عنوان الموضوع : بنات تكفون هذا الي حصل وانتم احكمو ..~
مقدم من طرف منتديات نساء الجزائر

بنات تكفون هذا الي حصل وانتم احكمو ..~



السلام عليكم ورحمة الله وبركاته
بنات ارجوكم تساعدوني
بنات انا اول سنه لي في كلية الطب يعني بعد العيد اروح السنه الثانيه وتفكيري كله في دراستي وبس
بس حصلتلي شغله في الاختبارات حاسة لي مخي على الاخر
انا اخر شئ افكر فيه اني احب او اتزوج لان ابي شهادتي ابي الدراسه وبس

ابي اقول لكم القصه من اولها /
بنات احنا ساكنين في حي جدا اهله راغين واغنياء وفيه جارنا جدا جدا جدا غني قصور وعمائر ومعارض ومحطات وحراسه عندهم بالعربي هم ناس مليار دير


عم بس عيال 7 عيال ماعندهم اخوات كلهم عيال وكلهم متزوجين من الخارج يعني مو من السعوديه وباقي الصغير عمره يمكن 22 اسمه ماجد توه مو متزوج
هوه اصغر واحد في عائلتهم


وابي اكون صريحه وربي هم كلهم جمال فيهم مو طبيعي والصغير ماجد هذا ابوه مررره مدلعه بس على دلع ابوه فعلا عنده رجوله مو من هذولي المايعين
وهم وايد شخصيات كلهم لهم هيبه واخوانه كلهم متوظفين وظايف جدا جدا عاليه ولهم مكانتهم في الدوله الى هوه ماجد مو متوظف ابوه يقول لا انت الي تبيه
انا اجيبه لك مابيك تتوظف وايد ابوه يحبه (هذا على كلام ابوي)

ملاحظه : هذا ماجد وايد بنات حاولو يقربون منه وربي كثير بنات حاولو يغازلونه بس هوه مو راضي مايعطي احد وجه ابد لاتقولولي وش عرفك لاوربي
انا بنفسي شفت بعيوني ماعنده الخرابيط على ان البنات وربي يجونه بس مايعطيهم وجه ويتعبون معه
هوه ماجد وايد طيب ابوي يقول هذا الولد ماجد ماطلع مثل اخوانه اخوانه وايد مايختلطون مع
الناس كثير شخصياتهم قويه


الموقف الي صار معي /


اخر اختبار لي في الكليه كنت انتظر السواق حقنا عند باب الشارع لان السواق تاخر علي واتصلت عليه يقول جاي
وانتظرت ماجاء واتصلت ويقولي السواق انا سوية حادث والشرطه مسكتني مااقدر اروح والحين انا كيف اروح الاختبار تاخرت عليه والمشكله ابوي مو موجود
مسافر لمنطقه ثانيه واتصلت على ابوي والشارع كان مافيه احد يعني والصووت ينتشر وانا معصبه واتصلت على ابوي وقلت له قال خلاص وش
نسوي ارجعي للبيت وبعدين تشوفي لك حل وفجاه الى الي في السياره ينزل القزازه ويقول خلاص انا اوديك اذا ماعندك مانع انا الحين ابوي على الخط وانا من
هوه هذا اطالع في بيتهم على بالي من البلكونه الى هوه في السياره ماجد هذا هوه بنفسه ابوي سمعه وقال هذا ماجد قلت ايوه قال خلا ص اركبي معه يوصلك
ابوي الله يهديه يقول انا اتصل عليه الحين سكرت ابي ادخل البيت خلاص معاد ابي اروح فشيله مو مصدقه انا اركب مع ماجد بنفسه مو مستوعبه ابوي اتصل
عليه وقال له وديها قوه قال من عيوني بس بنتك دخلت مدري وش فيها قال لالا ابوي الحين تطلع لك واتصل علي قال الرجال ينتظرك روحي يوديك الكليه
قلت لالا ابوي خلاص مابي اروح قال انا كلمة الرجال لاتفشليني معه يالله روحي ابوي عصب علي يوم طلعت مع باب الحوش وهوه واقف على الباب
ركبة وربي وايد متفشله


