عنوان الموضوع : تعالوا الله يحفظكم بستشيركم بحاجه ... وربي ماستشرت خواتي واستشرتكم .... مجابة
مقدم من طرف منتديات نساء الجزائر

تعالوا الله يحفظكم بستشيركم بحاجه ... وربي ماستشرت خواتي واستشرتكم ....



السلام عليكم
كيفكم
الله يسعدكم يارب ويريح بالي
وربي هالكلام مايعلمه الا انتم وانا بعد الله خواتي باستشيركم بحاجه
مايخفيكم مواضيعي عن الخطبه التي تبوء بالفشل المهم هالايام تقدم لي واحد من حوالي اسبوعين هو كان ولد جيرانا
بيتنا القديم لكن ما احتكينا بهم المهم جاء يخطب مو من العايله يعني راسلين خطيب اكيد تعرفون حوالي جلسنا بالحاره واياهم 10 سنوات المهم ابوي جلس يسال عنه وقالوا ماعليه المهم تمت الموافقه قال بيجون يشوفونها عطنا رقمك وبياخذون موعد منك من يوم الثلاثاء اللي فات والحين لا حس ولا خبر
انا ضاق صدري مو عشانه انا لا يكون بس فيني شي وربي ابكي ونفسيتي تعبت ولان سبق وتقدم لي واحد كذا سكتوا
وليومك هذا لا حس ولا خبر واللي قبله اهلي مو موافقين عليه
طيب مدام هم بيسكتون ليش يطقون الباب ويضيقون صدري اللي فيني كافيني وربي تعبت بعد ماقالت لي وحدة ان فيك مس
وربي بديت اوسوس ياربي ماتذكر اني سئت لاحد واحيانا تراودني انها من دعوة امي وربي حرام انا مو انسانه لي دموع وقلب وربي خلاص تعبت عيوني ورمت من البكاء وربي نفسيتي تعبت مرررره
طيب ليش يجون ويسلطون مشاعره انسانه نست مواقفها الحزينها ياااااعالم حرام هالتصرف وربي بيعقدون البنات من هالتصرف كفايه نظرات اخوانها لها وربي مليت من كل شيء
تدرووون خواتي ابوب يقول لامي البنت حظها تعبان انا من يوم سمعته وبكيت بصوت عالي تعقدت انا وش سويت
يارب لك الحمد ع النعمه والعقل
طلبتكــــــــــــــــــــم
وش المطلوب مني غير الدعاء والصلاة والاستغفار وتتوقعون يرجعون يكلمون ولا
يحفظكم ربي ياللغوالي
يخليكم ربي ويسعدكم اجبروا خاطري لو بدعوه
وربي وحدة شافتني وقالت وش فيك شكلك مو طبيعيه فيه شي شاغل بالك وربي غصب عني
الله يحفظكم ياارب

>>>>> ردود الأعضـــــــــــــــــــاء على الموضوع <<<<<
==================================


اختي ادعي ربك وانسي الموضوووع مو عشان انتي ناقصه ولا شينه ولا شي ممكن عين بس ربك بيفرجها مع دوامك للدعاااء
وجربي هالطريقه بها الموضووع وبشريني بزواجك وزواج اخواتك باذن الله والله يوفقك دنيا واخرة

اللي ماتزوجن وفاتهن القطاار .....ادخلي بسررررررعه؟؟؟؟


__________________________________________________ __________

السلام عليكم أهم شيء ألتزمي
بالاستغفار الله يحقق إلي بالك يارب


__________________________________________________ __________

الله يوفقك ويرزقك الزوج الصالح يارب ...
يمكن عندهم ضروف ولا شي عادي ..بس شيلي الموضوع من بالك جو حياهم الله ماجو مولازم ..
الله يوفقك اقراي صورة البقره ..
يمكن الي قالت لك ان فيك مس تكذب ...
الله يسعدك ويريح بالك ويجبر خاطرك ,..

دعواتكم لي ربي يسخر لي زوجي ويرزقني بيت لوحدي ...


__________________________________________________ __________

اختي بقولك شي واحد فقط الزمي سورة البقرة لاتتركيهااناأعرف وحدة
كانت كل يوم بعدماتخلص شغلهابالبيت وخلاص يصير ماعندها شي
يشغلها تقفل على نفسها الغرفة وتقرا سورة البقرة وعندهاكوب ماء
تقراء وتنفث في الماء حتى تخلص السورة وبعدشهر وهي ببيت زوجها
وانابنفسي كنت معهابالصالون الي ان زفيتهالشقة الزوجية لاناكناجدا
قريبات من بعض ...انتى اعملي زيها وان شاء الله بتجي تكتبي موضوع
ثاني بس بقسم العروسة والف مبروك مقدما..


__________________________________________________ __________

أختي تأكدي وأعرفي ان الخيرة فيما أختاره الله
وأن الله لايختار لعبدة الا مافية خير وسعادة له
وأعلمي أن لو أجتمعت الامه لتضرك بشي لن تضرك بشي الا قد كتبة الله لكي
ولو أجتمعت لينفعوكي بشي لن ينفعوكي بشي الا قد كتبة الله لكي
ريحي راسك وأنا أختك وتوكلي على الله وفوضي امرك له سبحانة
يمكن ربي مانعك من شي راح يضرك اذا تزوجتي
وترى الحياة ماشيه حتى لو ماتزوجتي
ولا تعلقين حياتك كلها بالزواج ...
أستانسي وأفرحي وعيشي حياتك
ولاتسمعين كلام الناس
وعليك بالاستغفار الدائم خلي لسانك رطب بالاستغفار وذكر الله
والصدقة والصلاة جوف الليل
والاغتسال بماء زمزم كل مغرب وفجر واكل حبة السمراء ...
وأن شاء الله أن شاء الله ربي يفرج همك
...........