عنوان الموضوع : ..||اللي يألمكم يألمني .. هذا حكـي قلبي .. !! -تم الرد
مقدم من طرف منتديات نساء الجزائر

..||اللي يألمكم يألمني .. هذا حكـي قلبي .. !!



السلام عليكم و رحمة الله و بركاته
..


عساكم بخيــر يالغاليات .. و بأحسن حـال ..
^_^
..


سبحان الله
كل ما أدخــل المنتـدى أحس قلبي يجيبني هنا على طـول
مادري ليـه..!!
أحــب أواسـي اللي من الدنيا ضايقين..
يعلم الله إنـي ما أحب أشوف أحدٍ يكتسيه الضيـق وتضيق به الدنيا..
..

بس هذه هي الدنيا و هذا هو حالها..
لازم الواحـد مننا يتضايق و يتألم بذا الدنيا..
أكيــد.. لأن الراحـة و كل الراحـة في جنان الخلـد عند ربٍّ كريم ..
..

خواتــي..

ممـكن أحيان يكتسينا الضيق..نحس مالنا نفس في الدنيا..
تحسون أنفسكم متألمين من داخلكم..
متضايقين..
متعذبين..
إمِّا من سبب معروف..أو هكذا بلا سبب..
..

أقولكم شي..

أنا أحـب إذا مشيت إمَّا بأماكن عامَّة أو أي مكان آخر..
أحب أناظر بالعالم..و أول شي .. أشوف عيونهم ..
عجب..
كثير اللي أحس الدموع بعيونهم..
لهالدرجة ضايقين..بس ما يبينون لأحـد..
واضح إنهم من النوع الكتوم..
مثلي..
يمكن لأنـي عوَّدت نفسي من صغري..
أو يمكن.. لأني ما أعتبر أي ضيقة تجيني ذات أهمية..
تدرون ليـه..؟!
لأني في دنيا .. رب العالمين ما تسوى عنده ذا الدنيا جناح بعوضة..
عشان كذا..
صارت الدنيا كلها بعيني هيِّنة..

صرت أتضايق إن ما جتني مشكلة..
وشفت دنياي كذا جتني بكل أريحية..
تدرون ليه..؟!
لأن رب العالمين إذا أحبَّ عبداً إبتلاه..
اللي مبتلين في الدنيا كثيــر..
معناه إن رب العالمين بإذن الله يريد أن يُكَفِّر عنهم خطاياهم..
تعلمون أن الإنسان لو تصيبه شوكة تحط بها عنه خطيئة..
فـ كيف بالآلام النفسية و المصائب
التي يكون فيها المسلم متعلِّقاً قلبه بـالله..
يشوف مصيبته هيِّنة..دام الجنة أغلى..

و الله دايم أقــول لنفسي..
الجنة أغلى يا خلود .. الجنة أغلى ..

و الله يا بنات أرتاح كثير إذا ذكرت رب العالمين .. وذكرت الجنة ..
و إذا تخيَّلت نفسي في جنان الخلد..
و الله إن هناك الراحـة صح..
هناك الحياة الأبدية..

هذه دنيا..
شلِّي فيها مُفرِح..

و الله ما به فرح بذا الدنيا..

كل ما أسمع إن أحـد مات..
أقـول يا حظَّه .. بيقابل ربَّه ..
و الله أشتاق لرب العالمين..
بس يجيني شعور .. أقـول اش مصيره .. اش اللي عمله..
كيف مات..؟!
مات منتحر..؟!
و لاَّ مات صابـر على الأقدار..؟!
متمسِّك بدين الله .. يحب الله ..

أحس العبرة تخنقني .. و الخوف يسري بجسدي ..
إذا سمعت إن فلان مات .. بس مات منتحر ..
معناه إن قرر إن حياته عذاب أبدي.. و العياذ بـالله ..

تدرون إن حياتنا هنا مو حياة..
الحياة في الآخرة..
إمَّا جنَّة .. و إمَّا نار ..

