عنوان الموضوع : هل استحق ان اكون زوجه وأم؟؟ -تم الرد
مقدم من طرف منتديات نساء الجزائر

هل استحق ان اكون زوجه وأم؟؟



سلام الله عليكم ورحمته وبركاته:

*لو سمحتوا خواتي اللي تبي ترد ماابي عواطف اورحمه او مجامله ابي الحقيقه لاني بصراحه احب الوضوح

ببدا بسالفتي بدون مقدمات انا بنت جامعيه بنت عايله محترمه وانا الوحيده بعايلتي الكبيره جدا البنت الجامعيه بس انا مو اي بنت

باختصار انا البنت البكر لامي وابوي وهم عيال عم ويمكن لهالسبب صارت لي الاعاقه وراح اشرح اعاقتي
وهي عباره عن قصر 2سم بالرجل اليمنى عن اليسرى باختصار عرجاء
مع انحناءات بالعمود الفقري طبعا مو باين وانا واقفه ان عمودي فيه شئ بس اول مانحني للارض يبان بظهري من جهة اليسار تقوس بحجم الكره الصغيره وقصيرة القامه بس قصري مقبول

ماابي احكي عن العلاج لانه تقريبا مافيه علاج ونسبة النجاح ضئيله جدا

المهم اني طول حياتي وانا عاديه يعني اهلي يعاملوني مثل اي بنت
مثلا بسادس ابتدائي امي علمتني الطبخ وبثاني متوسط صرت خلاص بنت البيت يعني امي لو عنده عزيمه ماتحتاج احد يساعده انا عنده
ماابي امدح نفسي بس من طلعت على الدنيا وانا عقلي رزين وماني على عمري يعني هالحين ياخذون رايي باشياء وكاني عجووز مو اهانه للعجز بس عقلي اكبر من عمري بكثيير
المهم لما تخرجت من الجامعه شالت امي يده من البيت وصرت انا الملكه امر وانهى واعدل واميل ويعلم الله اني قمت به باكمل وجه
وكنت احلم بالحج والوظيفه وبالزواج<<<ادري طماعه
المهم الحج الله يسره لي السنه اللي قبل الماضيه اتصل بي ابوي(امي وابوي متطلقين من زمااان والكل منهم متزوج) قبل يوم الترويه بيومين وقال لي تقدرين تحجين قلت ايه وبداخلي خايفه بس والله حجيت ومشيت مسافات ماتوقعت امشي نصها
رجعنا من الحج وتقبلت اول صدمه ولد عمي يخطب اختي اللي اصغر مني وهي صغيرررررره مرره يعني مايضره شئ لو انتظر لين انخطب انا
والله اني تمنيت اني ميته بالحج ومارجعت ماني ميته على الزواج بس ابي اكون ام مااحد اعترض مع انه بعايلتنا لازم الكبيره قبل بس انا الظاهر مو بالحسبه رفضته اختي تقول مو حلو
وجت الصدمه الثانيه خالتي ياناس خالتي اخت امي تخطب اختي طبعا وافقت اختي ولااحد سال عني وش بتكون نظرة الناس لي
وهي انتهت معاناتي لا خالتي الثانيه جت تخطب اختي اللي عمره 15 لاخو زوجهاا <<<وش هالخالات
اختي اللي اصغر مني باربع سنوات ملكت وزواجها ان شاء الله بالعيد الله يوفقها ويسعدها
صار عمري 25 وشهرين ادري صغيره بس مااحد دق بابي
وصرت شبه مقتنعه ان الله يوم يسهل الشهاده لي مو كاتب لي الزواج
واحيانا استغفر واقول هو اللي خلقني بهالحال وهو اللي فطرني على حب الامومه ماراح يتركني


بس سؤاااااااااااااااااالي وابي الصراحه لو تجرح اهون علي من المجامله
بحكم ان اغلبكن امهات وخوات هل ترضن تخطبن لعيالكن واخوانكن اللي مثلي؟؟؟؟


والله ماراح ازعل من اي احد بس ابي الصدق ؟؟؟؟
ابي ارتااااااااااح اما اخطط اني اكون ام او اشيل الفكره من اساسه بليييييييييييييييييييز لااحد يجامل

