عنوان الموضوع : افتح قلبى!!!طب دلونى
مقدم من طرف منتديات نساء الجزائر

افتح قلبى!!!طب دلونى



مش عارفه ابدء منين
مشكلتى ان حياتى بدئت فى الانهيار ومش بس حياتى ..اعصابى ..صحتى
دنيتى كلها

انا زوجه من3سنوات عندى طفل عمره سنه و4 شهور زوجى راجل بيتوتى مش بيفضل الخروج مالهوش اصحاب يذكروا اخلاق خجول ومهذب وذكى

دا كان حالنا واحنا فى مصر منذ حوالى 8 اشهر جائت فرصه للعمل بالسعوديه وسافر وعمل لى استقدام واحنا مع بعض دلوقتى
من حوالى 4 شهور بدئت اشعر ان حاله بيتبدل مش عارفه حاسه انه بيكذب عليا او ان فى حاجه مخبيها لدرجة انى بقيت بحلم بكوابيس انه متزوج غيرى او انه هيتزوج ومهما حاولت ابحث خلفه وافتش فى هاتفه كى اتاكد من هواجسي لكن لا شيء
زادت المشكله عندما اشترينا سياره اصبحت اشعر انه يذهب الى اى مكان من غير ما يقولى ويخبى عليا مش عارفه ليه
انا بموت لما يرجع البيت وحد من زمايله يكلمه عايزه يوصله فى حته او اى مكان او يجيبوا حاجه بما ان احنا اللى عندنا العربيه زمايله لا
اصبحت اشعر باختناق شديد كلما خرج من البيت
والمشكله الكبرى انى اذا انا طلبت الخروج يتحجج باى شيء علشان ما يخرجش ولو زميله كلمه علشان ينزل يجيب حاجه او شيء يلبس وينزل ومايبقاش فى اى مشكله
اشعر بالاهانه وانه بيفضل يكون مع زمايله مش معانا انا وابنى
الغيره من كل اللى حواليه بتموتنى وتخنقنى بان الناس دى بتاخد من وقته وقت المفروض انه ملكى
كوابيس بتموتنى كل يوم احلم انه سابنا او انه هيتزوج باخرى او تزوج فعلا
الشك يملا قلبى تجاهه اصبحت افتش فى ملابسه وتليفونه والسياره عندما اخرج معه احساسي بان اصدقائه سيكونوا السبب فى هدم منزلى
احكي لكم على موقف
زميله مراته اشتغلت فترتين يتصل بزوجى علشان ينزل يوصله هو وزوجته الى عملها وبالليل ينزل تانى علشان يرجعها من العمل طبعا اليوم ده كانت خناقه بيننا كانت تصل الى حد انفصالنا
صدقونى طفلى ظل يصر يصرخ ويبكى وينتفض من بكائى وصراخى امامه
عندى صدااااااااااااع مزمن ومغص بسبب القاولون العصبى وبكاء بسبب وبدون سبب
مش عارفه هل انا خطأ... هل خوفى من اصدقاء السوء احساسي ان صديقه هيجره لسكه سيئه صديقه ده مالوش اى علاقه ببيته عايش حياته لاصحابه والخروج وبس هو مش بيعمل حاجه وحشه لكن انا عايزه جوزى معايا متفرغ لى مش كل شويه بره وكل شويه فى حته انا بكره ده
وده ممكن جدا يجرجر جوزى لاى حاجه
دلونى انا غلط اعمل ايه اهدى اعصابى ازاى
همووووووووووووووووت وبيتى هيخرب وابنى بيدفع التمن

>>>>> ردود الأعضـــــــــــــــــــاء على الموضوع <<<<<
==================================


