عنوان الموضوع : زوجي وطليقته -لصحتك
مقدم من طرف منتديات نساء الجزائر

زوجي وطليقته



السلام عليكم ورحمة الله وبركاته
يا اخوات باختصار اكتشفت ان زوجي يراسل طليقته(وهي اجنبيه مو سعوديه)هذا الكلام كان قبل فتره طويله كنت جالسه ونسي جواله جنبي ومادري مسكته وهو فاتح الواتس اب وشفت الصدمه ولا كمان يدلعها ,سبحان الي خلاني امسك نفسي واتصرف عادي ,هذا الكلام بعد زواجي بكم شهر واذكر بعد زواجي فتحت لابتوبه اتصفح النت ودخلت الملفات ولقيت رسايل بينهم وصور لها!!قلت هاذي قديمه يمكن نسي يمسحها ومسحتها بنفسي ومادري اذا عرف بهالشي واتوقع انه عرف وطنش ماسوا شي لانه عارف انه هو الغلطان,الزبده جلست فتره متناسيه هالشي والاحظ انه ماوده امسك جواله وكله مقفل جالسه احتسب ان تعامله معي طيب ومو مقصر بشي سافرت عند اهلي فترة وحامي لاني كنت تعبانه مره وجلست فتره اكثر من شهر ورجعت وحسيت ان الوضع مثل ماهو ومره قمت بالليل وكان كانه بيكلم احد ماسمعت الا(مع السلامه)وهو طبعا مايدري اني سمعته ,وسمعت مره مثل صوت اتصال السكايبي ع جواله ولا ادري هل يشوفها ولا لا
ياخوات جلست ابكي بسبب هالموضوع وطبعا بتسالوني اذا عندها عيال باقولكم لا لانه طلقها بعد فتره بسيطه والسبب منها ع حذ ماعرفت منه في فترة خطوبتنا,حسيت الفتره الي راحت ان ماكان بينهم شي بس الي خلاني اكتب لكم امس شغل فلاشه ع الكمبيوتر وشاله ونسي يقفل الملفات وجلست مفتوحه وشفته مصور بعض المحادثات بينهم وحافظها عنده ولقيت صور جديده لها وكلام ماقد قاله لي ابداااا حسيت قلبي عورني مررره ومادري وش اسوي,من امس وانا تعبانه نفسيا واحاول ما ابين رغم انه ملاحظ اني متغيره شوي,وعندي بنوته عمرها 6 شهور ربي يحفظها هي الي ملايه علي البيت ومنسيتني همي ربي يحرسها وانا مو مقصره معه ابدا واحاول حتى ابديه ع نفسي دايما والحمدلله جميله وخلوقه بشهادة الكل حتى اني المفضله عند امه بين حريم اخوانه كلهم قولولي وش اسوي؟
عمري24 سنه وهو 31 سنه,ليش احنا يالحريم مضطرين نتحمل منهم الي مايتحملونه منالو كنت انا الخاينه كان رحت وطي؟؟؟؟؟؟؟؟؟
شوروا علي الله يفرج همكم يااااارب

>>>>> ردود الأعضـــــــــــــــــــاء على الموضوع <<<<<
==================================


استغفري وان شاء الله بتكسبين زوجك بالاستغفار
واصلا مادامت تحاكيه بعد الطلاق فاتوقع مليون بالميه انها طايحه من عينه وانت اهتمي بزوجك اكثر
واهنيك ع عدم مصارحته عشان مايتجرأ ويتمادى قدامك
والله يسخره لك ويكفيه بحلاله عن حرامه


__________________________________________________ __________

أنا مع كلام اختي اللي قبلي....طنننشي كل شي...وربي بيوفقك وينصرك اليوم والا بكره



موفقه يارب


__________________________________________________ __________

ربي يسخره ليكي ويجعلك اجمل نساء الدنيا في نظره


__________________________________________________ __________

الله يهديه ويرزقك الصبر والحكمة


__________________________________________________ __________

ركزي ببيتك وزوجك وﻻ توضحين له شي وحسسيه بانه مستقر في بيته وانه لو عرفتي را ح يروح وطي فما راح يقدر يستمر معها صدقيني .وﻻ تفتشين جواله ترا ما جاب لنا خراب مالطه الا التفتيش ربي سبحانه سمى نفسه الرقيب صفه يستحيل توافرها بكل شروطها في خلقه توكلي ع الله وعيشي حياتك.