يحبني ولكن لابد ان اتركه

[aksachli]

عنوان الموضوع : يحبني ولكن لابد ان اتركه
مقدم من طرف منتديات نساء الجزائر

يحبني ولكن لابد ان اتركه





يا بنات انا اسفة اوي ان اول موضوع ليا في المنتدى يبقى مشكلة

بس ارجوكوا انا تعبانة اووووووووووووي ومحتاجة افضفض معاكم

لاني خلاص مش قادرة افكر

انا بحب واحد جدااااااااااااااااااااااااااا كان زميلي في الكلية

اتعرفت عليه وحبيته جدا و فضلنا طول سنين الكلية سوا

و طول الفترة دي احنا كنا كويسين مع بعض جدا

و كان هو كل حاجة في حياتي و هو كمان حبني اوي

المشكلة بدات لما تخرجنا و بدانا نفكر ازاي نتجوز

هو ظروفة المادية متسمحش بجواز لانه معندوش شقة

وكمان مرتبه يا دوب بيصرف منه على نفسه وعلى البيت و اخته الصغيرة

لان ابوه محاسب ( اقصد ان مرتبه برده مش كبير )

بس هو ابن ناس جدا و متعلم كويس جدا وبيعرف لغات كمان

المهم عشان مطولش عليكوا هو جاتله فرصة سفر انه يشتغل بره

و قالي ان احنا نتجوز ونسافر و نبدا حياتنا بره و بصراحة انا موافقتش

لاني مش عايزة اسيب ماما واختي و بلدي وكده

فهو وقتها زعل جدا و قالي اني انانية ( لانه برده بيحب اخته جدااااااااااا وروحه فيها )

المهم قالي انا حتقدم برده و لو بباكي وافق يبقى انتي كمان توافقي

المهم انه اتقدم فعلا بس بابا موافقش و قاله ازاي عايزني اديك بنتي

تمرمطها بره وقاله لازم تجيب شقة في مصر وتجهزها

هو بابا شايفة شاب كويس جدا لكن ظروفه وحشة

المهم لما بابا رفضه قالي نسيب بعض و كان تعبان اوووووووووووووووي

و انا رفضت وقلتله اني مقدرش ابعد عنه

وانا كمان عارفة انه بيحبنيو مش حيقدر يستغنى عني

و بعدنا عن بعض شهرين كنت بكلمه كل يوم اتحايل عليه عشان نرجع

ورجعنا

بس المشاكل زادت بينا اوي اخرها اللي انا كاتبة الموضوع اصلا عشانها

عشان انا خلاص مش عارفة افكر ولا اقرر انا اتصرفت صح ولا لا

احنا اتقابلنا واتكلمنا سوا و هو ليه زميلة في شغله قابلناها وسلم عليها

و اتكلموا شوية و بصراحة انا حسيت بغيرة جامدة اوي من نحيتها رغم اني احلى منها

( على فكرة هو شكله حلو جدا و كمان اسلوبه في الكلام حلو وكده و البنات

ايام الكلية كان يقولها صباح الخير تروح تلزق فيه بس انا ايامها مكنتش بغير

لانه مكانش مغرور بشكله بالعكس هو طيب و حنين جدا و كمان لاني عارفه

قد ايه هوبيحبني لكن دلوقتي مش عارفة ايه اللي حصلي )

المهم كلمته و شدينا مع بعض بسببها فاضايق

لان احنا كنا بقالنا فترة متقابلناش و ان احنا بنتخانق كتير

و قالي اني ثقتي بنفسي اتدمرت فانا قولتله ان هو السبب لاني مش

حاسة معاه بالامان و انه مش بيعمل اي حاجة عشان علاقتنا تكون رسمي

المهم اتخانقنا وكل واحد روح بيته و بعدين قعدنا حوالي 3 اسابيع انا مش

بكلمه

( لاني في الوقت ده اتقدملي واحد تاني و انا كنت عايزة افكر بالعقل في

مستقبلي لان اصلا علاقتنا مسيرها حتنتهي )

بس هو كان عمال يتصل ويبعت رسايل و مش سايبلي فرصة اقرر براحتي

المهم كلمته امبارح وقلتله ان احنا مش حننفع نكمل سوا

وان احنا بقينا حمل على بعض ( بس مقولتلوش ان فيه واحد تاني متقدم)