عزيزتي ,,,الله يعينك صحيح وانا معكِ بس .... عليكي ان تصدقي كلامه
ولا تبيني له شكك وحاولي ان تملئي حياته بكل شئ
أتركي هواجسك ... أتركي شكوكك ...أستعيدي ثقتك بنفسك
وإستعيدي زوجك ...ولا تنفعلي ولا تتعصبين
عودي له .. زوجة مرحة ... أنتظرية بثياب جميلة غيري من حياتك
أجعليه يشعر معك ... بأجمل لحظات عمره
اسمعي نصيحتي وخلي عنك ها الأفكار والله راح تدمر حياتك وتخرب عليك احسن ايام عمرك
طبيعي أن زوجك يطلع برا ويطول لأنه مايلقى سعادته في بيته يلقاها برا
لكن لو كنت تلاقينه بصدر رحب وأبتسامة وتبادل في الكلام لكانت الحالة غير ذلك
فيه بنات كثير خربت عليهم اشهر الزواج الأولى بها الشكل وعشان أفكار يوسوس بها أبليس أعوذ بالله منه
والله تندمن اشد الندم طالما أن محبة الزوجين متبادلة ليش نعطي ابليس فرصة ينكد علينا
الشيطان ياعزيزتي افضل عمل يقوم به هو التفريق بين زوجين
والله إنها قمة سعادته فهل تحققين له هذه السعادة
صدقيني عدم الثقه و الجفاء ستوسع الفجوة و لن تستطيعى الاستمرار
عليكِ عزيزتي بالإستعانة بالله والإكثار من الإستغفار وذكر الله
والصلاة والدعاء خاصة أخر الليل وفي أوقات الإجابة,
اقتربي لزوجك اكثر فاكثر وخاصة انتِ بالغربة وما لكِ الا زوجكِ
واتمنى من الله عز وجل ,, ان يفرج همك ,,
ويسعدك مع زوجك الذي يحبك ,,
تذكري دائما انه يحبه ,,,

تحياتي الك ,,,


__________________________________________________ __________

اشكرك غاليت على ردك السريع واهتمامك ونصيحتك لكن فى مشكله احب اوضحها انا بالفعل زى ما بتقولى مرحه بضحك على طول.. بلبس حلو ومكياج وزينه طول الوقت ..طول ماهو موجود العب معاه واضحك ونتكلم وهكذا... يعنى مش مقصره ولا حاجه

تعرفى اكتشفت ايه النهارده بالفعل انه بيكذب عليا خرج امبارح مع الزميل اللى قلتلك عليه وقالى ان التلفزيون بتاعه خرب هيودوه يتصلح .. تعرفى اكتشف النهارده انه كان خارج معاه رايحين عند واحد زميل لهم تالت بيته ولما واجهته يقولى مرضيتش اقولك عشان متزعليش انى خارج شوفتى ان احساسي فى محله

انا من وقتها ما بنتكلمش انا وهو لانى مش لاقيه كلام اقوله عماله اقول لنفسي ياترى كذب كام مره فاتت وهيكذب قى كام مره جايه

