عنوان الموضوع : لو شاكه فى جوزك ادخلى
مقدم من طرف منتديات نساء الجزائر

لو شاكه فى جوزك ادخلى



السلام عليكم ورحمه الله

كتير اوي ستات بيشكوا في ازواجهم اليومين دول

بعيد عنكوا من الي بيشوفوه وبيسمعوه

في ناس اول لما تقوليلها بشك في جوزي تقولك

بانانابانانا بتشكي

يبقى حلك عندي في الشيك شاك شوك


ايوه ارقصي على واحده ونص

واتشخلعي واتدلعي


تلاقيه راجع وعلى كتفه شعره ولا يهمك

ارقصي واتشخلعي وحطي الاحمر والاخضر


بيهملك وبيضربك ولا يهمك اهم حاجه

تتلنجري وتتقمصني وتتغنجي

وترقصيله الشيك شاك شوكبانانابانانا

ومش مهم هتعملي ده ازاي

ونفسك هتجيبك ولا لا المهم تتشخلعي


وناس تانيهزعلانة و باعيط

تعيش في دور اكتئاب حاد

وتعيش الشك على طريقه ام كلثوم


وتنهار وتقفل عليها الاوده وتنكش شعرها وتهمل نفسها
وتعيش احداث ثوره 25 يناير

قصدي ثوره الشك على طريقه ام كلثوم

وتغني اكاد اشك في نفسي
لاني اكاد اشك فيك وانت مني

والنتيجه سواء كان شكها في محله او لا

اكيد هتتطلق

مهي مبترقصلوش وسايبه البيت يضرب يقلب

وساعتها هيكون ليه الف مبرر انه يطفش من بيتها وبيت الي جابوهازعلانة و باعيطتازتازتاز


والسؤال لا ده نافع ولا ده نافع طب نعمل ايههبل

تعالوا مع بعض نتبع الخطوات دي


1 روحي خدي دش وصلي ركعتين واعدي كده براحه واسالي نفسك بصراحه هوه انا زوجه صالحه ولا لا نكديه ومهمله في نفسي وكل كلامي معاه شكوى وطلبات ولا لا دلوعه وبهتم بنفسي ولا شيخ غفر

ممكن تكوني ممتازه ومفيكيش ولا عيب بس يكون ده ابتلاء طب نعمل ايه.... يمكن ربنا يكون بيختبر ايمانا وخلانا نمر بتجربه زي دي
2ذكر الله الدائم لان الشيطان بيكبر الشكوك ويخليكي تشكي في التصرف العادي والي مش عادي وكل حاجه تفسريها حسب شكوكك عليكي بالذكر الدائم لانه ان الشيطان اذا ذكر الله خنس ... وافتكري دايما انما النجوى من الشيطان ليحزن الذين امنو وانتي بتكوني في اضعف حلاتك وبتبقي صيده سهله ليه ويمنعك من التركيز في الصلاه وفي شغل بيتك ويخلي الموضوع ده هوه شغلك الشاغل

3اوعي تقصري واهتمي بنفسك بس اهتمام مش مبالغ فيه لان الموضوع هيكون صعب عليكي شويه.. وربنا يقدرك كل واحد حسب قدرته بس متهمليش اوعي

4 الاستغفاااااااااااار من لزم الاستغفار جعل الله له من كل ديق مخرج ومن كل هم فرجا ورزقه الله من حيث لا يحتسب ليه ميكونشي الابتلاء ده بسبب ذنوبك اسالي نفسك

5 متحسسهوش انك بتراقبيه لانه لو افشك..بتدوري وراه هيأمن نفسه بسرعه

6 متقوليش الموضوع ده لكذا حد لاو من باب الستر وقولي لشخص واحد امين والافضل انه ميكونش يعرفه واياكي وامك

7 ادعي ربنا وصلي قيام يوميا وناجيه وقولي اللهم اصرفه عنها واصرفها عنه واهديه ورده الي ردا جميلا
8 ادعي لكل المتألمين ذيك ان ربنا يربط على قلوبهم وساعتها الملك هيرد عليكي ويقول ولكي مثلهم

9 حاولي تصلحي من نفسك ومن عيوبك وتبصيله نظرات حب وعتاب في نفس الوقت..وحاولي تفكريه بذكرياتكوا وايامكوا الجميله مع بعض واحضنيه حضن طويل وبعدين بصي في عنيه

10 اوعي تهملي العلاقه الزوجيه عشان ميجدش مبرر للي هوه بيعمله

11 افترضي حسن الظن دايما وحاولي توجدي حوار بنكوا واياكي بضرب البوز

واعرفي ان الابتلاء ده هيعلمك انك تناجي ربنا وتصلحي من نفسك واحسن ما تبتلي في نظرك او بموت حد من اولادك

يارب جملنا في اعين ازوجنا وردهم اليناردا جميلا واحفظ لنا فروجهم وابصارهم وقلوبهم واجعل قلوبنا عامره بذكرك ومتنسيش يكون بينك وبينه طاعه مشتركه تقرب منكوا ارجوا التقييم لتعم الفائده والدعاء لاختكم مونالوزه

>>>>> ردود الأعضـــــــــــــــــــاء على الموضوع <<<<<
==================================



__________________________________________________ __________


__________________________________________________ __________


__________________________________________________ __________


__________________________________________________ __________