللي قدامه وبعد الارتباط (الرسمي طبعا ) بتلاقي المشاعر بدات تتغلب علينا فلازم نفكر كويس قبل المشاعر ما تسيطر علينا وعشان منندمش بعدين.

والمطلوب من كل واحدة تقول لماذا هي تريد ان تتزوج ؟


كتير بنسمع هنا بنات بتقولك انا عايزة انجوز عشان محدش يقول عليا عانس او عشان اسبق صحباتي او عشان قرايبي اتجوزوا تفتكروا ده تفكير صح؟
انتي بكده عقلك بيكون تحت ضغط والعقل لما يكون تحت ضغط مش هيعرف يفكر
قبل ما تفكري انك تتجوزي وتكوني مسئولة عن شخص لازم تفكري في نفسك الاول
لازم قبل ما تفكري في الجواز تفكري هل اديت رسالتي او على الاقل عرفت ايه هي رسالتي او هدفي في الحياة اللي ربنا خلقني عشانه ربنا خلق كل انسان وله دور في الحياة لازم يؤديه..
فكري هل انتي ناجحة في علاقاتك ؟
علاقتك بربنا عاملة ازاي؟
وعلاقتك باهلك؟
فكري في نفسك لان الانسان اللي مش متحمل مسئولية نفسه مش هيقدر يتحمل مسئولية غيره
تفتكروا لو انا مش سعيدة هاقدر اسعد اللي حوليا؟؟
فيه كتير بيفتكروا ان حب النفس انانية لا بالعكس انتي لو بتحبي نفسك هتقدري تحبي اللي حوليكي لان اللي مش بيحب نفسه مش هيفكر يسعدها وبالتالي مش هيسعد اللي حوله لان فاقد الشئ لا يعطيه.
وهنا في نقطة مهمة احب اني انبه ليها: كتير بنلاقي بنات بتقول انا بحب خطيبي او جوزي اكتر من نفسي هنا بتكون وصلت لدرجة العشق والعشق حرام لان معنى العشق في اللغة العربية هو الطاعة العمياء وهذه الطاعة لا تكون الا لله
وهنا فيه حديث للرسول عليه الصلاة والسلام (تعس عبد المراة )اي الذي يطيعها طاعة عمياء فلازم ناخد بالنا من النقط ديه

>>>>> ردود الأعضـــــــــــــــــــاء على الموضوع <<<<<
==================================


ما هو الوقت المناسب للتفكير في الزواج؟

طبعا انا هنا مقصدش سن الجواز لا انا اقصد الحالة النفسية اثناء التفكير احنا قولنا قبل كده ان مينفعش العقل يفكر وهو تحت ضغط.. يعني لو انتي عندك مشكلة وجاية بتحكيلي المشكلة وانتي منهارة وبتعيطي تفتكري لو انا قلت لك هتشربي ايه ؟
اكيد مش هتعرفي تقرري وهتقولي لي اي حاجة وده الطبيعي تفتكري واحدة مش عارفة تقرر هتشرب ايه هتقدر تقرر في موضوع هيترتب عليه حياتها كلها وهو موضوع الزواج
كتير قوي بنلاقي ناس في عز مشاكلها تقولك انا عايزة اتجوز عشان المشاكل ديه تنهي خصوصا لو مشاكل في البيت او الشغل.. انتي كده بتهربي من مشكلة لمشكلة اكبر لانك في الوقت ده هتختاري اول حد يدق بابك من غير اي تفكير وبكده انتي بتضيفي مشكلة لمشاكلك مش بتحليها..
يعني كتير بنقرا في المحتارة ان واحدة وافقت على اول عريس اتقدملها عشان تخلص من مشاكل اسرية عندها في البيت وتفضل ندمانة طول عمرها.. لا احنا عايزين نتعود نكون ايجابين ونحل مشاكلنا بنفسنا مش نهرب منها.. تقولولي في مشاكل مش بيكون لها حل اقولك اكيد ليها حل بس احنا مش بنكون شايفينه وحتى لو مقدرناش نحل المشكلة على الاقل نحاول نتاقلم مع المشكلة لكن اوعي اوعي تهربي منها
لازم لما تفكري في قرار مصيري زي الجواز اللي هتترتب عليه حياتك كلها تكون نفسيتك مستقرة وعقلك مش تحت اي ضغط مفهوم؟