واسسسسسسسسسفه اني طولت عليكم


********ملاحظه ماكتبت سالفتي بقسم مشكلتي لاني ابي الناس تعرف لقبي الحقيقي ماني خجوله من اعاقتي لاني واثقه بخالقي وهو من خلقني على هذه الحال ونعم الحال هي

>>>>> ردود الأعضـــــــــــــــــــاء على الموضوع <<<<<
==================================


اختي الغالية لك الشرف انك تحملين هذه الاخلاقيات ولك الحق انك تكونين زوجه وام ولكن زعلتيني بعدم ثقتك في نفسك وحدة بهذه المواصفات مثلك الكل يتمناها ولكن اعلمي علم اليقين انه زواجك تأجل بامر الله وله في ذلك حكمة سبحانه اعلم بها وهي خير لك
انا انخطبت 15 مرة ورفضهم الوالد جميعا ولما صار عمري 24 سنة تزوجت وعلمت لماذا الله اخر زواجي لانهم جميعا يسيئون معاملة زوجاتهم ويضربونهن والحمد لله ولا تيئسين من رحمة الله فالله ارحم بك من والديك واحسني الظن بالله ورمضان عليك مبارك.


__________________________________________________ __________

والله حبيبتي اني واثقه جدا بنفسي بس ماابي انصدم ولو ماني واثقه ماكتبت بنكي وخليت الناس تعرفني
بس ابي الواقع هل ممكن انك تخطبيني لاخوك او لابنك ؟؟؟؟؟>>ماابي مثاليااااااات


__________________________________________________ __________

عشر مشاااااااهدااااات ولااحد رد ؟؟؟
قلت لكم مااراح انجرح بالعكس راح تحسسوني اني بشر واقدر استقبل كافة الاراء بصراحه!!!


__________________________________________________ __________

عادى جدا الوضع اللى انتى فيه و ملوش علاقه لا بشكلك و لا بالاعاقه
و انتى انسانه عاديه جدا بس زودى ثقتك فى نفسك و ثقتك بربنا سبحانه و تعالى لان الزواج نصيب
انا اعرف بنت كان عندها شلل اطفال و لم تستطع المشى الا بجهاز فى القدم و مع ذلك تزوجت راجل طبيعى جدا و دكتور و انجبت اطفال عاديين
انتى اللى بتبصى لنفسك بطريقه غلط و بالتالى بتساعدى الناس انهم يبصولك كده

باكد عليى للمره المليون انتى انسانه عاديه جدا و طبيعيه و ربنا من عليكى بالحج و ده فى حد ذاته نعمه لا تقدر و لا توصف فخللى ثقتك بربنا اقوى و احنا داخلين على رمضان ادعى من كل قلبك انه يرزقك الزوج الصالح و الذريه الصالحه باذن الله


__________________________________________________ __________

حبيبتي..
انت تفكري بإنكسار زياده عن اللزوم..

على فكره اذا بين عليك انكسارك او عدم ثقتك قدام معارفك راح يكون عائقك الاكبر في الحياه مو بس الزواج

ما راح اقولك انك طبيعيه واجاملك خصوصا بعد طلبك

بس بسئلك سؤال ..

كم فيه وحده مثلك في هالدنيا ...؟؟

وكم اللي عنسو فيهم..؟

كلهم ...نصهم...ربعهم... نسبه قليله منهم..؟؟

طبعا كلهم تقريبا تزوجوا ...

فيهم اللي تزوجت متزوج .. وفيهم اللي خذت شيخ الشباب.. وفيهم الي خذت شايب .. وفيهم اللي عنست

حالهم حال البنات

كل هذا مالك فيه ... هذا مقدر ومكتوب ... خصوصا الذرية

اللي لك فيه ثلاث

تحسني ظنك في الله

تحسني ثقتك بنفسك

تدعي الله يسهل امورك في اوقات الاجابه

تسئلي اذا تقدم لك احد زين..لا تقولي هو انا لاقيه..اصبري وتأكدي انه يناسبك ولا تتطاولي على ربك وتقللي من عظيم رحمته وكرمه

اعذرني على جفافي بردي ..بس حسيتك تبين الدح فلا تقولين اح

ربي يرزقك بالزوج الصالح والذريه المباركه