عنوان الموضوع : مشكلتي مالها حل حرقت قلبي مجابة
مقدم من طرف منتديات نساء الجزائر

مشكلتي مالها حل حرقت قلبي



مرحبا اخواتي الكرام اتمنى منكن تردن على موضوعي وتحاولن تساعدني باقتراحاتكن ولا تكتفن فقط بالمرور انا عمري 30 متزوجه من 6 شهور وعندي ولدين من زواج سابق استمر 8 سنوات لكن انتهى بتدخل اهله الدائم بيننا وعناده وقلة اهتمامه المهم مرت 3 سنوات وانا مطلقه كونت نفسي فيها من الاول بحثت عن عمل وعملت في وظيفه حكوميه والحمد الله واستقليت ماديا عن اهلي وحصلت على بيت لي ولاولادي والحمد الله لكن كنت اتمنى الله يعوضني برجال يهتم فيني ويشل عني المسئوليه واحس معاه بالامان خطبني زوجي الحالي عن طريق اخوي صديقه المقرب ولا كنت اعرف عنه غير كلام اخوي اللي يمدحه وخلاه ملاك في عيني وعين اهلي قالي مطلق زوجته وعنده منها اولاد لكن مع اهله وطلقها لانها مريضه وكانت تريد تتعالج واهلها طلبوا ذلك المهم انا استخرت ووافقت لكن انصدمت ان كلام اخوي كله كذب نعم زوجي كذب عليه وهو صدق لانه من منطقه بعيده ولا نعرف عنه شي حاولت اسال عنه لكن ماعرفت شي من اول اسبوع زواج مشاكل مع طليقته اللي اكتشفت انها ما طلقها ورافقه عليه قضية خلع ولا يريد يطلقها وعنده سبع عيال منها واخذ حضانت الاولاد بالمكر والخديعه وحرق قلب زوجته الاولى كنت حزينه على نفسي وعلى زوجته واولاده ندمت الف مره لاني وضعت نفسي في هالحال بعدين قالي تسكنين مع اولادي لانهم لوحدهم في منزله فقلت له لا نحن شرطنا من الاول انا ما ادخل في اولادك ولا اطلع من بيتي واخلي اولادي مالهم ذنب المهم حسيته ندم على انه تزوجني وكل يوم يلمح بهالشي قدامي ويحرق قلبي كيف اخليه واطلق مره ثانيه كيف بواجه اهلي واقاربي ما كملت معاه 6 شهور وهو اشوفه كل اسبوعين يومين بس ويروح عند اولاده واهله صار كانه زواج مسيار ولا له دخل في البيت ولا في شي ولا مسئوليه ولا بطيخ وين الامان اللي كنت اريده ورجال اعيش معاه مرتاحه ويشل عني المسئوليه ويهتم فيني والله مرات تمر اسابيع ما يتصل فيني ولا يسال عني وانا بروحي في بيتي والمصيبه انه يحاول يرجع زوجته الاولى بكل طريقه واهيه رافضه اتصلت علي وقالت مستحيل ارجع له لاني اهانني وضربني وطردني من بيتي قدام اولادي خليه يفكني من مشاكله ويخليني اعيش حياتي مع اولادي خليه يرجع لي اولادي ياربي انا تعبت من هالشي والحين انا حامل في شهري السادس ونفسيتي زفته واهلي يقولون تحملي ولا تطلقين احس اني مقدر اصبر عليه خلاص امه تعبتني تتصلي وتقعد تسب في ولدها وتقول ليش يشيل اولاد زوجته ويحرمهم منها وبناته يبكون قدامي يريدون امهم ويسبون فيه وقدامه ما يتجرؤون يتكلمون بكلمه وانا ما ادخلت بشي كاتمه في قلبي وساكته بس اللي يقهرني انه على طول ايجيب في سيرة زوجته بالعاطل ويسبها قدامي انا ما احس بالامان معاه اخاف يسويبي كذا نفس زوجته بعدين ويحرمني من ولدي اللي في الطريق ساعدووووووني ارجوكم انا تعبت من التفكير

>>>>> ردود الأعضـــــــــــــــــــاء على الموضوع <<<<<
==================================


حبيبتي انتي مالج ذنب باللي يصير مع زوجته وانها طالبة الطلاق
لانج ما كنتي تدرين انه ما طلقها
بس اللي استغربت منه انه السبب اللي قاله عن الطلاق يبين انه واحد ماله امان ومع هذا وافقتي عليه ( يعني طلق زوجته لانها مريضة ! بدل ما يتمسك فيها ويكون سندها بهالدنيا )
ممكن تفهميه بكل هدوء انه كلامه عن زوجته بالسوء ما يعجبج و انج لو كنتي مكانها بتسوي نفسها لانه ما فيه وحدة ترضى انه زوجها يتزوج عليها ... واذا قدرتي تصلحي بينهم و تخليها ترجع له بدون ما تطلقين انتي ولا هي يكون فيج خير
و ما انصحج تطلبين الطلاق لانه مالج الا 6 شهور وياه وما تدري يمكن اموره مع زوجته تنحل

استغفر الله العظيم الذي لا إله إلا هو الحي القيوم و أتوب إليه


__________________________________________________ __________

والله مادري شقولج
بس واضح ان من النوع الي يتعلق باطفاله
يعني لو تطلقتي من ماراح يترك طفله الي انتي حامل من

نصيحتي لج تستمرين معاه وتسكنين ببيتج مع اطفالج
اهم شي اطفالج


__________________________________________________ __________

حاولي تكلمينه وتنصحينه
عالاقل يخلي الاطفال يشوفون امهم وينامون عندها كل ويكند


واذا رفض طبعا راح يتحاسب
ومصير الاطفال اصلا لكبروا وتزوجوا يزورون امهم
وراح يكرهون ابوهم اكثر لان هو السبب


__________________________________________________ __________

اكبرغلطة انك حملتي ليش استعجلتي تشوفين عن نفسك


__________________________________________________ __________

الله يعينك
رفع