عنوان الموضوع : موقع العفاف بس خايفة الطبيب يجيب
مقدم من طرف منتديات نساء الجزائر

موقع العفاف بس خايفة



السلام عليكم ورحمة الله وبركاته

انا عزباء وعمري 31 سنة، ولحد الآن محد طق باب بيتنا يطلبني زوجة على سنة الله ورسوله.

بالرغم من اني عايشه حياته وما افكر بالموضوع كثير بس في الايام الاخيرة حسيت ان العمر مضى وانا نفسي يكون عندي مملكتي الخاصة واجيب لي ضنى يملى علي الدنيا.

بدت المشكله تتعبني نفسيا وصار عندي ارق وما انام الا 3 او 4 ساعات في اليوم. خاصة اني موظفة واشوف البنات قدامي اللي تنخطب واللي تتزوج وكل اللي معاي في القسم تزوجوا ما عدا انا، وبدات تطلع عليهم نظرات الشفقة وفي نفس الوقت نظرات الخوف مني اني مثلا احسدهم على ازواجهم او اولادهم وانا والله ما افكر في اني احسد غيري ولله الحمد. حتى لما ادخل عليهم وهم يسولفون في مواضيع الزواج او الاولاد يغيرون الموضوع مباشرة وطبعا غير كلمات اللمز مثل (متى راح تتزوجين يا بنت وغيره وغيره)

عموما ما ابغى اطول عليكم، بس لفت انتباهي موقع اسمه العفاف للزواج بإشراف شيخ اسمه الهويمل. فكرت ان اسجل معلوماتي بس خايفة من الموضوع.


فأيش رايكم اخواتي. هل انتظر نصيبي ؟ او اني اتوكل على الله وادور على ولد الحلال بنفسي من خلال موقع العفاف؟

>>>>> ردود الأعضـــــــــــــــــــاء على الموضوع <<<<<
==================================


رفع


لااله الا انت سبحانك اني كنت من الظالمين


__________________________________________________ __________

استخيري وشوفي
اسأل الله العظيم ان يرزقني اللي في بالي ويرزق خواتي ويرزقك بالزوج الصالح عاجلا غير اجل


__________________________________________________ __________

بصراحه انا كنت بالموقع من فتره طويله مالقيت الجديه
وبعدين حذفت الطلب وارتحت اذا الله كاتب لي الزواج باخذه
والاغلبيه اللي هناك متزوجين ويبونه سري او المهر 15 الف او بدون مبيت او يبون موظفه عندها بيت يعني باختصار ماخذها طقطقه وبديل اذا زوجته ولدت او سافرت

سجلي وجربي حظك بس انتبهي منهم لايلعبون عليك
هم مايطلبون رقمك ولا شي حطي مواصفات الطول والوزن والعمر والاصل
لاتحطين معلومات شخصيه مثل رقمك واسمك
واذا حصلتي الجاد وارتحتي له ذيك الساعه يتواصلون معك المشايخ وياخذون رقم ولي امرك


__________________________________________________ __________

انا متردده انصحك تسجلي او لا لان اصلا ما ادري وش هي قصه هالموقع بس ياختي

دامك موظفة و سايرة على النهج الصحيح والقويم ماعليك من كلام الناس

لان الناس حتى الميت حكوا عنه

خليك بثقه وترنم في عملك ماعليك منهم ومن كلامهم اشغلي نفسك بالوناسه و الطلعات مع اهلك وحاولي

تكوني بشغلك متالقه و صبورة ولما يجيبوا طاري الزواج قولي لهم الزواج قسمه ونصيب

وانا مابخد الا نصيبي من هالدنيا اذا الله كتب لي وانا مو بايعه نفسي او رخيصه على الزواج

وقت اللي الله كاتبلي اتزوج راح اتزوج

والله يرزقك بولد الحلال اللي يستر عليك وتجيبي الذريه الصالحه البارة فيك يارب


__________________________________________________ __________

نصيحتي لك استخيري ،والي الله كاتبه بيصير، ونصيبك ماتي ما جاء يجئ وبعدين كل تأخيره فيها خيره لبنى آدم حافظي علي الأذكار ، اكثري من التسبيح ،ولاتعطين الموضوع اكبر من حجمه كل شيء بيد الله ودعلي لنفسك في كل صلاه وربك رحمن رحيم ما ينسى احد من عبيده