عنوان الموضوع : زوجي والبخل مجابة
مقدم من طرف منتديات نساء الجزائر

زوجي والبخل



السلام عليكم

انا مشكلتي مع زوجي البخل انا متزوجه صار لي سنة
زوجي من النوع البخيل يعني بالاكل والشرب الحمدلله مايقصر معي
راتبه الحمدلله لا باس به متوسط وماندفع ايجار لان ساكنين بشقه مع اهل زوجي
مشكلة زوجي يطلعني يمشيني المكان اللي ابيه مايقول لي لا
بس اذا اطلب منه اي شي يقول لي ادفعي من عندك انا مامعي
وانا من وين لي اذا انت ماعطيتني يقول لي من حافز وكل ما اقول له شي قال لي عندك حافز
طيب قبل ماكان عندي حافز اذا طلبت منه شي يقول خلي اهلك يصرفو عليك انا مامعي
وزواج بن خالي قريب واقول له ابي فستان عطني فلوس بشتري لي فستان يقول مالي شغل بفساتينك اصرفي من عندك وانا عندي جمعية حافز كله يروح مايضل معي الا 250
تزوجت وما اكذب كل مصاريف العرس عليي وابوي ماساعدني بشي ابوي بعد من نفس طينة زوجي بخيل ذهب ما اشتريت لي ذهب لزواجي العرايس كلهم ذهب الا انا ماعندي ذهب ولما قلت لزوجي اشتري لي ذهب مايصير عروس وماعندي ذهب قال لي ليش اشتري ذهب الذهب غالي وانا ماعندي فلوس ، والحين حامل لي 7 شهور اقول له خلينا نقضي للبيبي يقول مامعي صرت انتظر متى استلم جمعيتي بفارغ الصبر حق اتقضى للبيبي احسه مو متحمس ابدا ان راح يصير ابو ، يصير حنون ويقول لي كل شي بوفر لك بس تتحسن الظروف وقت الجماع بس في العلاقه الخاصه يصير حنون معي بالكلام وبعدين بس يخلص ينسى كل شي والله حتى قلبي صار يعورني من كثر التفكير والمشكلة ماعنده قروض وديون وراتبه الحمدلله بس مدري ليش بخيل

ايش الحل مع هذا الزوج

>>>>> ردود الأعضـــــــــــــــــــاء على الموضوع <<<<<
==================================


وعلييكم السسلـآم ورحمة الله وبركاتةة

,*

يمكن عنده ديوووون وقروووض وجالس يسددها حقت زواج ..؟ اسالية

وبخصوص فساتين الي عندك اجريها على بنات حق ليلة مثلن 100 ليلتين 200 على حسب الفستان سهره او زواج او زفاف ونوعة وان رجع مثل ماكان خير وبركة وان رجع مشقق او منزوع لازم يدفعون قيمة اعلى ..


ولاتطلبين اي شيء ماتستفيدي منه .. لان رجال يكره كلمة هات هات هات بدون شكر


250 الي معك اشتري من محل فيه تخفيضات فية اسواق رخيصة اقصد اسعارها معقووولة من سأل ماضاع ..

بعد مايخلص حافزك سجلي في لانك تقدر

https://jobseeker.taqat.org.sa/welcome.html

وتقدرين تسجلين با الضمان الاجتماعي ..

تقدرين تسوين شغل بسيط في البيت جففي قشور برتقال وليمون زين تحت اشعه شمس ولجى العصر دخليها في مطبخ لين تجف ويتكسر معك وبيعيها انتي ربحانة


ملابسك الي منتي بحاجتها تبرعي بها لانك راح تستلمي جمعية واكيد تبين كل شيء جديد .
خصوصا انة فية بيبي جاي بالطريق وتغيرات الي راح تطرا ..



&
لا إِلَهَ إِلَّا أَنْتَ سُبْحَانَكَ. إِنِّي كُنتُ مِنَ الظَّالِمِينَ ..()


__________________________________________________ __________

لا حوول ولا قوة إلا بالله



رفع


__________________________________________________ __________

عليك بكثرة الاستغفار والدعاء لزوجك

وكمان نصائح الاخت بالهداوه نصائح ذهبيه اعملي بيها


__________________________________________________ __________


__________________________________________________ __________