عنوان الموضوع : تعبت من تصرفات ام زوجي لي!!!
مقدم من طرف منتديات نساء الجزائر

تعبت من تصرفات ام زوجي لي!!!



السلام عليكم ورحمه الله وبركاته،في البدايه انا صار لي 3سنوات متزوجه وفي بدايه زواجي كنت احس اني عمتي تكرهني من اسلوبها لي اقصد فيها غيررره مني على ولادها كله خايفه اني آخذ ولدها منها او اغيره عليها ودايما تقول جدامي انتبه على روحك لحد يغيرك علينا احنا دايما قلبنا واحد ونتساعد مع بعض لا يغيرونك الناس وانت تصدقهم(تنغز وتقصدني)واحيانا تقول انت اشفيك من تزوجت اختربت وتغيرت اشصارلك وكل هالكلام قدامي وتقول انت وانت وانت ودايما تلومه تحسسني اني انا الي غيرته ،والله العظيم اني على طول اقوله امك ثم امك وما اطلع الا لمن اعرض عليها تطلع معانا لانها وحيده عمي توفى الله يرحمه وعيالها الباقيين لاهيين في حياتهم مع زوجتهم وعيالهم وساكتين برا البيت الا انا ساكنه معاها،ومن قبل فتره يقولها زوجي انا ابي ابني فوق في السطح وهو شرط من شروط زواجي ان يكون لي ملحق ولما استشارها قالتله ليييييييييييش في احد مضايقكم في عندكم فوق صالتين وتحت صالتين واخذو راحتم فيهم وهي معصبه،اصلن لو اسوي شي في هالصالتين الي تقول عنهم والله تقول هاذا مو مكانج عشان تتحكمين وتسووين الي تبين فيه يعني في حدود،لاكن بنتها عندها حجره وحمام وصاله ومطبخ وحوش وتقعد تقولها الله يعينج انتي شنو الي يخليج تصبريين على هالضييق لاكن انا الي عندي حجره ضغييييره تقعد تقول انتو الحمدلله مرتاحين؟؟؟؟؟؟بس انا ولا ارد عليها بشي اقول حسبت امي بس الي يضايقني انها واجد تتدخل في حياتنا وتتضايق اذا زوجي بيطلع معاي ويا بيت ابوي لاكن هي تقعد تقول لبناتها خلونا نسافر كلنا مع بعض مع ازواجكم وعيالكم وبالفعل تسافر مع بناتها وازواجهم لاااااااكن ولدها ما تبيه يجتمع وااجد مع بيت ابوي بس انا اسكت ماقولها اكا انتي تقوليين حق بناتج خلو ازواجكم يجون معكم ووووووو...وتتدخل في اشيا واااااجد تضايقني بس مليت من كثر الصبر وما اعرف شنو نهايتنا لانه قد ماسوي مايبين بعينها ،انصحوني شنو اسوي ارد على الي تقوله ولا اسكت احصل اجر ولا.....محتاجتكم كثيييييير انتظر ردودكم.**


**

>>>>> ردود الأعضـــــــــــــــــــاء على الموضوع <<<<<
==================================


الله يصبرك ويفرج همك


__________________________________________________ __________

الله يكون في عونك اختي التجئي الى رب الارباب وحده القادر على هيك ناس ..الله يهديهم ويصلح حالك


__________________________________________________ __________

بسم الله الرحمن الرحيم

اختي بيض الله وجهك دنيا واخره على صبرك
اول شيء صبرك لاينتهي معها لان ماتفعلينه لوجه الله اولا
ثانيا العمر يحكمها وخوفها من ان ابنها لما تكبر يتركها تحمليها وطمني خوفها دائما
اعملي قهوه وقهويها واجلسي معاها قولي خالتي وش رايك تطلعين معاي حاولي تاخذينها معك سترفض في البدايه لانها تخاف منك لها اسبابها وتغار منك لكن مع الوقت ستلين مع الحاحك وستبداء بالخروج معك
انظري لها دائما نظرة البنت لامها وليس نظرة زوجة الابن لخالتها الان تريدين كسب ثقتها يعني ستبدأين معها من الاول كأنك تبنين لك بيت طوبه طوبه حتى يكتمل تحلي بالصبر ..
اجلسي مع زوجك واقنعيه بالعمره لمكه واذا وافق روحي لام زوجك وقولي خالتي ابطلبك طلب ابيك تروحين معانا للعمره وتغيرين جو راح تفرح تصدقيني وتبداء معك تتغير
احنا لمانكبر بالعمر نبداء نصير مراهقين ثم اطفال بأطباعنا وتصرفاتنا لازم تعرفين هالشيء يعني هي الان بحكم عمرها تبداء تصغر بالعقل وبأمكنك تبحثين عن هالمعلومه بالنت وتتعرفين من خلال تعاملك معها انها صحيحه لاتعاملينها معاملت كبار لكن دلعيها كأنها طفل لان عقلها سيبداء يصغر مع تقدم العمر حتى تصبح لاتعلم بمن هم حولها الله يكون بالعون ..
كثري من جلوسك معها لو لوحدكم اعملي لها فطور غداء تغدو معاها تعشو معاها الوحده مؤلمه وانا اختك خصوصا بعد زوجها ماتبقى لها بالدنيا الا اولادها سندها وظهرها اكيد راح تتعلق فيهم وتغار وكل هذا سببه خوفها من خسارتهم ايضا تأكدي ان لاحول لها ولاقوه فكوني بعد الله عونها وسندها وليس ابنها فقط وانتي ايضا كوني بنت لها باره ستحبك وتامن لقلبك مع الوقت وصدق نياتك ..


__________________________________________________ __________

الله يعينك يا أختي ويؤجرك ولا أجد مزيدا على كلام أختي شمالية كفو كلامها درر ما شاء الله.


__________________________________________________ __________

مشكورات يا خواتي على الردود المفيده بس يا اختي شماليه كفو هي من النوع الي ما اقدر اقنعها يعني اذا قلتلها تجي معنا مكه وترفض وبعدين الح عليها بتقول لا يعني لاااااا مو ناقص الا تمشوني على كيفكم وانا ماقدر الح عليها بس اقولها اذا قالت لا اقولها غيري جو واذا قالت بعد لا اعرف ان خلااص اسكت اخليها على راحتها.