عنوان الموضوع : بنات الله يخليكم بليز خبروني شسوي -تم الرد
مقدم من طرف منتديات نساء الجزائر

بنات الله يخليكم بليز خبروني شسوي



السلام عليكم
كل عام وأنتم بخير وعساكم من عوادة
خبرتكم كل شي بالتفصيل بليييييز ساعدوني

غلطت غلطة فظيعة وبعد فترة بدل الغلطة صارت غلطتين أو بالأحرى مشكلتين
دراستي الجامعية أهملت فيها مدري ليش وصارت آخر إهتماماتي وصرت أروح ع كليتي خوفا من بابا لأنه أهم شي ف الحياة عنده الدراسة
أهملت فيها واايد لدرجة إني رسبت!!!
وتكرر سيناريو الرسوب لدرجة إني أعيد المادة عشان أنجح ثلاث مرات!!
وبابا لو عرف مصيبة
صار كل الدكاترة يسألوني شو مشكلتك ليش كل هذا؟
عندكم مشاكل ف البيت
كل إجاباتي كانت لا لا لا حياتي حدها حلوة ف البيت ولا عندنا مشاكل بس شكلهم ما صدقوني ودايما السؤال صار يتكرر لدرجة إني كرهت نفسي وحياتي وتصرفاتي
وصارت حياتي كلها خوف ودايما أحلم أحلام مزعجة عن موقف بابا إذا عرف بابا كل همي ف حياتي وأتمنى أسعده وأخليه فخور فيني هو وماما بس للأسف ما أقدر أتخلى عن الفشل صار عادي عندي ولا يهمني أنجح!
وشو يعني إذا أعيد المادة ثلاث مرات!
آخر شي بنجح غصب عني صار الوضع أصعب وأصعب وصرت محتاجه أكلم أحد ف موضوعي بس مو من أهلي
لحد ما ف يوم خبرتني زميلتي عن إنسان محترم ساعدها
تشجعت وقررت أرسله
ف البداية كان أسلوبه غير يعني ملتزم
وأنا كنت ملتزمة أكثر خصوصا إني من عائلة محافظة
بس أنا بطبعي إنسانة مغرورة وعنيدة وما أحب أخبر أي أحد عني شي حتى لو كان تافه
مضت الأيام وأسلوبه صار غييير لحد ما مرة قالي أحبك
حدي إنصدمت!
بس طنشت ولا رديت
المهم حياتي صارت أحسن وإرتحت أكثر وبديت أثق فيه
كنت أعامله بكل فظاظة وغرور كأنه هو المحتاج مو أنا ف المقابل كان يعاملني بكل احترام وطيبة وما أنسى مواقفه النبيلة معي عندما كنت ف أقسى درجات الإنهيار
ما قدرت إلإ إني أثق فيه وأحبه
وأخيرا قلت له
أحبك
علاقتنا صارت أقوى
وتعلقت فيه أكثر وأكثر وبحكم رسوبي المتكرر كان هو معي
ف الصيف صار يطنشني يمكن لأنه ماشي دراسة مادري ولأني أحبه كنت أرسله دايما
وكان يطلعني أنا إلي أنسى مع إنه هو إلي يطنش!
وبطبعي ما أحب المواجهة ولأنه وقف معي وساعدني ما أقدر إلإ إني أعامله بكل طيبة
وأطلع أنا إلي أنسى مع إنه هو إلي يطنش
صار مشغول ومو فاضي من بعد ما كنا طول اليوم نتواصل
أرسل ولا يرد ولأني أحبه أرجع وأرسل بس بعد يطنش
بعد فترة حسيت إنه كان يتسلى معي ويلعب بمشاعري ولازم أحافظ ع غروري وأرجع مثل قبل حاولت بس ما قدرت ف نص رمضان أرسلت له بعد إنقطاع دام أسبوعين
وطنش صدمة!
ليش كل هذا
قلت أكيد مو فاضي شهر عبادة وهو إنسان ملتزم أكيد بيرسل ف العيد
بس الصدمة الكبرى إنه ما رسل
معقولة ليش أنا شسويت فيه؟
والله العظيم ما طلبت منه يحبني ما طلبت منه يسمعني كلام حلو
والله يشهد علي ما كان قصدي من علاقتي فيه إلإ إنه يساعدني ولا كنت أبي أدخل ف أحبك
مادري إذا كان قصده يحبني مثل أخته بس هو ما بين هالشي لي أحبك وبس
ليش يسوي كذيه فيني ليش لعب بمشاعري ليش بدل المشكلة صارت ثنتين ليش
هو الكبير العاقل الفاهم لما حس إني غلطت ليش ما نبهني لما حس إني إنجرفت بعيد بمشاعري ليش ما تكلم
وإلي يقهر ف الموضوع إنه إنسان ملتزم ويخاف الله ليش يسوي كذيه دام إنه ملتزم يرضى ع أخته تكون مكاني
والله العظيم ما طلبت منه يحبني والله العظيم كنت ملتزمة ف تعاملي معه وأفكر ف المسج ألف مرة قبل لا أرسلها
الحمد لله وضعي الدراسي أحسن من قبل لكن هالفصل هو الفصل الحاسم وإذا كنت بنطرد أو لا
يعني وضعي حده صعب وبما إنه ما عندي صديقة عشان أفضفض لها
مادري أتخلى عن كبريائي وغروري
وأرجع أرسل له
أو جات منه وخلاص كل شي انتهى
أحيانا أخاف أتسرع وأرسله خصوصا إني مشتاقة له
لما أفكر ف الوضع كيف بيكون
أدري بيكون حده صعب بدونه
مادري شسوي مادري
يمكن عشان يبين لي إنه علاقتي فيه أيام الدراسة بس يطنشني
يمكن عشان يساعدني كان لازم يكسب ثقتي وصار يقولي أحبك
لأني ف كل سؤال سألني كنت أقول
مادري
وكان يقول بدون هالإجابات ما أقدر أساعدك ف شي
غروري كبريائي عنادي منعني من إني أجاوب ع أسئلته وبعدين كيف أثق فيه وأنا ماعرفه!
كل كلامه ما يتعدى أحبك أحيانا أفكر يمكن أنا فهمت خطأ مادري
وحتى لو تقدم لي أنا مستحيل أموت ولا أوافق حياتي غير وحياته غير
أدري لو هو تخلى عني رب العالمين موجود وما ينسى أحد أهم شي أدعي
بس الإنسان ما يقدر يعيش وحيد كيف عاد إذا ما كانت عندي صديقة
لا تقولوا خبري ماما أو بابا أو إخوانك
ما أقدر لأني فاشلة طول عمري كنت ناجحة بس كل شي تغير
ما أقدر لأنه محد بيتفهم خصوصا إنه ماعندي مشاكل
صعبة تواجه أحب الناس إلي قلبك وتقول أنا فاشل
ما تتخيلون شكثر وقف معي وضعي نفسيتي أحسن من أول بكثير
بنات بليز الله يخليكم خبروني شسوي حدي متضايجة
أبي أحافظ على غروري وف نفس الوقت محتاجه له
مادري شسوي مادري

