عنوان الموضوع : بدي إحكي ويا ريت تسمعوني !!! -تم الرد
مقدم من طرف منتديات نساء الجزائر

بدي إحكي ويا ريت تسمعوني !!!



السلام عليكم ورحمة الله وبركاته :

سيداتي آنساتي - ومافي سادتي !!!! ههههه -
بدي قول هالشي اللي حارق قلبي ويا ريت تسمعوني

"بدي بق البحصة " متل مابقولو عنا بسوريا .. واللي بده يصير يصير

خلاااااص ماااا عااااد عندي صبر , مشكلتي ببساااااااطة كالتالي اسمعوا واحكموا :


لاحظت أنه بالمنتدى لما حدا بيكتب موضوع وبكون عليه القيمة ليش بندخل وبنقراه وبنطلع ولا كأنه في شي ؟؟
يعني " بالمشرمحي ! " - كمان على قولة أهل سوريا - ليش مابنرد على الموضوووع وبنبدي رأينا فيه ليصير إلو قيمة ويصير فيه تفاعل بين العضوات
بنلاحظ القراءات بتكون أضعاف مضاعفة عن الردود
يمكن لأنه في زائرات وعم ما بحقلهم يكتبوا ردود , ومو هون المشكلة المشكلة فينا كأعضاااء بالمنتدى
مو بس هيك ليش ما بنقيم الموضوووع بشكل دائم ؟
يعني اللي عم بقيموا المواضيع - مشكورين - هم قلال وبينعدو على الأصابع

حلو كل ما قريتي الموضوع تقيميه .. هالششي بشجع الأخت الكاتبة للموضوع أنه تعطي أكتر وتبدع أكتر وأكتر ..


والغالبية من العضوات - طبعاً حسب ما لاحظت - بيكتبو ردود بسيطة :
" مشكورة "
" يعطيكِ العافية "
"يسلمووووو"
.
.
.
.

حتى من كتر ما لاحظت هالظاهرة صرت باللاشعور أعملها ...
بعدين قلت بيني وبين حالي .. مو حرام .. العضوة منا عم تكتب مواضيع بناءة بتفيد فيها العضوة الثانية وبكون الرد عبارة عن كلمة ولا كلمتين

أنا ما عم قووول كتبوا سطور ... !!!
بس خلوا ردودكم بتعبر عن رأيكم وعنكم وعن شخصيتكم ..


معليش ماحدا يزعل مني , يعني أنا من فترة انعديت منكم وصحيت على حالي
حبيت أعمل ثورة على أسلوب التعاطي مع المنتدى لأنه حلو وما بيستاهل إلا أنه نرفع من مستواااه ولا شووو رأيكم ؟؟

ما تواخذوني بس صار عنا نحنا العرب حس ثوري على ما يبدوووو ؟؟؟؟؟؟

وبدي قول شي تاني كماااان , ما تقولو زودتيها اسمعوا واحكموا :


المشكلة التانية لما وحدة منا بتعرض مشكلة تعرضت لها وآلمتها

- كيف بكون أسلوب التعاطي ؟؟؟

بنرووح نحنا شادين ضهرنا , وبنقعد " بننَّظِر " على الصبية
وبنحسسها أنها خارجة عن النظام الطبيعي - اللي هم ماشييين عليه - وكفرت مو غلطت ..
وبعض الأحيان لاحظت أنه بعض العضوااات ببهدلوها بردود فعلاً جارحة ..

أنا بس بدي قول أنه :
1 - كلنا معرضين للخطأ وما حدا معصوووم .
2 - لازم تراعي الاختلاف بالعادات والتقاليد بين البلاد العربية .
3 - كل وحدة بدها ترد لازم تحط نفسها مكان الأخت السائلة .
4 - الأخت السائلة مابدها منا كلام وتنظير لأنه كلنا مربايات وبنعرف الصح من الغلط
5 - لما وحدة بتتطرح مشكلتها بتكون حابة تنفس عن الضغط اللي مأثر فيها من المشكلة اللي صايرة معها .
6 - مابيمنع نختلف معها بالرأي ونوضحلها وين غلطت بس بلطف وزوووق وبدوووون تجريح .
7 - أخيراً : كل وحدة بتعبر عن رقيها ومستواها ..

الحمد لله أنا ماتعرضت لهيك موقف بس قريت ردود استفزتني كتييير وزعلتني على العضوة السائلة وما حبيت أنه رد على اللي غلطت بالحكي الجارح لأنه مالي عليها شي .

ولهيك حبيت أكتب هالموضوووع ......

بتمنا ما كون دايقتكم بطرحي , وبتمنا يكون سلس وقريب للقلب لأنه طالع من القلب .

ياريت تقولولي شو رأيكم .. ملاحظتي بمحلها ولا لأ ؟؟؟؟



بحبكم كتييير أخواتي الغاليات
بوركتم وبورك المكان اللي جمعنا
أختكم بالله : " السعادة بإيدنا "

>>>>> ردود الأعضـــــــــــــــــــاء على الموضوع <<<<<
==================================


بالمشرمحي>>عجبتها الكلمه ههه

أختى السعاده بأيدينا
أنا لسى من يومين سجلت ومادخلت موضوع وطلعت ألا وانا ضايفه رد وتقييم

اذا الموضوع يستاهل تقييم نقيم الكاتبه
لكن بعض المواضيع عباره عن نسخ عميآني حتى ماتعدل على النص ويجيك كله بدليات..

مشكووره يالسعاده
‏>>هآآ شوفيني رديت عليك وقيمتك مادقيت ريوس وطلعت^^


__________________________________________________ __________

اشكرك اختي على كلاماتك الجميله واشد على ايدك كمان والله المنتدى رائع كتير وياريت يكون اكتر من هيك وازا على الثوره رح نثور لحتى يتحسن المنتدى يلا اشوف الشعب يريد تحسين المنتدى الشعب يريد تحسين المنتدى واحلى تقيم لعيونك


__________________________________________________ __________

صح كلامك والله وانا من البنات اللي كتير اسفزتني مشاركات بس انا برد على كلامها بس مو بطريقة مباشرة... واخرهم امبارح هههههههه
اما بالنسبة للتقييم صراحة حبيبتي انا ولا مرة قيمت لانه مابعرف كيف وشو فايدته
تقبلي مروري
وكلامك صح الصح


__________________________________________________ __________

والله صدقتي وانا الاحظ نفس اللي بتلاحظي وبصراحه موضوعك بحد ذاته روعه
طلع اللي داخلي عن جد تستاهلين احلى تقييم لعيونك


__________________________________________________ __________

حبيبتي والله فهمت قصدك فانت مثل اي واحدة من هذا المنتدى وانا اولهم لدرجة حبنا فيه وجمعتنا جمعة خير ان شاء الله نحب دائما ان يكون في افضل صورة ولكن سامحيني ان كنت لا اوافقك بعض الراي لان هذا والله من ارقى واهذب المنتديات والسيدات فيه والله ماهم مقصرين ابدا اي وحدة عندها مشكلة او مذنبة او مخطئة ياخدوا بيدها ويرشدوها ويخففوا عنها كل واحدة بما تستطيع ومن لا تملك نقد او تقييم تترك دعاء وهو اعظم..عفوا قد اكون اغضبتك لكن هذه وجهة نظري وهذا لا يمنع انني اعارضك فكلنا نحب تطوير المنتدى والقي به الى الفضل ان شاء الله...احبك في الله