عنوان الموضوع : كيف أبعد هالانسانة عن حياتي انا وزوجي
مقدم من طرف منتديات نساء الجزائر

كيف أبعد هالانسانة عن حياتي انا وزوجي



السلام عليكم
اخواتي ممكن تقولو عني اني زي باقي الزوجات اللي يكرهو عماتهم لكن يشهد علي ربي اني اعتبرتها أم ثانيه لي بعد أمي الله يحفظها
عمتي أم زوجي انسانه طيبه لكن بعض تصرفاتها ماتعجبني لأنها تأثر على تفكير زوجي
والمشكلة زوجي لو أقوله مايصدق فيها لأنها أمه وحتى لما لمحت له عصب

اخوي سافر خارج السعوديه مع أصحابه وهو عزابي وفي يوم كنا عند أم زوجي قال زوجي انا بسافر زي أخوك قلت لا ماتسافر الا معاي وجلسنا نضحك يعني فاهمين بعض انه مزح قالت أمه ( ليه حلال على أخوك وحرام على زوجك ) انقهرت من هذي الكلمة
وهي زوجها بنفس الوقت قالها انا بسافر اذا تقاعدت قالت لا تاخذني معاك ماتروح بدوني
كان نفسي اقولها نفس الكلمه
وكل مانجلس معاها انا وزوجي بس تمدح بنات الناس قدامه هذي جمال وهذي اخلاق وهذي نحفت وهذي مهتمه
وتدقق على جسمي اذا نحفت تقولي نحفتي النحف عليك أحلى
وفي الفترة هذي انا حامل واتعبني الحمل غثيان واستفراغ دوبي ماكملت شهر وتعب زوجي معاي لأني مااحب ريحة الطبخ واكل عندهم مرتين
وفي يوم زاروني قرايبي وزارتني بعدهم وقالت ها شوفي وجهك كيف صار منور عشان شفتي الناس مو حلوة تحبسي نفسك حلو الواحد يطلع ويروح ويشوف الناس وتبغاني أروح معاها حفل زواج بعد كم يوم وانا ساعتين مقدر اجلسهم من بطني
حتى الدكتورة قالت الثلاث اشهر الاولى لازمك راحه لاتتحركي كثير
وطبعا ماهي أول مره تقول كذا قدام زوجي وتسمعه هالموال لدرجة صار حتى هو يقولي نفس الكلام ويقلدها و يقولي انتي نفسيه حابسه نفسك ومافي شك انها بغيابي قايله هالكلمه واخذها منها
مافي احساس بوضعي وتعبي ولسا مامر على زواجي ثلاثة شهور ولا سافرت ولا تهنيت بشهر العسل ومالحقنا نتعود على بعض انا وزوجي
المشكله اني اطلع واروح مع زوجي مطاعم واروح اسواق معاه ومع اهلي ورحت لصديقتي
ومو مالي عينهم

انا كيف أبعد هالانسانه عن حياتي انا وزوجي من غير ماأقطعهم من بعض
وكيف اكسب زوجي وما اخليه يشوف غيري ويشوف عيوبي

>>>>> ردود الأعضـــــــــــــــــــاء على الموضوع <<<<<
==================================


كل ام زوج تفكيرها كذا تحملي ...يمكن اذا جبتي البيبي تتغير .. الله يفرج همك ويعينك ..


__________________________________________________ __________

احمد ربك انها جاءت على قد كدى فيه حموات ربك يستر منهم ملاحظة كلمة هلانسانة على ام زوجك لاتجوز من باب الاحترام اختاري كلمة مناسبة ومهذبة نوعا ما


__________________________________________________ __________

والله فكرت حرمة غريبة منكدة عليكم عيشتكم
هالانسانة اللي تقولي عنها جيه ام ريلج !!!!!!!!! وين احترامج لها ؟ وتقولي تعتبرينها نفس امج !!! امج تقولي عنها هالانسانة ؟!!!!!!!!!!
وبصراحة اكبر المواقف اللي ذكرتيها ما فيها شي كل الامهات جيه يتصرفن
الله يهديج

استغفر الله العظيم الذي لا إله إلا هو الحي القيوم و أتوب


__________________________________________________ __________

ياقلبي ام زوجك تحبك تبغاك تغيري عن نفسك صادقه لانها شايفتك متضايقه عشان كذا تقول لك كذا
انا ام زوجي عصبيه بس حمدلله تحبني ومن ناحيت النحف يمكن تبغاك تهتمي شوي .. وام الزوج سهل تكسبي محبتها تقدري لو ب 100 ريال او علبة حلاوة تسيري انتي غاليه عليها تحبك اكثر وربي نصيحة تعاملي معها والله ام زوجك سهل تكسبي محبتها واذا ما تحبك ما قالت لك انك تطلعي وكذا


__________________________________________________ __________

حبيبتي اولا مايجوز ان تقولي هالانسانه مهما كان يعني انا لمن شفت الموضوع ع بالي وحدة عينها على زوجك مثلا...ماعتقدت انها امه... ثانيا اكثري الاستغفار ستلاحظين كيف سيحبك زوجك ردديها في كلللل وقت... ثم عاملي زوجك بحنان ورقه امزحي امرحي وكان المفروض لمن ام زوجك قالت حلال لاخوك وحرام لزوجك كان قلتي لها بكل هدوء حبيبتي امي انا احب ان اكون مثلك عجبتيني لمن قلتي ان ابويي "ابو زوجك يعني"م يسافر بدونك وانا احببت هالشي فيك قلت اكون مثلك..هكذا تسكتيها وتكسبين زوجك لانه يرى منك الاحترام لها وبنفس الوقت لاتعطيها مجال.. ولو مدحت النساء قولي ابويي" اي ابو زوجك " اختارك يا امي من بين كل النساء الجميلات وانا زوجي اختارني عادي يعني كل النساء خلقهن الله تعالى وياكثر ماهم..الاهم الزوجة المحافظة والمحترمة لزوجها واهلله وانا احبكم واحب زوجي... اختي تعلمي هالكلام بهالطريقة كوني جريئة قولي اللي بقلبك لاااتسكتي لكن بالضحك والهدوء..صراحة انا ضد السكوت بهيك مواقف لان زوجك ح يتمادى اكثر وسبحان الله بعض الحموات الا تخربها ولمن يجي الموضوع على زوجها تكون غير شكل..ويقولون لها ايش اسكتي يعني ليش تسكت ؟؟تسكت الى ان تجيب وحده وتقول لابنها اتزوج هاي على زوجتك.. بلا خيبة... اختي اسمعي نصيحتي تردين لكن بهدوء مثلما وضحت لك..موفقة ان شاء الله