>>>>> ردود الأعضـــــــــــــــــــاء على الموضوع <<<<<
==================================


حبيبتي الواضح انه يلعب معاك،، الله يخليج لا تفكرين فيه الحين ،،، طنشج طنشيه ،،، مو محتاجه له ،،، فكري بعقلج مو بقلبج .
أختي انتبهي لدراستج اهي أهم شى الحين
وبعدين فكري بأي شى ثاني
أنت تقولين انه هذا الفصل هو الحاسم ،،، شدي حيلج وساعدي نفسج
تقربي من الله ،،، ماراح يفيدج أحد غير الله
كثري من الاستغفار حبيبتي.
الله يوفقج ويسعدج يارب ،،، وبشريني وطمنيني عليج أختي.


__________________________________________________ __________

مبينه اختي .. مايحتاج خلك محافظه ع كرامتك .. ولا تنسي ان الله غفور رحيم
ارجعي لربك واستغفري .. وحطي في بالك انك تتحدي الكل بنجاحك وادبك وكرامتك .. بكذا صدقيني بتنجحي وبتبشرينا .. بس لا تخلي الشيطان يسيطر على تفكيرك .. تغلبي عليك .. وع حنينك له ..

واستمري ليس من العيب ان الانسان يقع ولكن العيب ان نفضل بالارض ... انهضي واعرف بل اجزم بانك قدها وقدود .. ذاكري بجهد .. فكري بامل .. انفضي الاساء من قلبك وبدليه بالتفائل ..

وان شاء الله ربي بيكون معك مادمتي ع طاعته


__________________________________________________ __________

شكرا حبيباتي الله يخليكن

ما أقدر أتركه ما أقدر والله ما أقدر
والمشكلة إني اتجهت للأغاني أكثر وأكثر
كأنهن الحل للي أنا فيه
خايفة ولا أدري شسوي
كيف ببدأ فصل جديد بدونه
ليش ما خبرني من أول ليش؟
ع الأقل أستعد نفسيا
بنات تدرون شو يعني ما عندي صديقة
يعني لمن أفضفض؟
بعدين هو بطبعه يواجه بأي شي
يعني مستحيل يخليني كذيه
أول ما عندي مشاكل وأحين صارت عندي مشكلة تأثر ع دراستي
الكل يصفني بالغرور بس وياه أنسى شو يعني غرور وكبرياء
وأرجع أرسل وأرسل لحد ما يرد علي
مادري ليش
ماشي حل ثاني إلإ إني أتركه؟
بتواصل معاه لحد الفصل الجاي ومن أحين بتهيأ إني راح أتركه
ع الأقل لحد ما أعدي هالفصل
شرايكم؟
الله يخليكم دلوني مابي أضيع وأضيع هلي معي


__________________________________________________ __________

كلنا هنا اخواتك ادخلي اي يوم وهتلاقي ردودنا ........ اما هذا الاخ فواضح انة بيلعب بيكي لو كان يحبك وانتي تقولي ملتزم كان جا وخطبك او عالاقل مايطنش .انسي اكيد النسيان صعب في الاول بس صدقيني هتنسي وكانة عادي ماكان وركزي في دراستك انا لم افهم بعد سبب تاخرك... بعدين من كلامك واضح انك بتانبي نفسك بقولك انة غلطة يعني انتي عارفة ..... شوفي مصلحتك في دراستك عشان لاتندمي بعدين واتركي الاغاني لانها اكيد تذكرك به واول ماتحسي انك تذكرتية استغفري بعدين الشيطان يريد ان يصور لك حياتك من غيرة لاتطاق ... الله ارحم بنا من اهلنا سبحانه اطلبي عونه بصدق وسوف يعينك والله يرزقك بالزوج الصالح


__________________________________________________ __________

شكرا سلافة

بعيدا عن إني أحبه فيها شي لو تواصلت معه بقصد إنه يساعدني وبس؟
تدرون هو كان يعاملني مثل بنته يكلمني ع أساس إني بنته أحيانا
يمكن أنا فهمت خطأ
بليز أحد يشرحلي أحد يفهمني أحس إني بجن
ما أقدر أبدأ فصل جديد وأنا ب هالحال
شكلي بنطرد
الله يخليكم شسوي