صديقتي الكذابه -لصحتك

[aksachli]

عنوان الموضوع : صديقتي الكذابه -لصحتك
مقدم من طرف منتديات نساء الجزائر

صديقتي الكذابه



السلام عليكم

انا بنت عمري 20 سنة متخرجه من الثانوي

دخلت الجامعه تعرفت على هذي البنت اللي يُقال عنها صديقه وتعرفت على بنتين غيرها بس كنت اكلم هذي البنت اكثر من البنتين الثانيات ، وطبعا انا وهذي البنت
ماتوفقنا وطلعنا من الجامعه وضلت علاقتنا مستمرة لهذا اليوم تكلمني بين فترة والثانية بس احاول قد ما اقدر اني اتجنبها بعد ما اكتشفتها على حقيقتها .. المشكلة ومافيها ان تعرفت عليها وارتحت لها وصارت تقول لي اسرارها ومدري طبعا اسرارها صحيح ولا كذب وكنت اقول لها اسراري واعتبرتها اكثر من اخت المهم مرت الايام وهي انخطبت وبعد فترة ملكت
و بعد ملكتها كانت مسويه حفلة بمناسبة ملكتها وعزمت صديقاتها كلهم اللي كانت تعرفهم قبلي بس انا ماعزمتني وقالت لي ماسويت شي ومرات تقول سويت حفله ومن هنا بدا الشك وعرفت انها كذابه و طبعا بس ملكت قالت لي انا انخطبت وسالتها متى الملكة قالت لسى وكانت وقتها ملكت وسوت الحفلة وخلصت وسالتها عن اسم زوجها قالت علي وكانت دايم اذا قعدت معي تذم في صديقاتها القدامى يعني اللي تعرفهم قبلي المهم مرت فترة على خطبتها وانا اسالها متى زواجك وكل مرة تسلك لي تقول لسى ماخلصت تجهيزاتي بعد فترة قالت لي خطيبي بروح يكمل دراسة في الصين قلت لها طيب ليش ماتزوجي وتروحي معه قالت لا ما اقدر اروح واحس صعب الغربه والصين مرة وحده صعب مرة و كانت بين فترة والثانية توريني صور خطيبها ومرة من المرات كنت اتصفح الانستغرام ومريت ع الاكاونت حقها وشفتها منزله صورة وراد عليها واحد اسمه عبدالعزيز ويكتب بالكلام الصيني طبعا عارفين حروفهم انا لفت نظري قلت ادخل واشوف حسابه معقوله يكون هذا خطيبها وكذبت عليي باسمه ودخلت وكانت هنا الصدمه ان نفس صور الرجال اللي ورتني نفسه واسمه عبدالعزيز والناس ترد عليه عزوز وعبدالعزيز انصدمت فيها بقوة واكتشفت انها من جد كذابه ومنافقه ، بعدها بفترة انا انخطبت وسويت الملكة و الحفله كنت طيبه معها وعزمتها لدرجه ان كل اهلي يعني عماتي وخالاتي مايعرفوها سالوني بعد فترة من هذي البنت احس انها حسوده وقلت لهم ذي صديقتي بعد كم شهر تقول لي انا بفك الخطوبه وما ابي هذا الرجال سالتها ليه قالت مو مرتاحه له وبعدها بكم يوم قالت لي عندي موعد بالمحكمه وخلاص ماعاد ابي الرجال وصدقتها وماصدقتها بنفس الوقت بس مشيت لها وصارت دايم تسالني متى زواجك واقول لها لسى ومرت الايام وقالت لي انا انخطبت وفرحت لها وسالتها مين سعيد الحظ وايش اسمه قالت لي عبدالعزيز وسكت عنها لاني شكيت بالموضوع بزياده وكانت وحده من صديقاتي اللي تعرفت عليهم بنفس الفترة كلمت نفس ذي البنت بالواتساب وسالتها متى زواجك قالت لها رجب وانا ايام كنت اسالها تكذب وتقول لسى وكل مرة تقول كلام غير لكل وحده مننا احنا الثلاثه ،، المهم الحين انا زواجي قريب ان شاء الله وما ابي اعزمها وما ابيها تدري وبنفس الوقت ابي احط العد التنازلي زي باقي البنات واحط صور على راحتي كيف اقطع علاقتي فيها وما ابغى اعزمها

>>>>> ردود الأعضـــــــــــــــــــاء على الموضوع <<<<<
==================================