ماذا تريدين من شريك حياتك؟
هل انا عايزة شريك حياتي يعوضني عن حرمان عشته في حياتي؟
او يعوضني عن احساس بالسعادة اتحرمت منه؟
ولا عايزة انه يتحمل مسئوليتي؟ يعني اتكل عليه في كل حاجة؟
يعني لو انتي في البيت بيبعتوكي في مشواير كتير عايزة منه انه يريحك منها؟
ولا يديني الاحساس بالاستقلالية؟يعني لو مش حاسة بالحرية في بيت اهلك هل عايزة حد يحسسك بالحرية وانك خلاص بقيتي حرة؟
احنا لازم نفكر صح لازم قبل ما افكر انا هاخد ايه من شريك حياتي لازم افكر انا ايه اللي هاقدر ادهوله لازم افكر ادي اكتر ما اخد لان المتعة في العطاء مش في الاخذ
ما انتي ممكن تفكري في زوج يتحمل مسئوليتك ويصرف عليكي ممكن تلاقي اللي يعملك كده بس ممكن تكون فيه عيوب تانية ممكن ميكونش كويس..

ما هي صفات فارس الاحلام؟

طبعا لو جينا و سالنا مجموعة من الناس ايه هي مواصفات شريك حياتك هنلاقي للاسف بنات تقولك انا عايزاه شبه مهند او كريم او توم كروز او غيرهم بمعنى انها بتعتمد بس على الناحية الشكلية تفتكروا الشكل بس ينفع يكون معيار لاختيار شريك الحياة انا مش باقول كل البنات بس كتير منهم للاسف بيفكروا كده
تلاقيها بتختار على اساس الشكل ونظرة العين وطريقة الكلام والضحكة وده طبعا تفكير غلط
اغلبنا لما يجي يفكر في مواصفات فتى الاحلام بتركز على المميزات احنا بقى هنغير طريقة التفكير ديه هنفكر بطريقة العيوب ازاي؟
يعني بدل ما هافكر في مميزات شريك الحياة هنفكر ايه هي العيوب اللي مقدرش استحملها في شريك حياتي لاننا لو فضلنا نفكر في المميزات وكل ما زودنا المميزات ديه في خيالنا اصبح الحصول عليها في الواقع صعب طبعا واحنا بندعي ربنا هندعي بكل الصفات اللي بنتمناها بس افرض اتقدملك حد هتقولي ده مفهوش كل اللي انا عايزاه فبلاش لا انتي في الوقت ده فكري في عيوبه هل عيوبه ديه اقدر اتعايش معاها وممكن اتقبلها


__________________________________________________ __________

اهم المعايير والمبادئ في اختيار شريك الحياة؟

للاسف زادت في الاونة الاخيرة نسبة الطلاق لدرجة انها وصلت لنسبة واحد من كل تلاتة وللاسف اغلب اسباب الطلاق بتكون بسبب الاختيار الخاطئ لشريك الحياة يبقى لازم نركز قوي في الموضوع ده طبعا انا مش هاذكر كل الصفات انا هاركز على المبادئ الاساسية اللي لازم تكون متوافرة في شريك حياتي:
وطبعا اول اساس بيكون هو:
العلاقة مع الله
بمعنى انه لازم تكون علاقته بربنا جيدة لان الدين هو منهج الحياة واحنا اصلا عايشين في الدنيا ليه الا لعبادة ربنا (و ما خلقت الانس والجن الا ليعبدون)
والرسول عليه الصلاة والسلام قال "اذا جاءكم من ترضون دينه وخلقه فزوجوه"
والعلاقة مع الله مقسمة الى قسمين
اولا الجانب الروحي : وديه بتكون عبادات القلب زي حب ربنا وحب الخير والاخلاص والتحلي بالاخلاق الحميدة ... الخ
ثانيا جانب العبادات : زي الصوم والصلاة والزكاة وغيرها
وكتير بنلاقي ناس عندها الجانب الروحاني عالي جدا بس للاسف نلاقيها مقصرة في العبادات وناس تانية نلاقيها بتصلي وتصوم لكن بتكون مقصرة في الجانب الروحاني لا الاتنين مهمين ولازم الانسان يهتم بالجانبين.
نلاقي بنات كتير بتسال انا متقدملي شاب هايل واخلاقه عالية وبيحب فعل الخير لكنه مش بيصلي اقبله ولا ارفضه ؟ لو هو زي ما بتقول بيكون الجانب الروحاني عنده عالي بس الشيطان بيغلبه في جانب العبادات وبيكون محتاج لصحبة صالحة تعينه على العبادات فخليكي انتي الصحبة الصالحة ليه وخدي بايده واتفقي معاه مثلا اني مش هاكمل الخطوبة غير لما تبدا انك تلتزم بالصلاة وساعديه وفكريه باوقات الصلاة وساعتها هتاخدي ثواب كبير
المعيار التاني التحلي بالاخلاق
شوفي اخلاقه عاملة ازاي هل في كلامه بيرمي دبش؟ هل بيكذب ؟
هل بيحترم الكبير؟ هل بيعطف على الاطفال؟ وهكذا في اخلاقه ومعاملاته

