عنوان الموضوع : م كنت أدري
مقدم من طرف منتديات نساء الجزائر

م كنت أدري



يسعد صباحكم يا بنات...........عندي هم كبير بصراحه واتمنى لو فتحت همي تساعدوني الله يساعدكم..........راح أبدي بسرد قصتي ف قسم "افتح قلبك" وراح افتح قلبي لكن خواتي الغاليات....
ف البدايه أنا لي مشاركات وايد وف مواقع وايد...كنت اكتب مواضيع وارد ع البعض ف طرح المشاكل والمساعدات....يا بنت انا مشاركاتي لها حدود وهدفي هو طرح موضوع لا غير....المهم ف مره اشتركت بموضوع من أرض الواقع وطرحت هالموضوع ع أحد المواقع لي اشتركت فيها وموضوعي كان بعنوان "يا حسافه والله" تكلمت ف هالموضوع عن الشباب لي يعاملو أمهاتهم مهاملة الشغالات!!!! ولي م يحترم أمه ويفضل زوجته عن أمه وايد..جبت هالموضوع من مجتمي وبتحديد من منزل عيلتي ولي شفته من أرض الواقع كان صدمه كبيره حين نسمع أو نشوف ان بعض الشباب المتزوجين يفضلو زوجاتهم عم امهاتهم!!!!!فحبيت أطرح هالموضوع فطرحت ع أحد المنتديات وتلقيت ردود مختلفه تمامآ بس يلي صار عندي مشكله كبيره من أحد الأعضاء لي رد ع موضوعي يقصيده من تأليفه وكانت بعنوان يا حسافه" يعني نفس عنوان موضوعي....المهم كانت القصيده بجد حلوه وايد وتجسد موضوعي بالضبط!!!!!!المهم أنا رديت ع هالشخص وقلت صح لسانك شاعر والنعم فيك!!!!!بس هالشخص ظل متواصل معي ع الخاص وخبرني ان هو موظف بشركه عالميه وشاعر معروف...ورسلي أشعار وايد من تأليفه وأنا من أكثر محبين الشعر!!!! كنت أرد ع هالشخص كأخ لي وكان دايمن مسجاتي" صح لسانك والله فعلا شاعر يعطيك العافيه" بس م توقعت بيوم ان هالشخص يسألني ويقول ممكن اتعرف عليك واكون أخ كبير لك...وانا بصراحه أعتبرته أخ كبير لي وخبرته عن بعض الأشياء عني بس طبعىا م ذكرت اسمي أو أي شي يخصني بس لي خبرته عنه اني خريجه كلية خاصه دبلوم عالي تخصص علم تقنية معلومات" غير كذا م ذكرت شي أبدآ بس تفاجأت من مسجه لي كان يقول...اذا تبي مني أي مساعده أنا جاهز أختي وراح أساعدك اذا تحبي تتوظفي!!!! انت تخصصك هو نفس اسم شركتن ومطلوب عندنا هالتخصص!!! فكان ردي مشكور أخوي وم تقصر أنا أتمنى أتوظف بقطاع حكومي م أريد بقطاع خاص ومشكور....المهم هالشخص ضل يرسل ويقول والله حاب أساعدك وأكون اخ لكي واذا تحبي تسلي عن شركتنا فهذا رقم مكتبي المباشر واذا حبيتي مساعده مني رقم المكتب عندك وراح أساعدك.....قتله سوري أخوي انا م أريد لا اتصل ولا أريد اتوظف بشركه قالي اذا حبيتي بيوم تتصلي وتسألي فانا موجود بمكتبي وأحلف بالله م قصدي شي ولحتى تكوني واثقه أنا حتى م عندي كاشف برقم المكتب!!!!!!!!!اذا خايفه يوصل رقمك عندي!!! بصراحه يا بنات انا من هالنقطه تطمنت شوي رغم اني م احب قطاع خاص بس بيوم حبيت أعرف بعض المعلومات عن الشركه وكيف نظام الشغل والتوظيف ومع الأسف الشديد اتصلت وم كان حد يرد علي....بس بعد ساعه من اتصالي جأني اتصال من رقم غريب وسألت من معاي ورد علي حصلت اتصال ع رقم مكتبي من هالرقم وانا كنت مسوي تحويل مكالمات المكتب ع رقم جهازي الخاصه!!!!!!!!!!!!!!!! برايكن شو هذا يا بنات بصراحه انصدمت وايد م كنت اتوقع هالشي...صحيح م عنده كاشف بس م كنت أدري راح يسوي تحويل لجهازه الخاص!!!! لعنت الساعه لي اتصلت فيها وبكيت ندم!!!! بعثتله مسج وقلت عذرآ كان الأتصال بالخطأ منك السموحه وأرجو مسح رقمي!!!بس رد وقال م أعتقد الأتصال كان بالخطأ!!!!!وانا أعرف من انتي...بس صدقيني انا معجب فيك وف أدبك وظل يرسل لي أشعار من ابداعه وم كنت أرد غير لو سمحت امسح رقمي ودام انك تعرف اني انا لبنت لي طارحه موضوع حاسفه وتواصلت معي ف المنتدى وحاب تساعدني ف وظيفه ليش كذبت وقلت م عندك كاشف وكنت مسوي تحويل رد وقال لآني والله العظيم معجب فيك وف أسلوبك...طنشته وكان يرسل وم أرد وبعد أيام قال والله العظيم أتمنى تكوني لي ويجمعنا بيت واحد وكلام من هالنوع!!!!!بس استغربت كيف ينعجب ف بنت ع المنتدى راح يعرفها ولا هم يحزنون!!!!!!! المهم بعد أيام رسل لي صورته ف تلفون وبجد انصدمت من هالأسلوب وانصدمت وايد حين شفت الصوره انه شخص كبير بالسن وأكبر مني بوايد عصبت وايد وكنت قاسيه ورسلت مسجات قاسية له لحتى يعرف قيمة الناس واكبر صدمه عرفته حين خبرني انه حاب يتقدملي وأكون شريك حياته.....هالشخص يا بنات بجد غريب انعجب ف بنت ويبي يتقدم لخطبتها وهو م يدري شي وطلب مني أعطيه اسمي وعنواني بس رفضت طبعآ لآني مو تبع هالسوالف انا!!!!!المهم هالشخص خلا اخته تتواصل معي وعطاه رقمي بس م كنت أشوف قدامي غير الحره بداخلي من هالحركات والأسلوب البايخ فرديت ع أخته بمسج قوي وقاسي بجد...وطلبت مسح رقمي من جهازه وجهاز أخوها!!! وقال ولا يهمك ومنك السموحه وفعلآ م عاد رسل لا هو ولا اخته..... بس لحد الحين يرسل مسجات ع الخاص ف المنتدى!!!!!!!!!!! ويقول ويحلف ان قصده شريف ومعجب فيني ويتمنى يجمعنا بيت واحد!!!!!!!!!ويعتذر ع ازعاجه وهو م كان قصده شي........ وهذي كل القصه شو رأيكن يا بنات كيف أتخلص منه وبشو أرد بجد تعبت وربي يعلم وم رديت ع أي مسج ف المنتدى تبعه....بس أخاف يرجع ويرسل ع رقمي الخاص والله كرهت حياتي وعيشتي بسببه وايد.....ع فكره كان عمره 40 سنه وانا عمري 23 شوفو هالمصيبه ومو راضي يقتنع انه شخص كبير وأكبر مني بوايد ولا راضي يقتنع اني أعتبره أخ لي....
وبصراحه يا بنات أنا وايد ندماااااااااااااااااااااااااانه اني طرحت موضوع كبير شو أسوي وكيف أتخلص من همي؟؟؟؟؟؟؟؟؟؟؟؟؟؟؟