هو في الاول قعد يتحايل عليا و قالي انه حيتقدم تاني وكان بيبكي

( على فكرة انا مش قاسية عليه انا اصلا كنت بتقطع من صوته وهو بيبكي بس صدقوني غصب عني )

المهم اني قولتله اني مصممة على موقفي

وعشان انهي المكالمة (لاني كنت بدات اضعف قدامه ) قلتله متتصلش و

متبعتش رسايل تاني لان اي كلام تافه مش حياثر

لقيته بيزعق و يقلي بكرهك وقفل في وشي التليفون

و عرفت انه كان كاتب الخاطرة دي في المنتدى اللي هو بيكتب فيه

ارواحنا في الصغر

كلوح زجاج مصقول

ناعم

شفاف



و كل ألم في الكبر

كل جرح

كل يأس



يترك شرخا

يؤرق انامل اصابعنا



يفقدنا ليونة الفكر

يسلبنا معزوفة الامل



لتتناثر ارواحنا

في نهاية الطريق

كشظايا سخيفة

ساذجة



كشظايا لحلم معطوب

ــــــــــــــــــــــــــــــــ



خاطرة مبعثرة ممزقة كروحي المصلوبة بالألم


يعني هو كان موجوع من قبل كده

مش من مكالمتي يعني

انا كده خلصت

مش عارفة اقولكوا ايه بس نفسي حد يحس بيا

انا فعلا بحبه لكن انا تعبت من القلق اللي انا عايشة فيه

نفسي اتجوز انسان تبقى علاقتي بيه في النور واحس بالامان معاه

و ابقى مطمنه انه خلاص بقى ليا مش واحد احتمال يسيبني في نص الطريق

( هو ساعتها مش حيغلب وحيلاقي الف واحدة تتمناه لكن انا مش حلاقي

عريس تاني زي ده فاهمني ؟)

انا عايزاكوا تردوا عليه بصراحة وانصحوني كاخت ليكوا

وانا عايزة حد يناقشني ويفكر معايا

و ياريت بلاش الردود المختصرة

و ارجوكوا بلاش تجريح في الردود

>>>>> ردود الأعضـــــــــــــــــــاء على الموضوع <<<<<
==================================

بصراحه اختي انا مش عارفه اقولك ايه بس انا شايفه انك كنتي قاسيه عليه جدا جدا

الشاب هذا احبك بجد وانا حاسه انك حبك ليه مش صادق في نفسك والا ما كنتيش تفضلي عليه شخص اخر بعد كل سنوات الحب اللي بينكم وخصوصا ان والدك كان موافق علي زواجك من هذا الشاب

المهم اني قولتله اني مصممة على موقفي وعشان انهي المكالمة (لاني كنت بدات اضعف قدامه ) قلتله متتصلش و متبعتش رسايل تاني لان اي كلام تافه مش حياثر

انتي جرحتيه بل احسك طعنتيه بقلبه والان انتي في نظره غير الاول علي ما اعتقد


ورده عليكي كان من صدمته فيكي

مش عارفة اقولكوا ايه بس نفسي حد يحس بيا انا فعلا بحبه لكن انا تعبت من القلق اللي انا عايشة فيه نفسي اتجوز انسان تبقى علاقتي بيه في النور واحس بالامان معاه و ابقى مطمنه انه خلاص بقى ليا مش واحد احتمال يسيبني في نص الطريق ( هو ساعتها مش حيغلب وحيلاقي الف واحدة تتمناه لكن انا مش حلاقي عريس تاني زي ده فاهمني ؟)

لو كنتي بتحبيه بصدق طول السنين اللي فاتت ما كنتي تركتيه ابدا وخصوصا انك مش مغصوبه من اهلك

اختي لا تزعلي مني انتي طلبتي الصراحه

انصحك بجد انك لا تفكري في هذا الشاب تاني صعب ترجعيه يحبك مثل الاول بعد ما كسرتيه لدرجة انه يبكي علي فراقك

ان كنتي شايفه ان العريس اللي تقدملك مناسب ومؤدب وابن ناس وعلي خلق

توكلي علي الله ووافقي

اتمنالك التوفيق

__________________________________________________ __________

ينقل للقسم المناسب

__________________________________________________ __________

الهم فرج كربها يالله و أطمن قلبها يا رب العالمين

__________________________________________________ __________

الصبر مفتاح الفرج

__________________________________________________ __________

الله يكون في عونك