عنوان الموضوع : الحين هذا هو الزواج الي نصحونا فيه الطبيب يجيب
مقدم من طرف منتديات نساء الجزائر

الحين هذا هو الزواج الي نصحونا فيه



قوه بنات اخباركم بكتبلكم مشكلتي وارجو بس المتزوجات يجاوبوني لان مجربين الزواج وعارفين الحياه الزوجيه انا تزوجت صارلي للحين سنه تقريبا زوجي زين يصلي والحمدالله مافيه شي مشكلتي هي ان زوجي صارلي سنه معاه والله يابنات كل شهر تقريبا يقولي انا مابيج وبطلقج ومومرتاح معاج طبعا هذا الكلام يقوله لي وقت مانكون متهاوشين وانا وياه والله كل اسبوع تقريبا متهاوشين على شنو والله انا نفسي مادري يسوي من الحبه قبه على قولتهم حابسني طول الاسبوع مايطلعني وفوق هذا دوامه نظام شفتات يعني يظل يوم كامل محجوز كل اسبوع واضل وقتها بروحي بشقه لما اقوله باجر دوامك قطني بيت اهلي يقولي لا لارحت الدوام روحي مايصير تروحين وتخليني زين اذا هو راح ماعندي احد يوديني لبيت اهلي انا ماعندي اخوان وابوي رجال كبير مومعقوله كل اسبوع يجيني يوديني ويردني لان هم حضرت مايرضا انا عند اهلي يعني اروح بعد مايروح واجي قبله!وفوق هذا يوم ااخميس اهلي مثلا بروحون بيت يدتي ولا بيطلعون بحر نغسي اروح معاهم انفس شوي عن ملل الاسبوع يسويلي سالفه ويضل يزعل ينطرني اراضيه وفوق هذا علقد ماطبخ اكشخ البس انظف مايبين بعينه واليوم رد من دوامه وانا نفسيتي صفر من الملل والضيق الي فيني وفوق هذا بدال مايطيب خاطري بكلمتين سوالي سالفه ليش اني قتله باجر بروح لهلي وقالي شييلي اغراضج وروحي بيت اهلج مابيج بطلقج قتله تبي الصج حتى انا مليت خلاص زهقت كل شوي يهددني بيطلقني وانا انكسر قدامه وابجي ويطلع ويخليني ويجي بعدين ناسي سالفة الطلاق لكن هلمره انا خلاص قالي كلام والاه يجرح حيل تخيلو ان قالي اني قذره ووسخه وقالي حتى وقت لما انام معاج احس اني نايم مع قح** من القح**الي كنت انام معاهم قبل الزواج!تخيلتو كلامه قتله ليش طلبت منك تنام معاي من ورا لاسمح الله عشان تقول نومتج قذره ولا ليش اني امتعتك واسويلك كل شي يتمناه اي زوج تسويه له زوجة انت حلالي صرت ااحين قذره؟ جان يتفشل ويضيع الموضوع وقالي اصلا انا مااتمتع معاج وانتي بارده يبي يرقع موقفه لان جذاب وانا ادري ان مرتاح معاي وااحين طلع وخلاني عاساس يطلقني باجر الصبح وانا ادري ان تهديد نغس كل مرا وماراح يطلق لكن هلمره انا خلاص مليت ناويه الطلاق صج دام للحين ماعندي اطفال منه مليت منه ومن كلامه الجارح حياتي معاه خوف ومافيها امان احس باي لحظه ممكن ان يطلقني كل مشاكنا بسبت تكبيره وتهويله للامور ويدخل خواته باي شي بينا علبونت بياخذ رايهم زين ليش تفضحنا قدام خواتك والمشكله خواته يمشون ويسولفون كل العائله درت عني وعن المشاكل بيني وبينه حتى بسفر تهاوشت انا وياه ومن رديت من السفر قمت اصلي الاستخاره بين فتره وفتره عشان اختار الطلاق او العيشه معاه لكن ماحسيت باي شي كل طول الشهرين تصير مشاكل بينا بس مااحس بشي انا ضايعه ومحتاره والله مادري شنو اقرر انا صغيره عمري 20 واحس اني ضيعت نفسي وراح اصير مطلقه وانا بهلعمر شورو علي يامتزوجات شسوي تكفوون نزلو موضوعي باسرع وقت واتمني من المشرفه بيكاز تعطيني حلول وشكرت لكم

>>>>> ردود الأعضـــــــــــــــــــاء على الموضوع <<<<<
==================================


خلي متزوجات يفيدوج
مثل ما طلبتي
ررررررررفع


__________________________________________________ __________

بصراحه و اسمحي لي زوجك مو محترم
فيه زوج يقذف زوجته بهالألفاظ؟؟؟
هذا قذف وتقدرين حتى تشتكين عليه..
عليك بالدعاء في اخر الليل
ربي يفرج همك


