عنوان الموضوع : ساعدوني 6 شهور زواج و بدي اتطلق ... بدي جواب سريعع -تم الاجابة
مقدم من طرف منتديات نساء الجزائر

ساعدوني 6 شهور زواج و بدي اتطلق ... بدي جواب سريعع



السلام عليكم ورحمة الله وبركاته

انا محتاااجة لمساعدتكم و اي واحد بيرد و بيساعدني و الله و الله بدعي لو من قلبيييي

انا بنت لبناينية عمري 20 سنة مخلقة و متديينة و جميلة و الحمد لله

عايشين طول حياتنا بلبنان بس انا دايما بطلب الله لنجي عالسعودية

لانو نحنا عائلة محافضة كتير و انا طوول عمري احلم سوي نقاب و

اجي كمل دراستي فهالبلد يللي بحببو كتير كتير

المهم سهلنا الله قبل سنتين سوى بيي انتقال لهوني للسعوديي و

انا تنقبت الحمد لله من لماكان عمري 18 لاني قبل كنت مسويي

حجاب شرعي بس كان بيخلق لي مشاكل خصوصا الحمد لله ربي

ميزني بصفة الجمال كانو ديماااا معاكسات من الشباب ولو بحجابي

وقفازاتي يعني بخلو المتبرجات و يجو للملتزمات المهم

جينا هنا انا و امي و بيي وخيي الصغير عمرو 9 الحمد لله و درست سنتين و ختمت القراان و لله الحمد

و انا صراحة دايما بطلب ربي عانو اهلي يضلو هوني و انا اتزوج متديين بالسعوديه ....و جا خطبني واحد قبل شهور و هو متزوج و اكبر مني ب15 سنة متديين و ما شا الله و ميسر كتير فخبر بيي كان بالملحق مع صاحبو انو بدو ياني المهم بيي خبرني فحبييت ووافقت على النضرة الشرعية فكان توافق فوافقت عليه بس صراحة هو متزوج للاسف انا ماكنت رح وافق بس لما شفتو ولو مو وسيم ابدااا دخل لخاطريييي كتير المهم صليت صلاة الاستخارة و على فكرة انا وافقت و متأكدة 100 بالمية انو أهلي بضلو معي بالسعودية

المهم سبحان الله ع فكرة انا غيووورة مرة بس ما بعرف كيف انا وافقت عنجد المهم تزوجنا و هاي ألنا فترة يعني طويلة شوي صراحة اكتشفت انو متكبر و عمرو ما مدحني و لامدح جميلة حتى بيخجل مني لما و الله ما بحسسني اني زوجتو بس هو داايما بيئليي انو بيحبني بس ما بيمدحني لدرجة انو بضل اشكرو كتيير ليشكرني ولو انى ما بحب السمر لاني بيضة و مع دلك إلت لو مرة انا بحب الرجل الاسمر بحسو رجل عنجد فألي اي احسن من الابيض و ضل يمدح فحالووو والله ملييت منو حتى ما بيشوفني الوئت كلو و هوي ماسك جوالووو مهما لبست متل لبست فستان مغري كتل لبست عباية متل بعض المهم انا


الموضوع انو اهلي رح يرجعو علبنان و انا بفكر اطلئ منو يعني ما بئدر اتحملو ولو مافيه عيوب كتير بس اناااى ما بئدر عيش بلا أهلي و مع هااد لااء انا بدي زوج طول الوئت يمدحني بس بللي فيي و يجبنيي عنجد و عيونو ماتنزل مني و هالمواصفات مااافيه يمكن لاقيهم فحدا تاني بس صراحة هوي دايما بيئلي انا بحبك داايما

و مشكلة تانية انا مابدي زوجي يكون متزوج غيري رح تسألوني وليه اتزوجتيه من الاول ... اي تسرعت و قلت هو متدييين و مو وسيم رح يشفني جميلة بس ما بضن انييي اخدت القرار الصحييح


سؤالييي لو سمحتم ايش اعمل هلأ
اطلقو لانو لسا وراقي ما كملو بالسعودية .. في عقد زواج بس اواق الاقامة و هيك لسا يعني زوجتو ما بتعرف ... ازا طلقتو بروح مع اهلي للبنان رح يروحو اقل من شهر ولا ضلني معوو

انا بحب اهلي و ما تخيلت يوم فارئهن و صدمني بيي قبل ايام لما خبرني انو رح يرجعو امي حكيتلها مشكلتي أمس وخبرتني : هيدا قرارك انا كمان ما حابا فارقك لانا هي كمانا انصدمت لما عرفت انو بنرح علبنان



هلاءؤ سااااعدوني شو اعمللل لوسمحتتم اطلق ولا لا

>>>>> ردود الأعضـــــــــــــــــــاء على الموضوع <<<<<
==================================


ابغض الحلول عند الله الطلاق وانا ماني شايفة مشكلتك بالمشكلة العويصة اللي بتوصل لدرجة الطلاق مفارقت اهلك الله يصبرك عليها و هذا نصيبك اما عن زوك فأنا من رأيي صارحيه و خبريه انك متضيقة منوا
وكلي امرك لله و صلي صلاة استخارة
الله يوفقك


__________________________________________________ __________

انا لو كنت مكان الادراة كان ما نزلت المشكلة اصلا
اعرف رح تعصبين مني لكن هذا حقيقة
زوجك لا يضربك ويقول لك احبك
ولك بيت وحدك وما مقصر
معاج
مشكلتك انك مراهقة وتحبين تركضين وراء اهلك
لما كنتوا في لبنان حبيتي تزوري سعودية وتستقري فيها
ولما اهلك قررو يرجعوا للبنان انتي كمان قررتي برجوع للبنان\انتي زوجة مو صاحبة قرارتها
يعني تعملين الي يقول لكعقلك فقط
تزوجتيه لأنه سمرا
وما حبيته وفوق كل هذا انتي زوجة ثانية
وبعدين لو رحتي للبنان
ما فكرتي بقلب رجل
لا تكوني انانية
وتقولين انا اريد زوجي لي وحدي شوفي انانية بين سطور كلامك
انتي الي تقبلتي الحياة كزووجة ثانية وانتي تبينه يكون لج فقط
بدلا ما تريدينه لك وحدك فكري بحالة زوجته
واقتنعي بلي انتي فيه اقتنعي
القناعة كنزا لا يفنى


__________________________________________________ __________

حبيبتي زوجك ما بنتبه إليك بطبيعة الحال اليه زوجة قبلك بعني مارس معها كل طقوسه وشاف كتير ويمكن ماكان في فرق عشان هيك مابيهتم لهاي اﻻمور بس انتي الي قررتي تزوجيه وفي النهاية هاد قرارك


__________________________________________________ __________

صدقيني قد ماتالمتي اﻻ انوالم زوجته اﻻولى اشد واقسى بمليزن مرة


__________________________________________________ __________

لبنان مش بعيد عن السعودية بتنزلي كل فترة
ما تتسرعي اعطي حالك فرصة احس تندمي
وبحال ما قدرتي تركيه بالنهاية كلو نصيب