عنوان الموضوع : مشكلتي مع ام زوجي الله يهديها مجابة
مقدم من طرف منتديات نساء الجزائر

مشكلتي مع ام زوجي الله يهديها



السلام عليم اخواتي

مشكلتي يمكن تقولون بسيطه بس عندي مأثره على نفسيتي والله وهي من البدايه
انا كنت موظفه وتركت الوظيفه ولما كنت اشتغل جبت خدامه تطبخ وتسوي كل شي الحمد لله عرفوا عنها اهل زوجي انها طباخه
المهم كل ما اسوي شي يمدحون الخدامه واطبخ شي تمدح عمتي الخدامه قهر ولا لا
ورمضان الحين كل ما ارسلهم شي لازم تنتقده وانا والله كل واحد يشهدلي بطبخي بس ظروف الشغل اجبرتني اجيب خدامه تطبخ والحين انا عاطله بس مافهمت عمتي اني اطبخ انا الحين ودايما تنتقدني قدام حريم عيالها
تقهرني وحريم اخوانه ماتقولهم شي لو يجيبون ايش اقولكم لانهم قويات معاها وانا طيبه واحترمهها ياليتها تقولي تقول لزوجي وهو يعلمني يعني خير تعمل شرا تلقى والله مقهوووووره
ايش رايكم ايش اسوي وليش تنصحوني
هل اتغير من الطيبه للقسوه والتطنيش ولاااا تقولون ناقشيها انا مااعرف على طول دموعي تسبقني

ساعدوني
اختكم :
ام عزوووز

>>>>> ردود الأعضـــــــــــــــــــاء على الموضوع <<<<<
==================================


حبيبتي احتسبي الاجر مافي شي يضيع لاتتغيرين خليك زي ماانتي لوتغيرتي راح تروح عند زوجك وبعدين يصير مشاكل لاتخربين بيتك علشان زوجك تحملي اي شي....


__________________________________________________ __________

معليش حبيبتي ام عزووز
تحملي عشان زوجك وبعدين هذي تعتبر ام لولدك جدته ام ابوه يعني خلاص مالك الا تسكتين وتتحملين
وبا النسبه للطبخ ما عليك عااادي طنشي اهم شي زوجك يدري انك انتي اللي تطبخين مو الخدامه
اما هي اسمعي وطلعي من الأذن الثانيه
اهم شي ما تخربين علاقتك با ام زوجك عشان ها الشي التااافه

الله يصلح مابينكم ويسخرها لك ياااااااااااارب ...


__________________________________________________ __________

ياحبيتي طنشيها كانك ماسمعتي شئ منها

وخليك رسميه معها

وتتعدل العلاقات ان شاء الله


__________________________________________________ __________

الله يكون بعونك

بس يمكن صحيح ماتعرف انتي اللي طابختة

والله نصيحتي وش عليك برضا الناس اهم شيء زوجك وعمرهم ماعجبهم


وطنشيها واهم شيء مازعليها وخلك قوية واليوم طبخ بكرة شيء ثاني وهكذا لتحسسين

وتعوذي من الشيطان دايم
واذكري الله
واكثري استغفار بنية تسخير ام زوجك لك


__________________________________________________ __________

اللي يقهرني اني احسن وحده عندها ولا عمري زعلتها وهي مااظلمها والله طيبه عشان كذا انصدم من كلامها
لاني كويسه معاها
الله يسامحها
وجزاكم الله خير حبيباتي على الردود