عنوان الموضوع : ياأصحاب العقول الحكيمه ,,تكفون ساعدوني مجابة
مقدم من طرف منتديات نساء الجزائر

ياأصحاب العقول الحكيمه ,,تكفون ساعدوني



[بسم الله الرحمن الرحيم
السلام عليكم اخواتي العزيزات ورحمة الله وبركاته
اخواتي .. يااا أصحاب العقول الحكيمه .. طلبتكم تكفون تساعدوني ..
احترت في امري ولاقدرت اوصل لحل في هالمشكله فياليت من تقرا بموضوعي تفيدني برأيها يمكن تساعدني فيه وارتاح من الهم اللي على راسي ... بقولكم مشكلتي ...

الموضوع بيني وبين أخت زوجي ..انا ساكنه مع ام زوجي وابو زوجي فقط .. وطبعآ مثل ماتعرفون في الاجازات يجتمعون البنات عند اهلهم في البيت طول العطله ..في وحده من البنات ساكنه برا الرياض وفي العطله تجي عند امها هي وعيالها في البيت ((وهي البنت اللي موضوعي معها ))

في يوم من الايام قالت لي أخت زوجي ابي أكلمك في موضوع مهم جدأ ,جاء في بالي ان عندها مشكله وتبي مساعده ..
لكن تفاجأة وانصدمت!!!! من بدايتها في الكلام , كانت ماتطالعني وهي تتكلم كانت مرة مرتبكه وماهي عارفه وشلون تبتدي بالموضوع ,,
وبعد ماتكلمت كان كلماتها تقول .....
(( انا أحبك ,, انا ماأنام الليل من كثر ماأفكر فيك ,, انا أعيشك في كل لحظه .. ماغبتي لحظه عن خيالي ,,أشوفك في احلامي ,, انا اموت فيك بشكل ما تتخيلينه ..... الخ منهالكلام ...))
تقول لاتفهميني غلط انا تعبانه وترددت إني اقولك بالموضوع عشان كنت خايفه اخسرك او ترفضيني او تنظرين لي نظره ثانيه
انتي تعابتني بقوه وابي ارتاح .....
هذا كان صلب الموضوع وكلام كثير كانت تقوله لي من الحب والمشاعر لي .. وهي قالت لي هالكلام وفتحت معي الموضوع قبل ماتسافر بساعتين وحتى طلبت مني إنها تاخذ شيء مني مثل تعليقه او تيشيرت ..
انا وكل هذا الوقت كنت ساكته اسمعها وافكر بين اللي مو مصدقه من الانسانه اللي قدامي تتكلم وافكر وش بسوي معها اردها عن اللي هي فيه ولا امشي معها باللي تبيه مني محتـــــــــاره وش اسوي معها .
ســــــاعدوني تكفون وش اسوي والله محتاره وموقفي كثير صعب اخت زوجي وموجوده معي من ضمن العائله اللي انا فيها يعني القرار او الرد اللي ابتاخذه لازم يكون مسالم ومرضي للطرفين ..ولا ابي انحرج منها لما تجي للبيت عندنا ماني عارفه وشلون اطالعها واجلس اتكلم معها وهي من داخلها شعور خاص لي صراحه مرة انا (( خايفه خايفه ))
اتمنى منكم بعد قرأتوا موضوعي تردون علي بحل يريحني واخلص من الهم اللي فيني ...
تــــــــــــــــــكـــــــــــــــــــــفون..

**********************[/font]

>>>>> ردود الأعضـــــــــــــــــــاء على الموضوع <<<<<
==================================


السلام عليكم ورحمه الله وبركاته

اكيد عزيزتي انك ما تجاريها في شي زي كده ابدآ،
لأن الإعجاب والحب من هذا النوع حيؤدي الى شي تاني يالطيف فلا تسحبك معاها في هذا الطريق،
انت حاولي تطنشيها تمامآ ولو كررت نفس الكلام معاك ثاني، ما قدامك غير زوجك تجلسي معاه لوحدكم بهدوء وتحكيه الي صار وعن كلامها معاك وانك تعزيها وتقدريها ومحتاره ومنتي عارفه كيف تتصرفي معاه وتبغي منه يدلك على الحل السليم.
وقبلها لازم يوعدك انه الكلام الي حتقوليه يكون سر بينك وبينه منعآ للإحراج والمشاكل والقيل والقال

وربي يوفقك ويسعدك ويبعد عن المشاكل

لاتنسي عزيزتي بلغينا بإلي يصير معاك اول بأول


__________________________________________________ __________

لا حول ولا قوة الا بالله يالله احنا باي عصر الله يحميكي منها
عمري بحياتي ما سمعت انو وحدة بتحب وحدة بنية مش كويسة !!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!!!!!!!!!!!!!!!!
بس بدي اسال هالعادة هاي منتشرة بمناطق معينة ؟؟؟


__________________________________________________ __________

موضوعك جداً حساس ... أختي الكريمة أخت زوجك تعاني من مشكلة نفسية هذا شي أكيد

وانصحك انك تتعاملي معها بحذر .... لا تحاولي تجرحيها ولا تحاولي تنجرفي معها فتجرفك إلي أشياء أخرى والعياذ بالله

وأفضل شي أنها تقيم بعيداً عنكم ... يعني لن تريها إلا زيارة في الإجازات ... ونصيحتي لك ان لا تجلسي معها لوحدك خلي دائما بينكم طرف ثالت

ومثل ما قتلك الموضوع جدا حساس ... وما انصحك ان تحكي لزوجك الأن ... إلا إذا تمادى الموضوع ... ممكن انك تحكيله بس لازم يكون عندك دليل ... لتتفادي ان تكوني محل فتنة واتهامات بكذب
..... مثلا.. انك تسجلي صوتها بتلفونك وهي تقول لكي هكذا كلام ... هذا في حالة تمادى الموضوع ولم تصلي معها لحل بالتجاهل...

والله ينصفك ويكون معاك ويبعد عنك شر الفتن ما ظهر منها وما بطن اللهم أمين


__________________________________________________ __________

اشكر لكم اخواتي العزيزات ...
(( شوعه 1 ,, وحلوة وحساسه ,, ويتيمة أمها ..))
على ردودكم لي ومساعدتكم برايكم واتمنى من الله العلي القدير انه يسير لي امري ويريحني منه ..
شكرآ لكم


__________________________________________________ __________

لا حول و لا قوة إلا بالله العظيم