عنوان الموضوع : احاسيس غريبه انا مش طبيعيه -تم الرد
مقدم من طرف منتديات نساء الجزائر

احاسيس غريبه انا مش طبيعيه



من بدايه الموضوع انا بحس انى جوايا حاجات مش طبيعيه وبخاف جدا من العلاقات انا فى حد بيحبنى جد وانا متاكدة من دة بس هو اصغر منى بسنتين وكام شهر انا عندى 25 سنه فىالبدايه الشخص دة ساعات بحس انى عاوزة وساعات لاء او كدة كانى بقول لاء انا اخد اللى يحبنى احسن وفى نفس الوقت اقول لاء مش دة الحد اللى انا عوزاة المهم انا على طول كدة اى حد يجينى ببقى حاسه نفس الاحاسيس دى حاسه كانى هقضيها العمر ادور على الحد اللى انا عوزاة او على اللى احسن انى بحبه انا كمان حاسه انى انسانه باردة يعنى مثلا ببقى مش قادرة ابادله اى مشاعر كانى كدة بقول علشان لو الموضوع انتهى ابقى موعدتوش بحاجه وساعات بحس ان دة مش من حقى هو حد طموح اوى ودماغه حلوة فى الشغل بس مش عارفه دماغه ايه فى العلاقات هو ايه الاساله اللى ممكن اسالها علشان اتعرف على شخصيته اكتر واقدر اقيمها انا ساعات بدعى يارب الموضوع دة يكمل ويحببنى فيه بس علشان مش عاوزة اصدمه فى كتير من اصحابى اللى شافو واتعاملو معاة قالولى هو كويس بس مش لايق عليكى اصلى هما شايفينى حد مستواه جامد اوى المشكله هما مش اصحابى اوى انتو عارفين بقى جو الشغل لما الناس بتقعد تسوس على بعضها بس كل اللى بفكر فيه دلوقتى انى حاسه انى مش عاوزة اكمل وفى نفس الوقت اصحابى المقربين بيقولولى طالما حد كويس وله مستقبل والاهم انه بيحبك وافقى ومع الوقت هتحبيه بس انا ساعات بحس انه مش هو دة اللى انا عاوزاة وفى نفس الوقت لما قلتله خلينا اصحاب كنت زعلانه اوى وبكيت كتير ولما رجعا لبعض رجعت احس نفس الاحاسيس كانى كدة عاوزاة ومش عاوزاة انا حاسه انى انا حد انانى اوى فى المواضيع دى طب انا هفضل كدة لحد امتى وبعدين خايفه الاقى حد تانى واكون عاوزاة وهو اللى يبهدلنى بجد انا محتارة وبحس انى عندى عقدة من المواضيع دى لما حد بيشجعنى على علاقتى بيه بحس انى متحمساله جدا وقابله منه اى كلام ولما حد بيدى راى فيه مش حلو نفسيتى بتتعب اوى وببقى مش طايقه منه اى كلام نفسى الحد اللى اخدة احس ان اصحابى راضيين واهلى وكل الناس بحس انى مش بعرف اخد قرار لوحدى وكانى كلمه تجيبنى وكلمه تودينى بجد انا محتارة اوقات كتير بحس ان اهلى مش هيوافقو عليه وهيقولو دة صغيراوى بس هو كدماغ يقدر يقنع حد بس مش عارفه انا نفسيا مش مرتاحه خالص لددرجه بقول ياريتنى كنت فضلت عند رايى ان احنا اصحاب ومرجعتش فى كلامى المشكله ان هو يوم بعد يوم بيتعلق بيه اكتر ويحبنى اكتر وبيقوللى انا انا اهم حد فى حياته محسسنى ان انا حد محصلش ودة بيخوفنى عليه منى اوى نفسى اسمع نصيحه تريحنى بجد انا اسفه للاطاله بس بجد مخنوقه اوى

>>>>> ردود الأعضـــــــــــــــــــاء على الموضوع <<<<<
==================================


أختي ما في حد كامل أحسن حاجة صل استخارة
وتوكلي على الله وحده


__________________________________________________ __________

هقولك حاجة بس متزعليش منى انت اختى ..

واضح انك لسة مش ناضجة عاطفيا

وواضح ان البيت عندك متشدد شوية باين انهم كانوا بيختاروا لك كل حاجة وبيفرضوا عليك علشان كدة مش قادرة تحددى انت عايزة ايه
انا من كل كلامك مفهمتش انت مشاعرك ايه ؟؟؟
اللى حسيته انك مبسوطة انك لاقيتى واحد شايفك مثالية وبس

المشكلة تبدا عندك وتنتهى عندك

اعرفى نفسك واعرفى انت عايزة ايه بالظبط

هاتى ورقة وبعيد عن اى حد واى راى

اكتبى مواصفات الشاب اللى تتمنى ترتبطى بيه "مواصفات خلقية وليس شكليه"

حددى لنفسك موجود فى الشاب دة ايه ومش وجود ايه

هل المواصفات اللى موجودة في شخصيته تستاهل انك تتغاضى عن المواصفات اللى مش موجودة ؟؟؟

جاهز للزواج امتى ؟؟؟

واسالى نفسك هل دة الشخصية "الواقعية " اللى تقدرى تكملى حياتك معاه"



بعد ما تستقرى وتقدرى تحددى انت عايزة ايه وقتها بس تقدرى تعرفى انت هتعملى ايه


__________________________________________________ __________

شكرا على الرد بس بالنسبه انك بتقولى البيت هما بيختارو لى وبيفرضو عليا دة عمرة ما حصل بالعكس ببقى حاسه انى اللى عاوزة اختارة نفسى هما يبقو راضيين معايا او بمعنى اصح انا مرة اخترت قبل كدة وكنت مقطنعه بجد بيه وحبيته اوى بس طلع كل دة ولا حاجه وهما فى البيت اثبتو لى انه هو ميستاهلنيش فعلشان كدة ببقى دايما خايفه من اختيارى ودة ملوش علاقه انى ناضجه او مش ناضجه عاطفيا وعدين متنسيش ان انا كاتبه عن موضوع ان هو اصغر منى ودة مقلقنى


__________________________________________________ __________


__________________________________________________ __________