يتبــع

>>>>> ردود الأعضـــــــــــــــــــاء على الموضوع <<<<<
==================================


وهوه عادي يسالني عن الكليه ويقول انتي تدرسي طب قلت ايوه قال لااوصيك شدي حيلك وربي مو مصدقه والكليه بعيد عن البيت ووقف عند بوفيه وجاب
لي فطور وقال افطري قلت لا انا افطرت في البيت قال عاد جبته لاترديني وربي مو مصدقه قلت اوكي خذيت الفطور


وصلني يوم وقف عند باب الكليه والبنات زميلاتي على الباب وانا الحين ابي انزل مو عارفه افتح الباب مدري من وين
افتحه ومتفشله ومتلخبطه والمشكله كل الباب ازارير ضغطة واحد ودق جرس سيارته وايد فخمه مااعرف كيف افتح الباب وهوه شافني لي ربع ساعه مو عارفه افتح الباب نزل وهوه يضحك
وفتح لي الباب وربي مت من الفشيله وقالي شوفي هذا رقمي بس تخلصي اتصلي علي خذية الكرت ونزلت والبنات زميلاتي شافوه ربي بس دخلت كلهم حتى فيه
بنات كنا من شله وحده معرفتي فيهم قليله وربي كلهم تجمعو علي من هذا وكيف عرفتيه عرفينا عليه وخرابيط قلت ابي اختبر وارجع اختبرت ورجعت لهم قالو لي
يالله قولي لنا عاد تعرفون قلت لهم هذا خطيبي شوي ويتجننون صرفتهم وطلعت واتصلت عليه على الساعه 2 تقريبا ظهر ورد علي وكان صوته نائم بس انا سوية
نفسي مو عارفه فشيله قلت خلاص انا خلصت اختبار قال اوكي دقائق واجي لك فعلا ماطوول جاء وكان مو هوه الي يسوق كان واحد من الحراس وهوه كان راكب قدام
نزل لي الحارس وفتح لي الباب وكان هوه يسالني عن اختباري كيف قلت حلو واحنا مع الخط راجعين البيت قال لسواق وقف هنا وقف ونزل عند مطعم
وشوي ينادي الحارس حقه يقول تعال شيل الصحن وربي يابنات جايب نص ذبيحه صحن كبير وحطه السواق ورحنا للبيت يوم وقف عند بيتنا ابي انزل قال يافلانه
وربي مدري وش عرفه باسمي قال رقمي عندك اي شئ تحتاجيه اتصلي علي اخدمك من عيوني انا استحية ونزلة قال لحظه خلي السواق ينزل لكم الصحن تتغدون
عليكم بالعافيه انا رديت قلت وربي ماله داعي قال لالا له داعي انتي جايه تعبانه وهذا اخر اختبار لك تستاهلي اكثر نزلة ونزل الحارس الي معه ونزل الصحن ودخله
وراح لبيتهم وجلسة افكر وربي وايد انشغل بالي لاتقولون انتي مو متعوده على خير او احد يسوي معك هذا لاوربي كثير شباب يتمنوني بس مثل ماقلت لكم اهم شئ
دراستي وصراحه فعلا الي صار لي معجزه لان ماجد بنفسه يسوي معي كذا انا قبل قلت مستحيل اصلا يطالع فيني مدري كيف تغير الوضع


