عنوان الموضوع : بيت العايله ... إلى أين سنصل
مقدم من طرف منتديات نساء الجزائر

بيت العايله ... إلى أين سنصل



السلام عليكم

اتمنى تنزلو موضوعي بسرعه الوضع لا يطاق :"(
طبعن مالي بالمقدمات ولا شي اسمعوو مشكلتي

انا عمري 19 سنه معروفة بالعايله اني المرجوجه والفله وتقريبا كانو شباب العايله منجذبين لي مدري ليش ...
تزوجت ولد عمي عن قصه حب وهييك طبعن كل العايله كانت عارفه انه يبيني من قبل يخطبنييي لان كان واضح عليه >>>بالعكسس شي حلو بالنسبة ليي

المشكله كانت من بداية الخطوبة
يعني كان اول شي عادي جدا يتصل لي راح اجي عندك وانا انتظره بالبيت بروحي واخر شي ما يجي الا بعد ساعتين بحجه انه كان في " بيت جدي" او بيت العايله

كنت ف البداية ازعل واتقول له ويقعد يبرر ونفس الشي يتكرر صرت اطنش
اذا اجلس معاه غالبا م يسولف كثير او م يعطيني تفاصيل قلت انه يمكن طبعه هيك ... اروح " بيت العايله" يقولو ليي فلان يقول هيك صحيح!! انا انصدم لان م قال لي اقول مدري

ايام م يجي يقعد معاي اقول مو مشكلة مو كل وقته لي واخليه براحته اروح بيت العايله يسالوني وينه اقول مدري يجيني جواب من شخصيات ف بيت العايله يقولو اي هو قال بيروح المكان الفلاني <<<<احسسس حاليي قد النمله . خصوصا انهن يعلقو زوجك م تدري عنه!!

بعد ما حددنا وقت الزواج كنت بطلع معاه نجهز للشقه مر علي ف بيتنا قال لحظه بمر بيت جدي بخذ غرض قلت مو مشكلة وراح و ما رجع الا جايين معاه كم وحده من قرايبنا يقولو بنختار معاكم وجو معانااا وانا ساكته

بداية الزواج كات عندي صدقات ونسيت م عطيته جدتي لانها هي تجمعهمم وتوصلهمم حق ناس محتاجين فقلت له روح خذها لها بس لا تتاخر وكان الوقت اخر الليل قال طيب بس بعطيها وبجي وانتظره انتظره تاخر ... الا اشوف عمي راسل صورته ع قروب العايله ف الواتس جالسس معاااهم ويسولف :$ <<<من اول اسبوع زواج!! لهالدرجه طفش مني

مرات بنروح رحلة مع العايله الصبح ياخذني ببيت اهلي يقول انا عندي كم شغله بقضيها اذا اهلك بيطلعو طلعي معاهم ارسل ليه ترى اللحين بنمشي م بتجي!! م ف رد اروح بيت العايله الاقيه رايح من الصبح وفطر معاهم وكل ابو الدنيا وانا وضعي مثل المزهريه ولله الحمد

طبعن كملت سنه متزوجه الان ومن بداية الزواج الى الان م تجي الساعه 3 الا هو يقول ويش مشينا // لا لا لا م بيطلعني بنروح بيت العايله :$ ... وطبعن لين اخر الليل جالسين هناك ولا ونقفل الباب ورانا كل الناس راحو لان ...

اذا قلت له م بروح يقول ترى انا م احب البنت البيتوتيه <<<<<ارجووووك اللحين الله والطلععه اللي بنروحها
اذا قلت له تروح واجد هناك اقعد معاي شوي بعدين نروح قال انتي تغاري منهم

اقول له انا حامل اللحين احتاج ارتاح يقول عادي ليش انتي قاعده بسس هالشي م يتعب

القاه كاتب في قروب العايله هالاسبوع بروح المكان الفلاني وبعد م الكل يعرف يجي يقول ليي ترى بنروح<<< لا بدري

الصبح غالبا اكون نايمه لان م عندي دوام الا يوم ف الاسبوع وهو يشتغل فاقضي يومي ف النوم لين يرجع او اصحى اجهز الغدا وبعدين اشوفه كاتب ف قروب العايله انه راجع بدري اليوم ولا يجي البيت

وووووو ..... لو اقول م اخلصصصص

عطوووني حل
مرات اندم اني تزوجت من العايله <<<قبل لا يخطبني كنت اول المعارضين لفكرة اتزوج واحد من شباب العايله بس وافقت لاني احبه :"(

>>>>> ردود الأعضـــــــــــــــــــاء على الموضوع <<<<<
==================================


الله يكون بعونك
قلتيها بلسانك بيت العايلة يعني لازم تصبرين
الى ان يتغيير او حاولي تغيرينه وتصارحينه
وبالتوفيق يارب


__________________________________________________ __________

والله يقهر زوجك بس ماادري وش اقول

و لا اظن انه في احد بيقدر يساعدك هنا

زوجك غريب مره
بس بقولك شي
الدعاااااااااااء والاستغفار واللي خلقني تتغير حياتك
استغفري كثيييير و ادعي الله بإلحاح ولا تستعجلي الاجابه

و ان شاء الله يا رب انه يحن عليك ويتغير للاحسن


__________________________________________________ __________

استخدمي الي في الصورة الي بتوقيعي

ان شاء الله ينفعك


__________________________________________________ __________

الله يكون بعونك ترى فعلا الزواج من الاقارب مو حلو لكن ماينفع الآن حاولى اتغيريه ودوام الحال من الموحال.


__________________________________________________ __________

الله يكون بعونك