>>>>> ردود الأعضـــــــــــــــــــاء على الموضوع <<<<<
==================================


ربي يفرج لك همك
الحل بسيط جدا اذا كان المنتدى اللي انتي مسجلة فيه مايهمك كثير
اطلعي منه اوسجلي بأسم ثاني ولو قدرتي تغيري رقم جوالك افضل و
واحب اقولك نصيحة انه اي رجل في سن الاربعين غالبا يكون صاحب
نزوات او مايسمى مراهقة متأخرة فأنتبهي منهم ومن غيرهم


__________________________________________________ __________

انتيهطيتيه فرصه يحبك ويتعلق فيك ويتمادى
على العمووم الرجل قصده ششرريف
وانتي اذا ما تبيه
تسوي الاتي
1 / اطلعي من المنتدى للابد
2/ غيري رقم جوالك
والسلام عليكم


__________________________________________________ __________

لــــــــــ قلبك ــــبــى كل انسان يخطئ بس اهم شي يتعلم من خطأه..
شوفي راي الاخوات ادخلي باسم ثاني بالمنتدى و غيري رقم جواااالك..
وانتبهي ياقلبي لاتعطينه وجهه ابدا بعدين يمكن صدق على قوله بسمه الحياه(مراهقه متاخره)

الله يسعدك و يحفظك من كل شر ياااارب..


__________________________________________________ __________

الله يعينك ويفرج همك..


__________________________________________________ __________

مشكوووووووووووووووووره اختي
ربي يحفظك أنا طالعه من المنتدى أصلآ
عمومآ شكرآ