يتبــــع


__________________________________________________ __________

والي حصل بعد قبل امس كان غريب منه كنا طالعين نتمشى مع ابوي وكان السواق اخذ سياره العائله الكبيره لان جدتي ماتحب تركب في الصغيره تعرفون تعبانه
والسواق اخذها وراح لجدتي ومافيه الى السياره الصغيره قال ابوي خلاص يالله قلنا السياره ماتكفي قال ابوي لالا تكفي بس يالله
طلعنا وكان هوه واقف يكلم على باب الحديقه حقتهم واحنا طلعنا قدامه يعني نركب وهوه يطالع فينا ابوي سلم عليه وركب واحنا بركب وهوه شاف السياره ماتكفي
يعني يوم نركب وايد متضايقين قال ماجد لابوي ياعم السياره ماتكفي وابوي تعرفونه يحبه يشوفه مثل ولده نزل له ابوي قال ياشيخ السواق اخذ سيارة العائله
وراح لامي عندها مشوار قال انتم وين رايحين قال ابوي نتمشى قال ماجد فلانه تبي تروح يقصدني انا قال ابوي ايوه كلهم ياشيخ قال افا ياعم
دقائق بس اجيب لكم الجيب قال ابوي لالا مايحتاج قال ماجد والله لاجيبه لاتحشرهم ياشيخ في الصغيره هذي ابوي استحى قال عساك على القوه
ماجد دخل البدروم حقهم لان السيارات حقتهم كلها في البدروم تحت القصر حقهم وطلعها ووقفها عند بابهم ابوي استغرب ابوي ركب معنا عاد في السياره ينتظره
وجاب السياره وقفها عند باباهم ابوي يقول وش فيه هذا ابوي يوم شافه وقفها ونزل ماجد ابوي فتح الباب ونزل ماجد يقول دقائق ياعم خليهم يغسلونه
قال ابوي ياشيخ ماله داعي يغسلونه قال لالا عليه غبار وربي يابنات الجيب جديد ماعليه غبار ولاشئ يتلامع وفعلا الحراس تجمعهو عليه وبسرعه غسلوه ومسحوه
واعطى ابوي المفتاح قال ابوي كلفنا عليك قال ماجد افا ياعم تعبكم راحه قال ابوي طيب اذا رجعنا وين اوقف لك السياره
قال ماجد ياعم افا بس عليك روح تمشى عليها انت واهلك قال ابوي هيه سيارة العائله بكره تجي قال اتركك منها روح مشي فلانه يقصدني هيه مسكينه تعبة في
الاختبارات هذي والحين خلصت روح مشيها ابوي جلس يضحك قال لايصير خاطرك الى طيب وحنا نزلنا وركبنا في الجيب حقه وهوه الحراس طلعو له سياره وغسلوها
وركب فيها وراح ابوي يوم رحنا يقول ماجد هذا وايد طيب واخلاقه عاليه فعلا رجال يقول انشاءالله يكوون من نصيب فلانه يقصدني وانا ساكته
يوم رجعنا البيت اتصلت على اختي الكبيره متزوجه وقلت لها الي صار قالت لي اسمعي انا اختك الكبيره لاتفكري فيه ولاتحطيه زوج المستقبل والحبيب لانه
من السبع المستحيلات يتزوجك اخوانه كلهم متزوجين اجنبيات يعني هوه يبي يتزوجك انتي قلت طيب وش معنى الي صار معي
وش معنى انا عاملني كذا البنات يتعبون معه من شان يطالع فيهم وهوه مو معطي احد وجه ليش انا سوا معي كذا قالت اختي
شافك وشفق عليك يوم مالقيتي احد يوصلك للكليه قلت طيب افرضي كلامك طلع صح ليه يقول الي تبيه يافلانه انا حاضر ويقول لابوي ودي فلانه تتمشى
قالت هذي مدري عنها



يتبــــع


__________________________________________________ __________

حتى انا يابنات مدري وربي انا كل وقت فراغي افكر فيه حسيت اني ابيه لي وبس بس انا خايفه وربي احط آمــل فيه وهوه مو شايفني ولايبيني


بنات من خلال خبرتكم ومن خلال قصتي كلها كتبتها لكم وش تتوقعون من تصرفاته معي وش معنى انا بذات

لاتقولون هوه ماجد لعاب لا والف لا هوه مو حق الحركات هذي البنات وربي يجونه ومتجننين عنده وهوه مو شايف احد ولايعطيهم وجه وش معنى انا


تكفوون بنات افيدوني ريحوني


__________________________________________________ __________

اللي فهمته انك غغرققانهه لشووشتك
الله يجعله من نصيبك


__________________________________________________ __________

الله يجعله من نصيبك