أسأل الله لنا جميعاً الجنـة .. اللهم آآمـــــين ..
..

خواتــــــي..

يعلم الله وحده لا شريك له .. ولا يعلم الغيب إلاَّ هو ..
أن المصائب بهذه الدنيا تهون .. وربي تهون ..
لا تظنون إنكم بؤساء .. مكتوب عليكم الشقاء ..
لا ورب العباد..
ربكم ما خلقكم عشان يعذِّبكم ..
ولا خلقكم عشان تعانون..

تدرون..!!
سمعت قولاً يقول .. إن في الآخرة..
من الناس الذين يدخلون الجنــة ..
ويرون نعيم الناس الذين كانوا من المتعذبين فيها..
يتمنون لو أنَّهم قُرِّضوا بالمقاريض في الدنيا ..
وكل ذلك لأنهم صبروا..

بنات..
ما تبون الجنـة..؟!
ما تبون تصبرون..؟!

ليه ما تخلُّوا الدنيا هيِّنة بعينكم .. لدرجة تهون عليكم همومكم..
و الله يا بنات إن همومكم و هموم الناس هي اللي تألمني بذا الدنيا..
ما ودي تعيشون في ألم و هم و غم ..
و الله ما أبيها لكم أبداً..
خاطري تكون حياتكم أحلى و أحلى ..

بس أحيان بحياتي هذه .. بالنسبة لي أنا ..
ما أحب كل شي يجيني بالساهل..
تدرون ليـه..؟!
أخاف إن الله يُعجِّل لي رزقي بذا الدنيا و أتنعم هنا ..
بينما هناك .. لا أعلم ما مصيري ..
لا ..
أبي أتعذَّب هنا .. و النعيم ما أبيه إلاَّ بقرب الله رب العزة و الجبروت ..

ممكن تكون لحظة سعادتي هنا في الدنيا..
هي لحظة وجودي و إجتماعي بمن أحبهم..
أكيــــد .. وجودهم يسعد الخاطر..
بس اللي يسعد الخاطر أكثـــــر..
يوم أقـــدر أرسم البسمة على شفاههم..
حتى لو كانوا ناس ما أعرفهم و لا يعرفوني..
بس تجمعنا رابطة الدم العربي..
..

خواتــي..

طلبتكم..
لا تنسون ربكم..
لا تظنون إنكم بائسين و حياتكم مليئة فقط بالهموم..
و الله إن عرفتوا ربكم رب العباد حق المعرفة..
وربي لتحلى الهموم و الآلام بعيونكم..

بس الصبر بذا الدنيا يا خواتـي .. الصبر الصبر ..
..

تدرون .. !!
متى أحــــس بالسعادة..!!

تبون أقولكم موقف .. هو صدق لو تقرأونه راح تقولون عادي..
بس هو بالنسبة لي كبير..
تدرون ليه..
لأني رسمت البسمة في وجه إنسانة..
حتى لو كان الحدث بسيط..
بس بالنسبة لي كبير .. و اللي كبَّره هو بسمتها الطيبة ..
و الأهم رضى ربي..

مرة في محاضرة في الجامعـة لمادة عربي..
المهم..
كنت جالسة قدام في القاعـة .. والدكتورة تشرح..
بعـد ما خلصت المحاضرة .. طلبت مننا أوراق البحث اللي طلبتها..
عطوها البنات..
بس فيه وحدة جنبي تورطت..
لأن أوراقها شوي كثيرة بس مو مدبَّسة..
أحسها ابتلشت..
اش سويت..!!
سبحان الله ناظرت الملزمة قدامي لقيتها مدبسة..
فكَّيت الدبوس..
وناظرت لها و قلت عطيني..
البنت ما عرفها بس لقيت في نظرتها بسمة..
أخذت الأوراق .. ودخلت الدبوس فيها و عدَّلتها..
هي ناظرت بملزمتها لقت فيها الدبوس و ابتسمت..
ابتسمت أنا وعدَّلت لها الأوراق .. وناظرت لها قلت: أسلِّمها..