__________________________________________________ __________

والله العظيم كأنك تتكلمين عن زوجي من ناحيه التهديد بالطلاق ومن ناحيه انه حابسك بالبيت بس الفرق ان زوجي ما غلط علي ولا الباقي كله نفس الشي واخر شي طلقني ومن غير اي سبب ابد وكنت نفسك عمرك نصيحتي لك يا اختي وما ودي اخرب بيتك لان ابغض الحلال عند الله الطلاق انك تتطلقين قبل لا هو يطلقك لان هالنوعيات ما ينفع معهم شي ولا يقدر زوجته طيب ما تحب زوجتك احترمها ليش جرح هالمشاعر انا الحمدلله الحين ربي رزقني زوج ثاني والحمد لله يا رب ما انكر ان عاطفته شوي قليله بس اللهم لك الحمد محترمني احترام قوي و يطلعني و معاملني ك زوجه بالتي هي احسن والف الحمد لله يا رب مع العلم ان زوجي الاول كنت اعشقه حتى لاخر لحظه وانا اترجى اخته انه ما يطلقني بس ما فاد شي يا اما تقعدون انتي وياه وتتفقون على حل بينكم وانه يغير من طباعه وتصرفاته يا تتطلقين انتي منه ابرك من ما يجرحك زياده والله يسهل امرك و يكتب لك الصالح وين ما كان


__________________________________________________ __________

يمكن عقله صغير وتوه صغير ويشوفك متعلقه فيه ومن كذا صار يهددك
بصراحه مدري
بس فعلا مسألة جراءة الزوجه في الفراش تخلي الزوج ينقد عليها صح يستمتع معها وقت الفراش بس مدري احس تطيح من عينه ويشك فيها بعدين!
انا اقول تكلمين امك في حال كانت حكيمة وتعرف تتكلم انها تمسكه وتعطيه كلمتين تهزه وتحسسه بقيمتك
وبعدين بسألك لما تجلسين معه في وقت ود ماتسألينه عن تصرفاته اذا فعلا يعنيها ولا لا؟
وبعد الهواش الزايد ترا ماله سنع انت حاولي تتجنبينه عشان ماتنحطين في هالمواقف
والله يسخرلكم يارب


__________________________________________________ __________

اول سنتين من الزواج هي اخطر سنوات الزواج للمتزوجين وبدايت مشوار حياتهم وتعارفهم مع بعض لذلك كل واحد كتشف الثاني وبعدها يقرر اذا يقدر يعيش معاه او لا في ناس تتطلق من اول 3 شهور وناس من اول اسبوع لكن بعض النساء ماتدري ان كلام بعض الكبار في السن والنساء والعجايز فيهوايد اشياء غلط مثلا ان او شهر عسل وباقي الحياه تعيسه وبصل ونقمه على المره وان الرجل تروح كل صفاته الطيبه منه


لا بالعكس المره هي اللي تعود زوجها على كل شي على الحنان والكلام الحلو والنظافه والترتيب والاتكيت والرقي ممكن تاخذ الريال وسخ لكن تسويه نظيف وراقي ويتعود على هالشي الحين انتي تقولين ان زوجج يسوي الشي الصغير كبير كل مره طيب شنو هالشي اللي في نظرج صغير وفي نظر زوجج كبير وكل مره !!!




الشي الثاني ليش ماتتفاهمين معاه على المشكله بعد ماتتراضون او لما يرجع او حتى لو بعد اسبوع الشي الثالث انتي ليش ماتشغلين نفسج بنفسج عنه ليش ناشبتله خليه هو يركض وراج اشغلي نفسج في حياتج جيبي لج مدرسه في البيت ادخلي كورسات دورات تجميليه اقعدي على النت اشغلي نفسج في قران في قروبات الواتساب تفنني في البيت سوي اشيا يشوفها لكن لاتقولينله سويت خليه بروحه يجي يشوفج مرتبه ومعدله ومزينه


اهتمي في نفسج اكثر يمكن كان له علاقات سابقه وكان يشوف بنات الحرام على سنقه عشره من كل النواحي وهالنواحي ماشافها فيج راجعي نفسج بعد كل مشكله اذا مالقيتي اي غلط فيج يبي له تغيير خلاص اشتغلي عليه وحاولي معاه


بعض الرجال صعبين جدا في التغيير ويمكن يكون مضغوط من الشغل اقعدي معاه جلسات نقاشيه وايد خليه يفضض يقول اللي بخاطره اساليه شنو تبيني اغير في نفسي


وياحريم لاتخلون الرياييل يمسكون عليكم شي ترى الرياييل من النوع اللي ماينسى ويظل يحن على راس المره لين يبط جبدها ... مثلا اهمال في نفسج او البيت او تقصير في واجباته في اكله في مرضه حاولي قد ماتقدرين انج تشيلين الكسل من حياتج والمماطله ابدا لاتكون في حياتج مع زوجج


وبالنسبه لمساله الجرءه في الفراش انا اشوفها عادي ومساله عاديه وهذا قاعده تسوينه بالحلال لكن اذا يشوفج كبنت حرام من اللي كان يستمتع معاهم معناه هو ينظر لج هالنظره ومايستحق التقدير فاانتي تغير طريقتج تمامن معاه يعني من جراءه الى تصرفات عاديه خليه يلاحظ التغيير والبرود علشان يطلب منج بعدين اللي يبيه لازم تجلسين معاه وتقوينله انت شتحب في الفراش وشتكره لازززززم تعرفين زوجج وتدرسينه عدددل صحيح كلامه جارح ولا يطاق لكن عيشي حياتج وكوني دايما مستانسه ومتفائله بتجوفين الفضول في عينه انه على النكد اللي يسويه انتي فرحانه وسعيده


واذا ظل على ماهو عليه يبه بيت بوج اكرم لج واحسن لج




واتفق مع كلام الاخت روح حنونه