قولي لها انك بتغيري البن حقك ولما تحطين الجديد بتضيفيها وامسحيها من عندك
و سوي اللي تبين و افرحي بحفلتك و باين انها من جد كذابه واحس انها تطلقت وتزوجت واحد ثاني اللي هو عبدالعزيز
لاتخلين عندك صديقه تخاف منك او ماتثق فيك
اتجاهليها ولا تعطينها اسرارك وخليك واثقه من نفسك و تأقلمي مع البنات يمكن تلاقين اللي تفهمك وتفهميها
احسن منها لانها ماهي واثقه منك و تبي تعرف اسرارك بس

__________________________________________________ __________

صراحه نادر ن?قي صديقات نثق فيهم والحمدلله م قد اعطيت صديقاتي اسراري ا? وحدها واعزها والى ا?ن اعتبرها اختي بس انقطعت فتره وحسيت بشوية حزن وبعدها رجعت هي وطلبت رقمي والحمدلله بس م كنت مثل قبل الله المستعان ?كن اذا الواتس سويلها حذر بس بنفس الوقت احسها احراجج حبيبتي افرحي و?حد يهمك والف مبروكك

__________________________________________________ __________

وعلييكم السسلـآم ورحمة الله وبركاتةة

,*


إذا سالتك متى زواجك قولي لسى ولسألت قولي لسى
الين تحس انها ثقيييلة وتقول خير متى طيب قولي لين انتي تتزوجي !


احضريها من الواتساب او غيري رقمك خبري الكل بة الا هي ونبهي صديقاتك مايعطونه المنافقة



+ ترا هي ما نخطبت ولاشي واضح انها تحب رجال ذا ومسوية فلم هندي ؟



إذا ماتقدرين بخصوص الرقم حطية وان قالت شيء لاتردين احقريها وان قالت وش اسم رجال لاتردين
وكمان خبري صحباتك انة يردون بكلمة مدري عنها

يعني ان جات وسألتهم يقولون ماندري خبرنا مثل خبرك
نسألها ماترد والله يوفقها وبسَ

واذا قالت تقرين وماتردين وقروشتك قولي خير مشغوله إذا انتي مشغولة محد زعجك ؟

وان قالت خلاص قرب زواجك وكذا وين مكان قولي لا خلاص بروح محكمة انفصل
بس هذا من شان محد يتشمت فيني ..
&
لا إِلَهَ إِلَّا أَنْتَ سُبْحَانَكَ. إِنِّي كُنتُ مِنَ الظَّالِمِينَ ..()

__________________________________________________ __________

حَبيبـي
إحذفيهآ من أي وسيلة توآصل وريحي رآسكِ وتجَآهلي وإنسي إللي صَآر ..
سوآء تكذب أو لآ على نفسَهآ وربي بيحآسبهآ ، وإذآ جآء وقت وسألتكِ عن موعد ألزوآج قولي لهآ لسه
ألله يوفقكِ يآرب ويتمم لكِ على خير ، صدق حبيتكِ لأنكِ طيوبة وقلبكِ أبيض ، ~

__________________________________________________ __________

ههههههههههههههه ضحكتيني

اذا هي كذابة كذابة على نفسها .. ربي الي بيحاسبها مو انتي

وبالنسبة لها احتمال ما تزوجت ولا انخطبت خذيها على قد عقلها

بس السالفة الي ضجكتني ليش ما تبي تعزميها زواجك يعني خايفة على زوجك ولا ايش

ترا موضوع سخيف وتافه مافي داعي لكل هالسخافة

عادي اعزميها
حسستيني انك مو واثقة من نفسك وخايفة ان زوجك يخطبها

الصراحة مع احترامي موضوعك سخيف
لو بدنا نخاف من هاذي وهاذي كان مابقى وحدة تعرف وحدة

اذا هي عاملتك بالاساءة عامليها بالاحسان هذا خلق المسلم

الصراحة القصة سخيفة والموضوع سخيف ولا يحتاج ضيعت وقتي وانا اقرأه

لو كنت مكانك اعزمها عادي عسى تلقى لها وحدة تخطبها لولدها والا كمان ما تحبين الخير للناس ولا تحبين انها تنخطب
على فكرة هي بتوقف بالقاعة تبع الزواج مو فوق راسك يعني ثقلها على الارض مو فوق راسك

اعوذ بالله

الله المستعان