عنوان الموضوع : خطيبي يموت فيا و انا قلبي لسه بحبيبي -تم الاجابة
مقدم من طرف منتديات نساء الجزائر

خطيبي يموت فيا و انا قلبي لسه بحبيبي



السلام عليكم
بدخل بالموضوع على طول
انا بنت صايرلي 5 شهور مخطوبة لشخص ما كانت بنا قصة حب من قبل
من قبل كنت احب شخص ثاني بس اهلي رفضوه لاسباب عديدة المهم خطيبي شخص طيب
و خلوق و متدين و يحبني موووووووت يعني لو يزعلني بنص كلمة و ابكي تخيلو يبكي لانو زعلني و يصير يعتدر و يجيبلي هدايا يعني يموت فيني بس انا ما احبه ولا احسه معه باي احساس مهما كان نوعه كلما حكيت معه تدكرت حبيبي السابق ما قدرت انساه و ما قدرت احب خطيبي
صليت استخارة و ارتحت بس ما اشعر باي شي اتجاههه يعجبني اهتمامه بي و حبه لي
لكن حب ما احبه
اللي عندها خبرة هل من الممكن اني احبو بعد الزواج ؟

>>>>> ردود الأعضـــــــــــــــــــاء على الموضوع <<<<<
==================================


الله يصبرك ويكون بعونك حاسه فيك .... انتي موقادرة تحبين تخطيبك لان بالك للحين مشغول بحبيبك وهالشي طبيعي ....يعني اذا تبين تحبينن خطيبك مثل مايحبك لازم تنسين حبيبك وتمسحين كل شي يذكرك فيه وعارفه ان هالشي صعب عليك لكن لازم تقوين قلبك وحطي ببالك حبيتي خطيبك او ماحبيتيه هالشي مراح بيغير من الواقع للاسف والله يهدي اهلك ماكان عليهم يجبرونك على رفض حبيبك بس اكيد رفضوه لاسباب مقنعه والاهل غالبا يرفضون الخاطب لبنتهم لاسباب لمصلحة بنتهم ماتدرين يمكن الاسباب اللي خلتهم يرفضون حبيبك قويه ومقنعه لمصلحتك وبصراحه ممكن يكونون غلطانين انتي ادرى باهلك .....وزوجك طيب يلبي طلباتك هالشي جميل ومثل هالزوج راح تكون ايامك سعيده معاه باذن الله ومع الايام راح تنسين الحبيب هو بعد بيشوف حياته وبيتزوج ...هو تقدملك وحاول لكن للاسف ماصار نصيب ......وخطيبك بتحبينه اذا ماحبيتيه الحين اكيد مع الايام والعشره بعد ماتعرفينه اكثر راح تحبينه والحب مو شرط يجي بسرعه بل احيانا مع العشره والمواقف واصعب شي لما الوحده تتزوج وببالها شخص ثاني شعور صعب والله يكون بعونك


__________________________________________________ __________

الوقت كفيل بانه ينسيك كل شي ..
قرات مرةمقولة تقول (إذآ اصبحت تحب الذكريآت اكثر من الشخص نفسه.. اعلم ان علآقتك بمن تحب قد انتهت)
>>بتجيكك فترة وتحسين بهالشعور.. بتحنين للذكريآت و اول شعور والموآقف اللي صآرت بينكم ..
وتشتآقين لهآ.. يصير ودك لو تعيشينهآ مرة ثآنية... بس مو مع نفس الشخص ..
صدقيني اسمعي من مجربة.. انآ كنت بترك خطيبي لهالسبب.. لولآ انه تمسك فيني بكل شي عندهه ..
الحين قآعدة احمد ربي اني م تركته لاني متأكددة اني كنت بندم.. وربي عوضني فيه.. وم نسيت الاول ..
بس م صرت احس تجآهه باي شي.. هي مسألة وقت مو اكثر ..

الله يوفقكم ويسعدكم ويسخركم لبعض ي رب ..


__________________________________________________ __________

والله الروح روح وحياتها ماتشبه حياة الابدان انا انخطبت بس كنت احب واحد تربينا سوا اكبر مني حول 20 سنه وتعبانه معاه بس رميت الارض وراي وتمسكت فيه رغم كل شي اشوفه منه يجرحني خناجره بس احبه متفطر قلبي فيه ودعيت ربي بالموت يطلع خطيبي واكون مع حبيبي حب القلب غير عن حب العين والبدن حلمانه من امس شي شين وارتجف من الخوف والتعب وادور عليه مو لاقيته صابره على صوته حتى لو كان قصده يعذبني ويدفني راضيه لو اكل لحمي راضيه ابيه يدفني بسخطه وعذابه كيفه بس اشوف من الدنيا بآخر لحظه عيونه اوفيه لو خان اخلص لو باع احب لو عذب اعزه لو اهان ادعيله ولو ظلم ارفع عنه واخفف عنه لو تركني في خوفي كل دنيتي ادور عليه واقوله انفض عنك كل همومك واخبي عنه همومي الغلا لو صدق فيه الانسان فهي جنازته وهو حي نتحمل كلن بيقابل ربه على ما سوا وهو الوحيد اللي سكن قلبي ما ألوثه لين اموت


__________________________________________________ __________

ربي يصبرك ويكون بعونك اختي


__________________________________________________ __________

اختي اخذيها معادلة..دام يحبك ح يسعدك .. ولو تريدين هالسعادة حبيبتي لاااازم تنسين الماضي.. بس لو مانسيتي الماضي راح يكون حياتج حجيم لانه خطيبك اللي يحبك لهالدرجه راح يكرهك اذا حس انه قلبك مع غيره .. الرجال غيرته مبيسمحله تفكر زوجته بغيره.. لاتحاولي يوم من الايام تخبريه شي عن الماضي ابدااااا راح تخربين حياتج بيدج... دام استخرتي به خير ان شاء الله.. يمكن حبيبج السابق ماكان بخيرج يمكن كان تندمتي لو وافقتي عليه.. عيشي حياتج ويا خطيبج ولاتزعليه خليه يحبج اكثر بكلامج الطيب الموزون ولمن تتزوجي كوني الزوجه الوفيه وارضي بقدرج لانه اكيد بي الخير الج ولاتخلي شي ماضي يخرب كل اللي راح تبنيه... لاتزعلي على كلشي وتبكي اختي خليكي قويه ذكيه وعيشي حياتج في رضا الله تعالى خلي قلبج متعلق بحب الله .. واعلمي ان مايختاره الله الج بي الخير لانج بيوم من الايام اكيد تشكرين الله تعالى على اختياره الج هذا لوووو قدرتي تخافظين على هالاختيار وعرفتي كيف تحلي حياتح. موفقه ان شاء الله