عنوان الموضوع : بعد المشاكل رجعت تجيني -تم الاجابة
مقدم من طرف منتديات نساء الجزائر

بعد المشاكل رجعت تجيني



السلام عليكم.....
والله مدري من وين ابدء
انا راح اقولكم مشكلتي وابغي الحل المناااسب
انا متزوجه وساكنن عند اهل زوجي في الدور ثاني بيت مستقل
المشكله في اخت زوجي هي بنفس عمري21 س
تجيني كل مايروح زوجي دوام تكلم صديقتها من س8 لين 5 العصر
طول هالفتره معاها علي جوال
ولازم يتفرجو افلام سوا كل صباح علي هل الحال
استغربت فجئه صاررت تجيني كل صباح بس لما يكون زوجي مو فيه تجيني وبس يجي تنزل بيتها
طلعت السالفه يوم تجيني بس علشان تكلم صديقتها واهلها محد داري عنها علشان محد من اهلها يخاصمها انها تكلمها كثير
طول هالفتره الي تجيني
انا والله ماقدر اسوي شي بلبيت وهي رايحه جاايه
حتي البيت اهملته بسببها كل مابسوي شي تجي تسئلني وين الشاحن وين التاب حقك وتعالي ابيك بسالفه تشغلني عن شغل البيت...
.....
وفوق كذا الي تكلمها ع27 واسلوبها زي البويا حتي كلامها
نصحتها وقلت لها مالها داعي تكلمي بنت بلعمر ذا
قالت انا جامعيهه شي ذا طبيعي انتي ماعندك شهاده قلت لها شهاده مو كل شي اهم شي الواحد يعرف يوزن الامور
يعني جامعيه اسوي الغلط ومافهم الصح ؟
المهم بعدها
صارت تقولي كلمي اخوي يودينا موول علشان نغير جو
كلمت زوجي وقلت له قلي طيب ورحنا تعشينا ..
فبعدها مسكتني علي جنب وتقولي قولي لااخوي ندخل بمحل عطور علي انو هيا تبغي لوشن وعطر لها وهو لصديقتها
تبغاني اكذب علي زوجي
فقلت لزوجي ادخل هنا خلنا نشوف المحل ذا
وخذت الي تبي علي حساب زوجي ..زوجي استغرب يقول غريبه تشتري كذا ولها شك بلموضوع
... بعدهااا صارت تكلمني اني احاول في اخوها يوديها عند صديقتها
قلت لها انتي كلميه مو هو اخوك تقولي بيسمع كلامك انتي انا مابيديني وجهه
المشكله تبيني اكذب عليه
وهاذي مو اول مره داايم تقولي كلام وتبغاني اكذب علي زوجي

تقولي قولي له ان اهلي يدرون اني بروح لصديقتي وهي بتقول لااهلها انها معانا تتمشي فهمتو..؟
بتكذب علي طرفين
قلت له اختك بتروح لصديقتها وتبغاني اكذب عليك اختك تفاهم معاها انت
بعدها راحت كلمته قالها اذا بتروحي عندها شيلي وحده من اخواتك معاك عصبت وزعلت وقالت عساني لااروح...
وبنفس اليله ابوها دق علي زوجي يقوله اختك تعال تفاهم معاها بصراحه مزودتها كل وقتها ماسكه الجوال هلكتني بس تطلبني بطايق شحن
فراح كلمها
وفتش الجوال لقي صورها ومتصوره بحمامي بعد
كلمها وقال ليش ترجعي البرامج هاذي مو انا منعتك منها تويتر استقرام والببي وقايل لك لاعاد تتصوري بجوالك
وسحب الجواب منها 3 ايام
راحت كلمت اخوها الثاني ونافقت بينهم وزودت كلام انه شاك انها تكلم ولد
والاخوان بسببها تزاعلو ماقالت انه خايف عليها وخاصمها ليش تتصور كذا
من بعد المشكله ذي قال لاعاد اشوفها عندك ولاتخليها تجيك
نسيت كل شي سويته لها علشان اخذت جوالها من خوفي عليها
والله يابنات يوديها بكل مكان عند صديقاتها والسوق واخليه ياخذها معانا نتمشي لاكن سبحان الله نسيت كل شي

