عنوان الموضوع : حطوا نفسكم مكاني -لصحتك
مقدم من طرف منتديات نساء الجزائر

حطوا نفسكم مكاني



بقولكم السالفه و حطوا نفسكم مكاني تخيلوا انكم بهالموقف

انا اليوم خلصت اختبارات الحمدلله و قالت امي بتروح عند عمتي و بناتها و قلت بروح مع امي و اسلم عليها و اخواتي معاي ، و كنت افكر بنفس الوقت اني ما اروح اصلاً لاني خايفه من شي واحد خايفه انهم يتجاهلوني خايفه انهم و انا اسولف ما يعبروني لانهم يهمهم الشكل لاني مو حلوه مع انه الحمدلله بشرتي صافيه بس انا سمرا و ملامحي كوريه ، الحمدلله راضيه 😔
و باين هالشي واحسه بعيونهم و قد لاحظته مليون مره .. و قررت اروح و لما رحت تمنيت اني ما رحت مع اني كنت واثقه من نفسي قلت بسولف و اسوي اللي علي وانا اسولف ما يناظروني و غير كذا يسولفون بس نظرتهم على اختي اللي جنبي و انا ما كأني فيه وحسيت بالخنقه و الضيقه تمنيت يتصل ابوي و يقول يلا نمشي .. اللي سويته اني جلست ساكته بعدها ما عاد نطقت كأني مو موجوده جلست اكلم نفسي في خاطري ودي اقولهم مشكورين على معاملتكم ، والله العظيم اني احبهم و ما عمري اذيت احد فيهم لكن هم كذا مجتمعنا المظاهر ، رجعت البيت وانا افكر و بكيت بحرقه قلت ليه الناس كذا حسيت قلبي محروق لما محد كلمني و سولف معاي بس وحدي حتى وحده منهم تسأل اختي تقولها اختك ( تقصدني ) كيف درجاتهم بتخصصها !! طيب انا لي لسان اسأليني اختي ما تدري عن درجاتي انا ادرى !! وف الاخير لما ودعناهم بنروح البيت قالتلي وحده منهم انتي اليوم على الصامت ! اخ يا بنات مقهوره ما عمري سويت كذا مع احد ما عمري احرجت احد و لا جرحت احد .. صرت احس اني ما بتزوج عشان شكلي ما يعجب احد مع اني والله العظيم مهتمه بنفسي واسوي خلطات و كريممات و بشرتي صافيه ، هذا اللي صار اليوم مخنوقه من جوه تمنيت الموت لاني وحدي وحدي وحدي

>>>>> ردود الأعضـــــــــــــــــــاء على الموضوع <<<<<
==================================


مكانك ما اعمللهم اعتبار و ما اروح لهم اصلا
كمت جلست في البيت على النات احسن من انك رحتي زعجتي حالك
مادام انك مقتنعة بشكلك لا تاخذي هم من حدا يكسرو راسهم


__________________________________________________ __________

ولا يهمك منهم دام واثقة من انك ماسويت شيء غلط لهم ولاتبكيولاتزعلي حالك اختي فيه ناس مهما تسوي لهم ما يبان معاهم تولكي على مولاك وهو كفيلهم


__________________________________________________ __________

ينفع اصرخ على كلمة قلتيها ليه قلتي مجتمعنا ،،! يعني انتو وبنات عمتك ماتوصلو عشرة ليه خليتيها كل المجتمع اللي بملايين ،، فيه بالمجتمع مثلك وفيه من يكرهو التهميش وفيه من يرفضوه مو الكل يقبلون به ويسوونه ،، مو كل غلط من شخص يعني كل المجتمع يغلطه غلط هالتفكير غلط ،،!

فيه ناس مع الجو وكذا مايحسون بنفسهم وهرجة تاخذ هرجة ،، لا تفهمين انهم مايحبونك وانه على شكلك لا ياعمري يمكن صح عندكم هالشيء بلا لاتفسرينه كذا اولا شيء لانه تفسير غلط وثانيا عشان لا تهدمين انتي ثقتك بنفسك مع الايام ،،!

صحيح لما قالت اختك كم درجات تخصصها تقهر كان المفروض رديتي وقلتي انا هنا ليه ما تساليني ليه كذا وضحكتي لها لانهم والله اشوف بنات لما يهرجون مع بعض تقفلي اذنك كل وحدة تصرخ على الثانية من جنب ومحد سامع احد ههههههههههه والله او مليون وحدة يتكلمون مع بعض محد يدري يطالع يمين ولا شمال يسمع مين او يرضي مين والله لما تجلسون خليكم قريب من بعض وانتي ابدأي وكلميهم بشيء يشدهم حمسهم كذا يعني وبشويش وطالعي لعيونهم شديهم باسلووبك اتعلمي اسلوب الحوار والله ،، بالبداية تتكلمي بصوت عالي مع الحماس تعلي صوتك وترخي عند النهاية عشان يعرفون انها النهاية لما يكلموك انتي اعطيهم انتباه اتفاعلي معاهم واسمعيهم لما يجي دورك صدقيني حتى لو سالفتك ما تحمس بيسمعوك من اسلوبك وتعاملك معاهم ويحبونك صح ولا ؟؟

دليل انهم ما انتبهو عليك او كانت قصة جمال البنت من زود براءتها قالت لك اليوم انتي على الصامت كانت حاسة انك سكتي ومهتمة لك وسالتك عشان لا تتصنمي قدامهم ثاني مو موضوع جمال يا اخت والله ،،!

حتى لو مصممة انه جمال ما اكلم الخلق ولا افرح ولا انبسط عشاني خايفة انه يفكرون اني ماني جميلة او ماني حلوة والله هذا اللي ناقص ماعلي من احد شكلي وشكلهم مو انا ولا هم اللي خلقوه وربي سواني في احسن صورة وانا راضية ولا احد له حق يتكلم لا تخلينها عقدة تحجبك عن محيطك اصحي قبل لا من جدا يجيك اكتئاب و وسواس وقتها تضيعين بافكارك جد ،،!

واحمدي ربك ،، والمهتم بنفسه ماشاء الله ما ينخاف عليه ،،

بالتووفيقق


__________________________________________________ __________

يا اختي لا تعبريهم
اهتمي بحياتك وبس


__________________________________________________ __________

طنشيهم حبيبتي وعيشي حياآآتكـ ,,
لازم تكووون عندكـ ثقه ومآآ تخلي حد يكسرهآآ ,,,
اي وحده بتحكيلك كلمه سـكتيهآآ ودي عليـهآآ بوثوق ,,
والحمد الله حبيبتي مو الموهم الشكل احمدي ربك انك مو نآقصكـ شيء
التوكلي على الله ,,


استغفر الله العظيم واتوب اليه