المعيار التالت هو توافق القيم والمبادئ والافكار
هل الشخص اللي قدامك قيامكم ومبادائكم متوافقة مع بعض يعني هل انتي حاجة بتعمليها انتي شايفاها حرية وهو شايفها حاجة غلط

قانون القيمة : هو من قوانين العقل الباطن يقول( انك تميل وتتوافق بشكل تام مع الشخاص الذين لديهم نفس قيمك ومعتقداتك وقناعاتك )
المعيار الرابع هو بيئة المنشأ

سواء كانت البيئة ديه الاسرة او الشارع او الحي اللي بيسكن فيه شوفي هل بيئته زي بيئتك تعامله داخل الاسرة هل بيحترم والدته علاقته مع اخواته ووالده وجيرانه هل بيعمل مشاكل هل تعامله مع الناس كويس

المعيار الخامس هو المادية
فكري في الشخص اللي قدامك هل هو شخص مادي هل بيحب الفلوس هل طمعان فيكي؟
هل هو بخيل وخلي بالك ان الشخص البخيل في الفلوس بيكون شخص بخيل في المشاعر وبيكون غالبا اناني وعايز كل حاجة لنفسه وبيستمتع بالاخذ اكتر من العطاء

المعيار السادس هو حسن المظهر والاهتمام بالنظافة
مقصدش انه بيكون بيلبس ماركات ولبس غالي لا بس اقصد يكون مظهره كويس ونظيف طريقة اكله كويسة وتذكروا ان النظافة من الايمان
المعيار السابع : الاتزان النفسي
اقصد انه ميكونش مريض نفسي ولاحظوا انا باقول مريض مش عنده مشكلة لان المشكلة ممكن تتحل ..وخلوا بالكم ان الشخص المريض بتكون شخصيته مختلفة تماما نتيجة وقوعها تحت الضغط

المعيار الثامن الثبات الانفعالي
اقولكم اقصد ايه اقصد لازم تعرفي الشخص التاني ده بيعبر عن انفعالاته ازاي يعني لما بيغضب بيعبر عن الغضب ازاي؟ هل بيقدر يسيطر على انفعالاته ولا لا؟ لازم تختبريه تعالي في يوم وشوفي ايه بيضايقه واستفذيه وشوفي هيعمل ايه وهل هتقدري تستحمليه وتستحملي ردود افعاله ولا لا؟ هل تقدري تحتويه وتهديه؟ ولا بيضرب وبيشتم ومتقدريش تسيطري عليه؟
المعيار التاسع : هو فرق السن
هو مش معيار هام طالما وجد التوافق في القيم والمبادئ والافكار لكن لو فرق السن اصبح كبير لدرجة اختلاف الافكار والمبادئ والقيم هنا بيكون صعب
المعيار العاشر هو مصداقية شريك الحياة
المقصود بيها الثقة هل انتي واثقة في الشخص ده هل تقدري تاتمنيه على نفسك وحياتك لان اي علاقة مش مبنية على الثقة بتكون للاسف علاقة فاشلة.

مع حسن الاختيار في حاجة مهمة وهي الاستشارة:
انك تستشيري اهلك وتاخدي رايهم لان غالبا بيكون رايهم منطقي لانهم بيبقوا شايفين الصورة كاملة خاصة راي الاب والام لانهم اكتر ناس يهمهم مصلحتك وفعلا
لا خـــــــــــــــاب من استشـــــــــــــار

أختكم للنساء أسماء


__________________________________________________ __________

موضوع اكثر ن رائع

سلمت اناملك على الطرح المتميز

يزين بالنجوم


وينقل للقسم المناسب


__________________________________________________ __________

شكراا لك اختي ديما
نورتي صفحاتي



__________________________________________________ __________

موضوع رائع وجميل ومفيد أسأل الله ان يكون في موازين حسناتك