الحين كل مايروح دوام تجي تدق الجرس والباب
والله انفكيت منها فتره ورجعت طفشتني بحياتي احسها بتخرب لي بيتي
تبغاني اكذب علي زوجي وتبغاني اسوي لها الي تبي واذا انصحها تقوم تزعل وتنافخ ماخذه الوضع مصلحه وقت ماتبيني ولا تبي اخوها تجينا
البيت من تجيني اهمله واحيانا تجيني وحدها واحيانا اخواتها معاها
يجي زوجي وحاالتي حاله وعلي كل شي يتلقفو فيه وانا مابغي اخاصمهم ومحترمه عمي وعمتي.. لاكن والله زودوها
انا ابغي اواجها ... واخاف اندم وتصير مشااكل

>>>>> ردود الأعضـــــــــــــــــــاء على الموضوع <<<<<
==================================


لا والله وليش ما تصارحيها
بس اول شي صارحي زوجك بعدين هي
حتى يكون زوجك على علم وما تخلق لك مشاكل
وبالتوفيق


__________________________________________________ __________

فعلا لازم تصارحين زوجج
لانها ماراح تنفعج اذا اخترب بيتج


__________________________________________________ __________

لاتكذبي على زوجك في شي ...وابتعدي عنها ..لاتحتكي فيها كثير


موفقه


__________________________________________________ __________

يجب ان يكون زوجك على علم بما يجري


__________________________________________________ __________

سبحان الله علاقتك مع زوجك زينة

ليش تخربينها بسبب اخته لا تعطينها وجه وقولي لزوجك كل شي

شوفي لو طلعت مع شاب او راحت مع هاذي البوية وفقدت عذريتها او صارها شي بتقول انك كنتي تتستري عليها وبتدخل بالمشكلة وبتطلقين

ابعديها عنك هاذي شر فهمتي شر واجهي اخوك قولي لامها وابوها افضحيها تستاهل افضح هاذي ما تفهم

لا تكذب على زوجك على شانها ابداً ولا تخربي علاقتك بزوجك على شانها ترا هاذي بنتهم وانتي بنت الناس لو اي شي يصير عليها وتجيب طاريكي بالموضوع بطلقونك ويرمونك ببيت اهلك وبتصير لك مشاكل وتضربين وتنهانين

انتي كاتبة في موضوعك انها ما تحترم انك ساعدتيها في اشياء

ترا الي يتخبى عن اهله يسوي غلط ولانتي لا تكونين الستارة الي تغطي غلطها واجهي زوجك بالموضوع وقولي انا مليت من تصرفاتها واخاف يصير لها شي وعشان كذا حبيت اخليك بالصورة وبالامر الواقع وكلم اختك لا تدخلني بحياتها ولا ليش شغل بمشاكلها وليش تجي تكلم وحدة بويا ببيتي لو اختك فقدت اغلا ما تملك ما راح ينفع التهاون

يا شيخة اقلعيها عنك ترا طلاقك على ايدها لانها وحدة طايشة وما تعرف ايش تسوي ولا عاد تكذبي على زوجك على شانها اقلعيها عن حياتك وكل يوم اذا راح زوجك على شغله خليه ياخذك بالطريق معه قفلي الباب وروحيعند اهلك فترة عشان تنقلع عنك وقولي لزوجك اما ننقل من البيت او تبعد اختك عني لان هاذي وراها مشاكل وعلمك ابوك وامك خلي يتصرفون معها لان هذي بتدمر نفسها وبتدمر بيتنا معها وبتصبب للعائلة ازمة

ترا البويا مثل الرجال نفس الشي ولو طلع بإيدها تفقدها عذريتها ما راح تقصر وليش تبغى اشياء من المحلات حقات حريم ياخوفي تروح عشان ترتب نفسها وتضحكي عليكي وتخليكي انتي وزوجك تاخذونها عند البويا عشان تقضي معها شهوتها والعياذ بالله


شوفي هاذي بتدمر نفسها واذا ما ابعدتيعا عنك بتدمرك حياتك معها وتجيب لك الطلاق وتدمر بيتك وزوجك

انا نصحتك وانتي شوفي لك حل

في حفظ الرحمن