عنوان الموضوع : وش حليتي لاقلبي تعلق بأحد غير خطيبي الطبيب يجيب
مقدم من طرف منتديات نساء الجزائر

وش حليتي لاقلبي تعلق بأحد غير خطيبي



السلام عليكم

في شي بقلبي وودي أنكم تساعدوني
انا انخطبت قبل فتره وكنت معجبه بواحد وبنيت أحلامي كلها معاه
حتي تخيليت أولادي معاه وآيش بنسيميهم،، وع فكره هو يمكن ما عمره حتي سمع عني يعني باختصار مايعرفني
بس انا اسمع عنه دائم وانعجبت فيه من لما يتكلمون كلهم عنه
ع فكره ماعمري كلمته أو شي زي كذا
المهم بعد فتره انخطبت وع طول وااافقت مع اني كان قلبي معلق بهذاك بس مدري ايش حصل لي
الحين قلبي مع هذاك لدرجه دموعي ما تفارقني
الي خطبني شاب ماشالله عليه أخلاق وكل شي
بس قلبي مو بيدي
أشوف هذاك فيه كل المواصفات الي اتمنااااااهها
ياناس مو قادره أحس تفكيري كله وحياتي انرسمت ع الشخص الي أنعجبت فيه
قلت يمكن بعد الخطوبه قلبي يتعلق بخطبيبي بس ماقدرت
كل تفكيري مع هذاك وكل ما اتخيل انه بيتزوج احد غيري بنجن
انا دائم ادعي ان الله مايعلق قلبي بشي مو من نصيبي
بس مع ذلك معلق بهذا
أخاف اظلم ولد الناس
مع العلم اني استخرت أكثر من مره
وزواجي قريب
الله يخليكم ما ابغي احد ينتقد
عطوني رأيكم
دموعي هذي الأيام تنزل بكثرة من هذا الموضوع
ع فكره حاولت افركش وقبل ما افركش استخير ويحاولون أهلي يقنعوني و وافق بس ما اقتنع بكلامهم
هما مايدرون بالقلب والي فيه
في احد كانت تحب احد ولما تزوجت حبت زوجها او لاقت صعووووبه؟؟؟
آسفه ع الاطاله

>>>>> ردود الأعضـــــــــــــــــــاء على الموضوع <<<<<
==================================


ياقلبي الله يعينك مالك الا الدعاء دايم ادعي ان الله يسخر قلبك لخطيبك
بعدين خطيبك شاريك خطبك ويبيك اللي تحبينه مايدري عنك
ﻻزم تفكرين ان في فرق بين انسان شاريك وانسان مايدري عنك
وعليك بالدعاء والاستعفار وتجهزي لزواجك ان شاء الله تطلعين احلى عروس


__________________________________________________ __________

اسئلك سؤال بالله جاوبي عليه؟
لو فركشتي خطوبتك
راح يتقدم لك الي تحبينه وقلبك معلق فيه؟
الجواب لا
طيب
الحين خلينا نتخيل انو خطيبك تركك اقصد انتي تركتيه وفركشتو الخطبة
وخطبك شخص ثاني غير عن الي تحبينه وما يدري عن هوى دارك؟
وش تعملين
؟؟؟؟
اتمنى تعملين تعقيب وتجاوبين على هل سؤالين
ما اعرف ليه تبون تخربون بيتكم بايدكم


__________________________________________________ __________

اختي هذا حب خيالي ومن طرف واحد ويريت تشيلي هالافكار من راسك وتشوفي حياتك


__________________________________________________ __________



خلي عاطفتك ع جمب
عمري فكري معايد
الحين لما تتزوجين شخص و تكتشفين انه يحب بنت عمه
و تزوجك بس عشان عمه رفضه و عشان ينسى بنت عمه
شلون طبيعه حياتك معاه بتكون ؟
كل مالبستي وكشختيدراح تنكسرين تقولين ما راح ينساها
وكل كلمه يقولها لك بتفسرينها شيء ثاني وتقولين المفروض يقولها لحبيبته مو لي انا
راح تنحرقين من داخلك كثير ..

نفس الشيء لما يتزوجك شخص و انتي مو جايبه خبره
و متعلقه بغيره
و المصيبه ان غيره ما يدري عنك
يعني لو يدري قلنا ممكن تهون ، بس انه ما يدري

- لنفرض مثلاً :
انفصلتي عن خطيبك و هذاك اللي تحبينه خطب وحده قريبته و شاف حياته
شبتسوين ؟؟
بترجعين خطيبك الاول ؟
او مثلا تزوجتي خطيبك هذا و بعد الزواج لما يسولف معاك
تمللين و تتخيلين هذاك و تفكرين بعيالك لو انهم من هذاك
و بالاخير هذاك بيتزوج ..
و بعدها بترجعين لحياتك الطبيعيه مع زوجك
و زوجك وش ذنبه ؟ كنتي مو متقبلته كل هالفتره
بس بعد ما هذاك تزوج استوعبتي واقعك و حبيتي زوجك
مو بهالحاله زوجك مظلوم وماينلام ؟
نفس المراه اذا تتزوج شخص متعلق بغيرها ،

انا اقولك حبيبتي
طلعي هذاك من بالك دامع بالحالتين ما درى عنك
و حبي زوجك اللي شاريك و يبيك
ولا تضيعين الفرصه من يدينك
مو كل مره تلاقين شخص ع هواك
و هذاك ادعي ربي انه ينسيك اياه و يقذف بقلبك حب الله و حب زوجك
او لو ما دعيتي
تجاهلي طاريه و التفكير فيه ..
خلي تفكيرك بنفسك و بزوجك و تجهيزك
عشان ما ينشغل بالك كثييير بشيء مو لك ..


الله يوفقك يارب و يسعدك ويكتب لك اللي فيه الخير


__________________________________________________ __________

ذكرتيني بوحده اعرفها الله يذكرها بالخير ......كانت تقولي انها تحب واحد بس هو مايعرفها يعني مثلك من بعيد لبعيد وتراقبه وتدخل حسابه بتويتر ومتعلقه فيه كثير ومو قادره تنساه ....نصحتها كثير تنساه وتشيله من راسها كانت تتمناه زوج لها.....وللاسف هذي الدنيا ماتاخذين غير نصيبك ....شخص مايدري عنك ولاتكلمتي معاه ليه تعلقين نفسك فيه؟!!! انا ماقتنع بالعلاقه اللي من طرف واحد !! لو قلتي ان بينكم حب متبادل كان عذرتك ومالومك .....بس واحد مايدرري عنك يصطفل ياشيخه انسيه ولاحتى تاسفين عليه انا شخصيا عشت هلاحساس في طفولتي بس !! والحين كل ما تذكر اضحك ....يعني لاتعذبين نفسك ع الفاضي دام هو ما سعى لك بكل بساطه تقدرين تنسينه ....واحمدي ربك ان مابينكم حب لان فراق الحب اصعب بكثير من اللي يكون من طرف واحد ......وخطيبك اذا هو طيب معك لاتخسرينه بسبب واحد مايدري عنك ولاتعنين له شي ...دايما حطي ببالك انك ماتعنين له ولاااااشي بكذا تنسينه ببساطه والله يوفقك ويتمم لك على خير