عنوان الموضوع : تكفون ابي تفاعلكم -تم الرد
مقدم من طرف منتديات نساء الجزائر

تكفون ابي تفاعلكم



السلام عليكم
انا عضوه جديده بالمنتدى وبصراحه توني مخطوبه من اسبوعين وعندي مشكله مع خطيبي
قصتي هي مثل ماراح اسردها لكم بس تكفون عطوني حل وسريع
انا انخطبت لولد خالي وانا عارفه مجرى حياتهم وعارفه طبيعتهم كلهم بس اللي مو عارفه هالشي هو خطيبي وعلى نياته لكن اللي اعرفه امه خبيثه تلدغ من تحت لتحت كل هي الصح وهي الغلط راكبها من راسها لرجولها متسلطه كسبت حب عيالها لكن اللي ماتعرفه خسرت حب الناس لها لكن يشهد الله انها كريمه واللي بيدها مو لها
المهم ان بعد ماانخطبت لولد خالي حفلة الخطوبه صارت كلها عليهم بحكم رغبتهم بهالشي بس الشي اللي قاهرني ماكأني العروس ماكلفوا انفسهم يسألوني ايش تبين ايش بخاطرك مثلا ايش لون فستانك على اساس الكيكه والاشياء الرسميه اللي تصير في الملكه وفوق هذا كله حددوا موعد الملكه ولا كلفوا انفسهم يقولون لنا موعدها ولاكأني لي خص حسيت كأنهم مايبوني ومجبورين لان ولدهم يبيني مع انه يوم سألته قلت ايش كانت ردة فعل امك يوم قلت انك تبي تخطبني قال بالبدايه استغربت لان حاطه في بالها اني اخت من خواته لان من طبيعة مجتمعنا نجلس مع بعض نسولف بس باحترامنا ومحتشمات ومتغطين بعد
المهم بعدها وافقت لان الولد هو يبيني وزي ماقلت لكم هذي البدايه حطوني على الهامش
في يوم الملكه جيت من الكوافيره وحاطه في بالي محد يشوفني الا اهلي لان المراسيم بتصير في استراحه وانا رجعت البيت عشان اللي بملك لنا بيكون في مجلس الرجال وبرضوا في هذي الحركه انتقدت ام زوجي وقالت الحمدلله والشكر مشفوحين محد تزوج غيركم تقصد انا وخواتي والشي الثاني عطيت ولد خالي اللي هو حماي ينسق لي الزفه والشهاده ماقلت له لاتسمعها احد طلبت عمته تسمعها وماابدوا اي اعتراض ولا قالوا هذا شي خاص لها يمكن ماتبي احد يسمعها وعمته هذي لها قصه ثانيه بعد
وبحكم ان خواتي متواصلين مع زوجة خالي بحكم الترتيبات تذمرت وقالت من ورانا طبع بس وصلنا الكلام ابتلشنا مع هالنسب مع ان والله ماطلبنا شي ولا كلفناهم بش ولا اشترطنا المهر بس مدري ليه تتصرف زوجة خالي بهالشكل وانا اللي اقول بحطهم بعيني وبقوم بواجبهم

نفسي اعرف كيف اتعامل معاهم وكيف ان هالشي مايكون مشكله بيني وبين زوجي بالمستقبل

>>>>> ردود الأعضـــــــــــــــــــاء على الموضوع <<<<<
==================================


هلا غلا قرات قصتك وحاسه ان هادي امر عاديه تصير كتير في وقت الخطوبه فما بالك وانتم قرايب ولازم القرايب يكون بينهم شويه حساسيه انتي اذا تحبيه بجد اهم شي عندك زوجك لا تزعلينه وضحي من اجله وترى الزواج كله مسؤليه اخذتي قريب او غريب بس في مشاكلها تصير اول الزواج وبعدين تنتهي وفي اول الزواج تكون سعيده وبعدين تبدا المشاكل والله يعينك بس كوني واسعة الصدر وتحملى وامه خلك معها رسميه واحترميها لان متل مابدك يحترم امك احترمي امه واهم شئ انكم ببيت لوحدكم وعيشو حياتكم متل ما بدكم وافهمو ان امروكم ما احد يدري بها حتى اقرب الناس الكم


__________________________________________________ __________

والله كلامج صحيح وهذا اللي افكر فيه
مشكووره على الرد


__________________________________________________ __________

والله انا مع كفاح .. كل زواج يصير فيه تتشات بسيطة في البدايه خاصه وقت الخطوووبه وفترة الملكة

بس بعدين انشالله كل شي يروق.. بس بما ان خطيبك اختارك من بين كل البنات حتى تكوني زوجته وام عياله استحملي علشانه واهم شي ما تقعدين تتشكين له من اهله حتى لو سمعلك اول مرة ماراح يرضى ععلى اهله يا قلبي.. تحملي واكسبيهم بالطيب وخلي لك صله بوحده من حواته عشان تتشاورون بكل شي يخص حفله الزواج وبكذا ماراح يسون اي شي ما تبينه ..

والله يوفقكم انشالله يا قلبي


__________________________________________________ __________

هلا ياقلبي الف مبروك ان شاء الله

انا رايي من راي حرم فهد ........ومهما صار منهم ابدا لاتشتكين الى زوجك باي حاجه......لانه بالنهايه ماراح

يصدق في امه شي...........وانتي عامليها بالحسنى منها تاخذين اجر ومنها تكبرين في عيوون زوجك

الله يوفقك حياتوو ويسعدك يارب....


__________________________________________________ __________

من جد انا مبسووطه لاني لقيت ردودو
بس شرايكم كون ان الزوج مايرد اهانة زوجته بغيابها؟