انا هتجنن خلاااااااااااااااااص


__________________________________________________ __________

ابتعرفي عزيزتي لماذا هو يكذب عليك ,,,

لاني انا واثقة ليس فية تفاهم ابيناتكم ِوهو اكيد اي كلمة يقولها

لك انتِ بدورك تكوني فيها عصبية صح كلامي ,,,لا يستطيع التفاهم معك ,,

يا عزيزتي لماذا لا تتفاهمين معة وبكل هدوء وبكل صراحة ,,

بعد ما ابنك ينام قولي كل الي بقلبك وخلية هو يقول لماذا هو يتصرف معك هكذا

بس مثل ما قلت لك بكل هدوء ,,, وياريت تبعدي عصبيتك وخليكِ هادئة جدااااااااااااا

وغداًَ او بعد غداً طمنيني عليك عزيزتي ,,

تحياتي الك , , والله يسعدك ,,,



__________________________________________________ __________

السلام عليكم
اختي سما2000
هوني عليكي يااختي ..فكل ماتفعلينه يضرك انت اكثر من غيرك..
حبيبتي غيرتك رح تقتلك..وعشان تطفيها حاوري زوجك صارحيه قوليله كل اللي بقلبك..بس بهدوء فهميه انك منزعجة لمايصير بينكم..بس حبيبتي لازم تختاري الوقت المناسب للحوار والمناقشة يعني مو اول مايجي من العمل او يكون معصب او جيعان تهدين فيه نقاش وصراخ..والله بيلقاها سبلة ويطفش ورح يدور على مكان يهذي فيه اعصابه ويدور على قلب يلمه..فهمتي قصدي
يعني بعد ما تعشيه وتدلليه وتحبيه بهدؤء تام افتحيله قلبك..واحكيله بهداوة كل اللي بيزعجك
وساعتها لو ظل بيتصرف نفس التصرفات اكيد يكون في شي
بس انتي تعقلي يعني خلي ببالك كل الاحتمالات ..وهذا طبع الرجال..وادعي الله يرجعلك زوجك ويخلي ايامك كلها حلا..وماتقصري بواجباتك نحو زوجك وابنك...واقرأ القران((الا بذكر الله تطمئن القلوب))
والله المرة باسلوبها ترد الرجال او طفشه..دعواتي لك بالحياة السعيدة
اتمنى اكون افدتك
تقبلي مروري
ســـ23 ـــالي


__________________________________________________ __________

اشكركم جميعا على مروركم وكلامكم

لكن مش عارفه هتصدقونى ولا لأ.......... انا بجد مش مقصره انا غيوره مش هكذب لكن بجد اللى انا قلته ليا الحق فيه ولا لأ ليا الحق لنى ازعل ان زميله دا بيستغله وعامله شوفير كل ما يبقى عايز يروح مكان يكلم زوجى علشان يوصله مش من حقى ازعل لانى عايزه زوجى يفضل معايا طالما لص شغله يبقى انا وابنه اولى بكل ثانيه من وقته
مش من حقى ازعل لما توصل الامور انه يكذب عليا علشان زميله

صدقونى انا زوجى مكانش كده من وقت ما اتعرفنا على زميله دا واحنا فى خلاف دائم
انا بجد تعبت واعصابى بتنهار وابنى مظلوم فى وسطينا
مش عارفه احكم ولا اسيطر على اعصابى
...تمارا... بتقولى مافيش بينا تفاهم لا والله صدقينى طول عمرنا كنا متفاهمين لان مكانش فى حد بينا لكن من وقت ما سافرنا وبدئنا نختلط ويبقى فى زمايل وانه مش قادر يقوله لا على مشوار ولا طلب وانا فى نكد

والمشكله انى بقيت حاسه انه بقى عايز يقلده ودا انسان طبعه سيء مالوش اى علاقه ببيته ولا مراته ولا ابنه راميهم فى البيت وطول الوقت بره بيلف فى الشوارع ويرجع بيته على الاكل والنوم

انا مش عايزه بيتى يبقى كده .. زوجى كان طول الوقت معايا بقى عايز يجى البيت ينام هو كمان ولما اتكلمنا يقولى انا كنت بساعدك بس دا مش واجب عليا .. لو قلت له العب مع ابنك ولا كلمه ولا اعمل معايا حاجه
مش عايز ويقولى ما كل الرجاله كده
فجأه بقى كل الرجاله كده (( لا دا الزميل الجديد هو اللى كده)) بيرجع من شغله ينام لغاية بالليل ويصحى ياكل ويخرج لاصحابه
انا بتكلم معاه وبهدوء وكل حاجه لكن حاسه ان الامور بتفلت من ايدي انه بيتغير
الامور بتتفاقم وبدئت عصبيتى تزيد لانى حاسه انى مش مقصره وبالتالى مش المفروض انه يعمل كدا

دلووووووووووووووووونى.......