عنوان الموضوع : العام خسرت بنتي وزوجي ووظيفتي وهالسنه أخسر وظيفتي للمره الثانيه يارب صبرني
مقدم من طرف منتديات نساء الجزائر

العام خسرت بنتي وزوجي ووظيفتي وهالسنه أخسر وظيفتي للمره الثانيه يارب صبرني







السلام عليكم ورحمة الله وبركاته




طبعا في الحقيقة أنا ماخسرت بنتي لأنه بتشفع لي أحسن من إنها تتربى على يدين أب ماعنده من المسؤوليه ولا شئ
ولاخسرت زوجي لأنه أصلا مايستاهل حتى التفكير فيه
لكن وظيفتي هي اللي أتعبتني
قصتي مع التعيين
والله ولا قصص ألف ليله وليله
كل سنه أقدم على الديوان ويكون رقمي دائما إما 1 أو2
لكن ماينزل لي تعيين ينزل لي تعاقد 9شهور وينهون عقدي
العام جاني تعيين وفرحت لأن فرحتي كانت يتيمه بعد موت بنتي وطلاقي
وبعد ماخلصت إجراءات التعيين من مقابله وكشف طبي أكتشفت إني مستبعده
وبدون سبب لأنهم رفضوا يعطوني سبب واحد لأستبعادي
وبالأخير يوم أشتكينا للوزير كذبوا علي وقالوا أستبعدناها لأنها ماطابقت أوراقها بالوقت المحدد
حسبي الله ونعم الوكيل والله ياخذ حقي منهم
المهم ماعلي منهم كل ظالم وله رب يحاسبه
وراحت علي الوظيفه العام لأن اللي إستبعدوني قالوا لي بالحرف الواحد ليش أنتي زعلانه عادي قدمي السنه الجايه
وجاني تعيين هالسنه وقلت الحمد لله ربي عوضني عن العام
لكنهم قالوا لي إن شهادة الخبره متطابقه بالتاريخ مع شهادة الحاسب
تضايقت بالبدايه لكن كلامهم طمني لأنهم قالوا لي إنه هالشئ مايأثر على الترشيح وإن فيه كثير صار لهم نفس الشئ ورجعوهم
خصوصا أنه معي 8 شهادات خبره وهم بالمفاضلة ماياخذون إلا 3سنوات
وفيه كثير بنات قالوا لي نفس الكلام
هذا غير صديقاتي اللي عدلوا شهاداتهم ورجعوهم
المهم قالوا لي إنتظري لحد مايجي إسمك من الرياض وحنا نرسل لك رسالة
جلست أنتظر طول الفتره الماضية ولاجاني خبر
يوم جاء يوم السبت وأنا أرسل أخوي لهم
قالوا له أصلا هذي مستبعده والآن رقمه صار 4 بعد التعيين
قال لهم أخوي ليش
قالوا لأننا حذفنا الخبره وتغير ترتيبه بالديوان وأنتظروا يمكن لاحظوا( يمكن) ينزل له شئ بالترشيح الجديد ولا تعاقد أحسن له
المهم يوم جاني أخوي قلت له لايكون صدقتهم قال إيه صدقتهم
قلت له يكذبون درجاتي بالمفاضله ماتتغير لأن الخبره المحذوفه زايده كيف يطلعون علي هالأربع
المهم قلت مالي إلا أروح أنا
وفعلا رحت لهم وكانت الموظفه مره طيبه ومتفاهمه
قلت لها أبفهم بس ليش رقمي رجع كل هذا
قالت والله ماأدري كله من عند الرياض هم اللي عدلوه
قالت لي لحظه أشوف بياناتك هي كامله ولا لا
والله يابنات كل كلمه كتبته كانت موجوده
وهذي الصفحه هي اللي يخلون كل وحده تطالب تشوف بياناته وتقتنع بكلامهم
المهم قالت لي لحظه أكلم لك المدير
وفعلا كلمته وسألته عن سبب تأخر رقمي
قال لي أنتي بعد حذف الخبره نزلن درجاتك بالمفاضله
قلت ليش أنتم كم تاخذون سنه
قال حنا ناخذ 3 سنوات بس
قلت أنا عندي 8 سنوات يعني لو تحذف وحده ماراح يأثر علي
تدرون وش رد علي
رد علي بطااااااااااااااااااااااااامه كبرى



آآآآآآآآآآآآآآآآآآآآآآآآآآآآآآآآآه بس
يابنات هم يتلاعبون بأوراقنا على كيفهم وحنا ياغافلين لكم الله






تبي تعرفون وش قال






قال أصلا سنوات الخبره عندك ماكملن غير سنتين وأربع شهور

قلت له كيف سنتين وأنا عندي سبع سنين بعد ماحذفتوا الخبره





يابنات الصدمه الكبرى وش قال لي

إذا تبين تشتكين روحي أشتكي
بكلمته هذي تأكدت إنهم حاذفين باقي شهاداتي علشان يدخلون غيري

واشتكيت عند مدير التوظيف ووعدني خير
لكن لما راجعهم أخوي أمس قالوا له أوراقها ضاعت
ولازم تقدمون من جديد
بس يبوني أتعب من مراجعتهم وأتركهم
يعني اللي ماله واسطه ياخذون حقه بكل هالسهوله



حسبي الله عليهم فيه ظلم أكثر من كذا

يابنات أنا منهاره سنتين أستبعد وبدون سبب
أعرف إن كل اللي صار لي خيره
بس والله إني محتاجه هالوظيفه
أبي أنسى اللي صار لي
وأبي أشيل نفسي عن أهلي مهما كان المطلقه مو مثل البنت
تحس نفسها ثقيله على أهلها
تكفن أدعن لي بالوظيفة الرسمية
مع أني والله ماتركت الدعاء والأستغفار
لكن أكيد ربي له حكمه باللي يصير لي
اللهم عوضني عن زوجي وابنتي ووظيفتي خيرا
ياااااااااااااااااااااااااااااااااارب
والله صعبه الوحده فجأه وبدون مقدمات تلقى نفسها بدون زوج ولا طفل ولا بيت ولا وظيفه
الله يصبرني ويقوي قلبي
أبغى كل وحده تدخل تدعيلي
الله يجزاكن الجنه



أختكن :
أبكااااااااااااااااااااااني الرحيييييييييييييييل

>>>>> ردود الأعضـــــــــــــــــــاء على الموضوع <<<<<
==================================


ربي ياخذ لك حقك عليك الصبر والاستغفار وسورة البقرة

الله يرزقك الوظيفة وكل شيء تتمنيه يا رب


__________________________________________________ __________

اةةةةةةةةةةة يااختى الله يفرج عليج
ويسعدج بالخير ويحقق اللى تتمنينة دنيا واخرة
ماعليج منهم الله يوخذ حقج منهم بالقوووووة
حسبي الله عليهم ونعم الوكيل الله يصبرج عليهم ويوخذ حقج


__________________________________________________ __________

الله يصبرك ويعوضك بالخير الوفير على مافقدتي ويعطيك حتى يرضيك اللهم اميييييييييييين


__________________________________________________ __________

الله يصبرك ويعوض صبرك خير ياأختي
واذا على مشكلة التعيين كلنا واقعين فيها
واللي ماعندها واسطه وفلوس تعطيهم لاتفكر تتعين ابد
الله ييسر امرك ان شاء الله


__________________________________________________ __________

قصتك تدمي القلب، لكن هذا ابتلاء من الله ليختبر صبرك..اللهم ارزقها الصبر والوظيفة إلي تتمنى والحياة إلي ترتاح فيها يا رب، قلبي معك عزيزتي