عنوان الموضوع : جعل الي يقراء موضوعي ويساعدني في الفردوس الاعلى من الجنه
مقدم من طرف منتديات نساء الجزائر

جعل الي يقراء موضوعي ويساعدني في الفردوس الاعلى من الجنه



السلام عليكم ورحمة الله وبركاته
اتمنى من كل الي يقرا موضوعي انه يساعدني لو على الاقل بدعوه في ظهر الغيب بدخل على طول في الموضوع انا متزوجه وساكنه مع اهل زوجي واخوزوجي الكبير ساكن في الدور الثاني المهم الحمد لله علاقتي مع زوجي واهله زي العسل الله لايغير علينا "وزوجة اخو زوجي الي ساكنه في الدور الثاني دايم عايشه في مشاكل مع زوجها وطبعا تعرفون كلنا ساكنين في عماره وحده يعني نسمع اصواتهم طالعه لما يتمشكلو وزوجها من النوع العصبي دايم يحرجها امام الجميع يعني باختصار عارفه علاقتها مع زوجها انها مهي قد كذا خصوصا ان زوجها يشتكي منها احيانا عند اهله ،،المهم مع الايام احس ان الحرمه مدري وش حكايتها ،،صارت لما تجلس معي تجلس تمدح في علاقتها مع زوجها والله يابنات انها توصل لدرجة الكذب في كلامها وعند غيري انواااع السب في زوجها والله العظيم يابنات اني ماضلمتها ياكلامها معي عن زوجها انه غير عن الواقع الي اشوفه بعيوني قدامي تمثل انهم* قيس وليلى *من وراي تسب في معاملة زوجها لها ماني عااااااارفه وش قصدها في هالحركات وفي نفس الوقت احس انها ماتبغى اهل زوجي يحبوني وتنقهر من معاملتهم لي لدرجت انها مره سببت بيني وبين ام زوجي مشكله بس الحمد لله انها عدت على خير وكلهم كانو واقفين معي لاني على حق يعني صرت اتضايق لما نتجمع بسبب حركاتها احسها دايما وراي وراي وانا اقسم بالله اني ماعمري اذيتها ،،المطلوب منكم يااحلى خوات ،،انكم تعلموني وشلون اتعامل مع هالاشكال وكيف اوقفها عند حدها بحيث انها معد تجلس تكذب عندي لان حركاتها مررررررررره تضايقني وابغى اعرف ليش انا بالذات تسوي معي الحركات هاذي ارجووووووكم لاتطنشوني والله ماتلقون مني الا الدعاء بظهر الغيب ومن قلب صادق خلونا نكون اخوات متعاونات ونساعد بعض وابغى اشوف ردود تجي على الجرح ،،ولكم مني جزيل الشكر .

>>>>> ردود الأعضـــــــــــــــــــاء على الموضوع <<<<<
==================================


شوفي يالغاليه ليش تكذب معاك اكيد يعنى غيرانه منك والاكيد ان زوجها يمدحك ويمدح حياتك انتى واخوة قدامها فهيه ما عندها الا هذا الاسلوب قدامك عشان تلمع نفسها وهو نفس السبب اللى يخليها تتكلم عليك وتحاول تسبب لك مشاكل مع حماتك المهم اللى ابغاك تفهمينه لا تكونين زيها بس ف نفس الوقت اياك والطيبه الزايدة اذا عرفتي انها موجودة بغرفه مو شرط تقعدي فيها واذا حسيتيها بدات فيي موالها وغرامياتها اقطعي عليها قولى لحظه بالله بشوف اخت زوجي او حماتى او بدق على زوجي ضروري المهم حسسيها انها مو شئ مهم وانك عارفة انها تكذب يمكن تتوب عن الكذب وحاولوا دايما تقولون ان مافيه بيت يخلى من المشاكل وهيه اللى تقوى الصله بين الازواج وكذا واياك تمدحي علاقتك بزوجك قدامها وفي الاخير حصني نفسك والله يسعدك


__________________________________________________ __________

اختي الغاليه . وين المشكله ؟ عشان بس بتكذب عليك خلاص بسيطه طنشيها ولاتعطيها وجه بتقول اكيد ماتبي تهرجني وخلاص .وشكرا


__________________________________________________ __________

تطنشهاااا وتخلي علاقتك فيها سطحيييه ولو تتكلم عن زوجها حاولي تغيري الموضوع باي طرييقه

الله يفرج همك ياارب


__________________________________________________ __________

عزيزتي ..

حآولي تبيني لها .. إنه علاقة كل وحده مع زوجها ماتتعدى بيتها
يعني لكل بيت اسرار .. حاولي توصلي لها انه ماتحبي تعرفي شي عن حياة آحد
بكذا تقطعي عليها خط انها تتكلم بحيآتها مع زوجها ..

وبعدين لاتلوميها .. هيا حاسه بالشي اللي يسويه زوجها وحابه تغير هالشي
يعني احساسها بنقص من تعامل زوجها معاها يخليها تسوي كذا
يعني تغير الصوره اللي عارفينها عنها وعن زوجها .. وماتبين المشاكل اللي بينها وبين زوجها
خصوصا انك قولتي زوجها عصبي ..

الافضل تخلي علاقتك سطحيه .. ماهو عشان كلامها اللي مضايقك بس لا
بس عشان المشاكل اللي ممكن تجي من السلايف .. والغيره اللي دائما بينهم

الله يسخرلكم ازواجكم .. ويوفقكم يارب

موفقه

..


__________________________________________________ __________

اشكركم خواتي العزيزات على تعاونكم الرائع معي والله يوفق كل وحده ردت على موضوعي ويرزقها الفردوس الاعلى من الجنه فعلا ماخيبتو ضني فيكم اخوات رائعااااااااااات .