عنوان الموضوع : ياأخواتي الحقوا علي رفضته قام يتكلم فيني وش أسوي -تم الرد
مقدم من طرف منتديات نساء الجزائر

ياأخواتي الحقوا علي رفضته قام يتكلم فيني وش أسوي



السلام عليكم :
ياأخواتي أبقولكم السالفه وأنتم أحكموا
تقدم لي شخص ماتزوج وهو أكبر مني بخمس سنوات
قلت يابنت جاكي الفرج
صحيح إنهم قالوا لي ماعنده وظيفه وأنه ينقل معلمات لقريه من القرى وعنده مكتب عقار قلت يمكن علشان كذا أتقدم لمطلقه مثلي واستخرت
وقلت ماعليه وإذا ماكان عنده وظيفه هذا مايعيب الرجال
وبحكم إني ماأبي أعيد تجربتي السابقه قلت لازم أحرص هالمره أكثر وأتأكد من دينه وأخلاقه مع أني متأكده إني ماغلطت بسؤالي لزوجي الأول
أنا أخترته لأنه صاحب دين وكان يمثل على الناس حتى غشني وغش أهلي اللي وثقوا فيه
المهم ماعلينا منه هذا الرجل يوم سألوا عنه أخواني إلا طلع راعي سوابق
وكان يشتغل بالدفاع المدني بس فصلوه من شغله لأنه دخل السجن أكثر من مره وكان يشرب الله لايبلانا
قلت خيره إن شاء الله ورفضته
لكن المصيبه إن فيه وحده من صديقاتي دقت علي وقالت لي فلانه وش قصتك مع فلان قلت مافيه شئ خطبن ورفضت قالت لي
أنه الرجل هذا ينقله هي ومجموعه من المدرسات لقريه وفي ليله أرسل لها رساله هي وثلاث مدرسات كانوا يسكنون معنا بنفس الحاره
يقول فيها تعرفون فلانه بنت فلان تقول باقي البنات مايعرفنك بس أنا انصدمت يوم قريت إسمك وتركته مارديت عليه
وثاني يوم يوم ركبت قالي هاه ماتعرفين فلانه وكان أول مره يتكلم معي وأسمع صوته
المهم قالت ايه أعرفها صديقتي قال وش رايك فيها
تقول قلت والله أخلاقها عاليه
قال : وش تتوقعون يقول
أكيد تتوقعون إنه يقول خطبتها وياليته قالها
للأسف ماقال كذا تدرون وش قال
قال: إنها تكلمني ووعدتني أنها تقابلني
تقول صديقتي انصدمت لو ماأعرفك كان يمكن صدقت
قلت لها بسرعه غيرنه هذا مايصلح لنقل معلمات أبدا وفعلا غيرنه
بس المصيبه الحين إنه بيمشي ويتكلم فيني
وهويعرف كثير من أهلنا وجماعتنا وأنتو عارفين
إن المطلقه عرضه للكلام أكثر من غيرها فمابالك وهالكلام يطلع من رجال
ماأدري أنا أقول لأخواني بس هذا سكران أخاف يسوي فيهم شئ
أو أسكت وأترك الناس تكلم فيني
أنا ماسلمت منهم يوم زوجي يطلقني بنفاسي وبدون سبب فما بالك لو يطلع علي كلام
ليش كل هذا علشان إني رفضته يعني ياتقبلين فيني ولا أشوه سمعتك
نوروني يابنات قولو لي وش أسوي
لكن ماأقول إلا حسبي الله ونعم الوكيل
اللهم أكفنيه بما شئت
اللهم من أرادني بسوء فأشغله في نفسه واجعل تدبيره تدميرا عليه
اللهم أجرني في مصيبتي وأخلف لي خيرا منها
اللهم إن كنت ابتليتني لذنب اقترفته تعلمه ولا أعلمه فاغفر لي
وإن كنت ابتليتني لمحبة منك وامتحان لي على صبري فإني صابره محتسبه
وسأستغفرك وأدعوك حتى تنزل علي رحمة من عندك
يارحمن الدنيا والآخره ورحيمهما ارحمني
اللهم خذ حقي من زوجي السابق وأرني فيه عجائب قدرتك
فإن كان استغل قوامته في ظلمي وجعل طلاقه لي مفتاحا لكلام الناس عني فلا تجعل التوفيق حليفه
وعجل لي بطفل ينسيني همومي وأحزاني ويعوضني عن ابنتي
يااااااااااااااااااااااااااااااااااااااااااااااااا اااااارب
ياليت اللي ما عندها رد تأمن على دعائي
والحمد لله كما ينبغي لجلال وجهك وعظيم سلطانك