ابتسمت وقالت: إيه ..
و ربي يا بنات إن بسمتها بوجهي بذيك اللحظة ريحتني..
حسيت براحـة كبيرة..
صدق إذا تبي تحس بالسعادة .. ارسم البسمة في قلوب الناس..
قلت قلوب الناس..
لأن القلب أهم ..
ارسموا البسمة في قلوبكم قبل شفاهكم..
لأنه ممكن تكون بسمة الشفاه مرسومة بدون روح..
..

بعد ما سلَّمت أوراقها..
و طلعنا..

حسيت الفرح يغمرني..
مع إن ملزمتي تبعثرت أوراقها..
بس قلت و ربي فداها..
صدق ما عرفها..
بس دام هالشي اللي سويته رسم كل هذه الإبتسامة على شفاتها..
قسم بـالله فدا لو تحترق ملزمتي..
كل هذا لأنه فيه رضى لرب العباد..
تعرفون أجـر اللي يساعـد أخوه المسلم..
و هذه بمثل أختــــي..
و يوم شفت إبتسامتها .. ارتحــت ..
تكفي إبتسامتها .. ما يحتاج كلمة شكراً ..

بنات..
أنا ما قلت هالكلام إلاَّ أبي الراحـة تغمركم..
أبيكم تعرفون إن السعادة وقمَّتها هي في إسعاد الآخرين..

تبون ترتاحون..
شاركوا غيركم سعادتكم ..

تبون تتوفقون..
ارضوا ربكم ووالديكم..

بقدر ما تشعرون بآلامكم .. استمتعوا بها ..

..

أدري طوَّلت عليكم واجــــــد..
بس و ربــــي اللي بقلبي أكثــــــــر..
ودي أحكيلكم ..
بس إن شاء الله في الأيام الجايــة أبكتب قصص تصادفنـي..
لأني جـد صادفت ناس كثير .. وشفت من القصص الكثــير..
بس بالمواضيع الجايـة .. إن شاء الله .. إن ربي أحيانا ..
لأنه شكلي زوَّدتها هنا شوي..
^_^
..

قبل لا أختم..
أبذكركم بـالله الواحـد الأحــد الفرد الصمد ..
إذا عرفتوه حق المعرفة..
راح تزدان دنياكم بالنور و السرور..

معرفة الله جلَّ جلاله هو نبراس الدنيا و نورها..
و رضاه .. هو مناة قلوبنا..


ربي يرضى عليكم .. ويجعلكم ووالديكم من أهــل الجنــة ..

ربي يسعد قلوبكم..
و إن شاء الله ما أكون كثَّرت قرقرة عليكم..
بس الأهــم يكون لها صدى إيجابي بقلوبكم الطيبة..



تحياتي لكم..


منقول

>>>>> ردود الأعضـــــــــــــــــــاء على الموضوع <<<<<
==================================


ماشاء الله والله الكلام رائع جدا

تذكريني بروحي من اساعد فقير وكله الخير والحمد لله من الله

تحسين بالراحة لمن تساعدين انسان وتفرحي وترسمين البسمة على شفاه الناس


بارك الله بيج على الكلام الجميل


__________________________________________________ __________

يسلمووووو ياعسل ..


__________________________________________________ __________

جزاك الله خير
كلامج حلووووووووووو
الله الهمنا حبك والصبر لنيل حبك والفوز للقائك
تقبلي مروري


__________________________________________________ __________

المشاركة الأصلية كتبت بواسطة حب بغداد
ماشاء الله والله الكلام رائع جدا

تذكريني بروحي من اساعد فقير وكله الخير والحمد لله من الله

تحسين بالراحة لمن تساعدين انسان وتفرحي وترسمين البسمة على شفاه الناس


بارك الله بيج على الكلام الجميل

الله يبارك فيك حبيبتي والرائع هي وجودك يسلمو علي مرورك العسل


__________________________________________________ __________

المشاركة الأصلية كتبت بواسطة روح طاهره
يسلمووووو ياعسل ..

الله يسلمك يارب