>>>>> ردود الأعضـــــــــــــــــــاء على الموضوع <<<<<
==================================


بسم الله الرحمن الرحيم


اختي ابكاني الرحيل

المطلقة انسانه مثل اي انسانه يحق لها ان تعيش حياتها وان تتزوج ثاني وتكون بيت


اذا كنت مطلقة ليس معناه ان توافقي على كل من تقدم لك


وحين سالتم عن هذا الرجل تصرفتكم كان عين العقل



اختي الانسان يعرف باخلاقة بين الناس فاذا كنتي واثقة من نفسك


ومن أخلاقك فلا تلتفتي إلى ماذا يقال عنك خاصة وانتي تقولين انه صاحب سوابق



بمعنى لا تركزي عليه واتركتيه يقول مايريد ولا تناقشي الامر مع إخوتك والا شكوا فيك



اتركيهم يسمعونه من غيرك واذا صار ذلك تعرفين كيف تدافعين عن نفسك




وصدقيني اذا كان إخوتك يثقون فيك راح يدافعون عنك دون ان يقولوا لك شيء



وحاولي ان تقللي من اخراج امورك الشخصية حتى لاقرب صديقاتك



والله يرزقك الزوج الصالح والاولاد الذين يعوضونك ما قاسيتي


وارجوا ان تتقبلي كلامي بصدر رحب


اختك ام العز


__________________________________________________ __________

من رايي تعلمين اخوانك يوقفونه عند حده
ويكون عبره لمن لم يعتبر


__________________________________________________ __________

حبيبتي مابعرف شو بدي اقلك

بس انتمن حقك ترفضي ولك الراي الاول والاخير

وانشالله الله يستر علييكييي

آآآآآآآآمييين


__________________________________________________ __________

امين اختي مافي اصعب من الظلم بالدنيا بس اصبري واحتسبي اختي كانت مثلك ظلمها زوجها الاول ورماها عند اهلي وهي حامل وصبرت وربي رزقها بمنه وفضله وتزوجت واحد شباب اصغر من الاول ب20 سنهوالحمد هي الان مرتاحه معاه بس طليقها الاول اخذ ولدها من امي وكلموه اخواني وصار يجيبه كل اسبوع خميس وجمعه
اختي الدنيا هذي ماتستاهل الحزن والضيق لا نها دار ممر ولا عليك من الناس خليهم يقولون اللي بيون بالعكس يخففون من ذنوبك
وارضاء الناس غاية لاتدرك فهم بيتكلون بيتكلون سواء كنت زينه او شينه خلي رضى الله اهم من كل شي بالدنيا وصدقبني الله ماراح يخليك
ضاقت فلما اشتحكمت حلقاتها فرجت وكنت اظنها لا تفرج
ونصرك قريب انشالله
اللهم اجعلني مظلوما ولاتجعلني ظالما


__________________________________________________ __________

الله يصبر قلبك حبيبة قلبي


صدقيني((ما ابتلاك الا لانه احبك))ان شاء الله



الله يعوضك خير عن زوجك الاول ويرزقك الذريه الصالحه يااارب



انا اشوف ان اخوانك يعرفوا بالموضوع


وهم راح يعرفوا كيف يوقفوه عند حده



ربي يفرج همك ياااقلبي



والله انتي على بالي على طول


وداااائما اتساءل .. ياترى اش اخبارها؟؟؟؟؟؟؟؟؟


انا لله وانا اليه راجعون


والحمد لله على كل حال