عنوان الموضوع : زوجي صدمني وطاح من عيني -تم الاجابة
مقدم من طرف منتديات نساء الجزائر

زوجي صدمني وطاح من عيني




السلام عليكم
صار لنا متزوجين 4 سنوات وكل امورنا ماشيه والحمدلله متفاهمين جدا يحبني وانا أحبه
وعندنا بنت وولد توأم الله يحفظهم عمرهم سنتين
مشكلتي بدأت من طلع زوجي من البيت بيسهر بالديوانيه مع الشباب
كالعادة يسهر معاهم يوم واحد بالأسبوع بالويكند
عشاء ولعب وضحك ووناسه هذا اللي خابرته من سوالفه
ويرجع الساعه 1بالكثير اذا تأخر وحده ونص
بس هالمره تأخر واتصلت فيه لقيت حد يرد غير زوجي شكيت بالصوت
والصوت كان غريب مثل الهوا يروح ويرجع
مدري شسالفه وقتها كان الساعه 3 الفجر
ربع ساعه ويضرب الجرس انا وقتها جن جنوني من جاي
هالوقت وكيف افتح ومحد فيه غيري انا وعيالي
وشوي جاني اتصال من زوجي ورديت كان صاحبه يقول لي افتحي الباب زوجك تعبان ماقدر يسوق وانا وصلته معي
وفتحت الباب ويدي ع قليبي
وهنا كانت الصدمه والمصيبه دخل زوجي سكران منتهي مو قادر يمشي شوي يبكي وشوي يغني وشوي يضحك والله مثل اللي اشوفه بالأفلام
وكان يبي يرد يطلع من البيت وانا حاولت اني امنعه لان وضعه كان مزري ومو قادر حتى يمشي ولا يوقف مثل الناس ويصارخ وصوته عالي
وضربني ع وجهي من شدة الضرب عيني ورمت وصار نزيف بأنفي وسني الأمامي انكسر
تخيلو وضعي وعيالي حولي يبكون من الخرعه اول مره يشوفون ابوهم بهالوضع واول مره يشوفوني بدمي وانا أبكي
وقفلت الباب وحاولت أخبي المفتاح وانا ماشيه مسك يدي بقوه وهو يصرخ هاتي المفتاح وانا عييت
وضربني وقطني ع ورا وكان وراي ولدي وطاح ولدي وراسه ضرب بلأرض وجن جنوني ولدي اغمى عليه
مايتحرك ولا يبكي ومدد قدام عيني يارب لطفك وعونك
حسبي الله ونعم الوكيل
3 دقايق وفتح عينه انجرح راسه والحمدلله كان الجرح سطحي مانزف كثير حاولت اوقف الدم بثلج
زوجي نام بمكانه بالصاله وبملابسه ولا كأنه صار شي ابد
اتصلت ع اخو زوجي عم عيالي وقلت له ابي اخذ ولدي المستشفى وطلبت اشعه ع راس ولدي والحمدلله مافي شي
ورجعنا وخليت اخوه يدخل يشوف حال اخوه عشان يشوف بعينه
اول ما شاف اخوه انصدم وحاول يشل اخوه ماقدر كان جسمه ثقيل قال لي خلاص جيبي له غطاء وخليه مكانه عشان لا صحى يعرف
ويش سوه
قلت لأخوه يأخذني ع بيت أهلي وماعاد لي قعده ببيته بعد اللي صار
لي ببيت أهلي 4 ايام رافضه احكي لأهلي اللي صار
وامي وابوي واخواني رايحين رادين علي يبو يعرفو شصار
واخوي يقول لي اذا ماتكلمت وقلت شصاير فيني يهدد بيروح حق زوجي
وبيقتله يا ويل حالي يقول انه راح له مرتين ومالقاه ويكلمه مايرد عليه
انا خايفه اقول لهم اللي صار ويتهور ابوي او اخوي وبعدها اتحسف عليهم
وانا رافضه اقابل زوجي وما ارد على مكالماته ورسايله
وهم بعد مأستقبل مكالمات عم عيالي اخاف زوجي يكلمني من رقم اخوه
كل مأذكر اللي صار وكيف كان وضعي والله اني ابكي ع حالي
ساعدوني محتاجه مشورتكم ومو عارفه شسوي حاسه نفسي مخنوقه

>>>>> ردود الأعضـــــــــــــــــــاء على الموضوع <<<<<
==================================


ياربي دخيلك
الله يعينك ولله صعععععبه
قولي لاهلك انو تزاعلتو ﻻي سبب تافه
وانتي اتصلي مع اهل زوجك واتفاهمي معهن
وادا لسا بدك زوجك اشترطي عليه
سهرة مع رفقاته مافي
بدو يسهر بتطلعو كلكن مع وﻻدك وبتسهرو
وادا تكررت لقصه ياويله


__________________________________________________ __________

طيب اختي ردي عليه شوفي ليه سوى كذا
اذا انتي ما تعودتي ولا شكيتي قبل انه يشرب حطي احتمال ان اصدقاء اللي عطوه او ب الاصح خدعوه
ردي عليه وشوفي وش يبي
الله يعينك بصراحه موقفك صعب >_<


__________________________________________________ __________

انتي حاليا خلك في بيت اهلك لاترجعين عند زوجك لين يتعدل وضعه....... اذا دق ردي عليه وقوليله مانتي راجعه الا لين يعدل وضعه وسهر لين الفجر برا البيت مافيه وبصراحه لازم اهلك يعرفون لاتخافين خليهم يورونه العين الحمرا خلي اهلك يحلون هالمشكله من اولها قبل لتكرر وممكن يسوي اشيا ثانيه لاقدر الله ........لاتترددين بمصارحة اهلك مالك الا هالحل والله يفرج همك


__________________________________________________ __________

وش دعوه ماقلتي لأهلك ترا السالفه مب عاديه لاترجعي الا بشرط العلاج يتعالج اول ويتوب ويرد لك ترا هذا سكران وضربك... اشرطي العلاج بس لاتفكري بالطلاق حتئ لو مارضوا اهلك دام يحبك بيعالج عشان يرجعك


__________________________________________________ __________

ردي عليه وتفاهمي معاه
ليش يشرب
وقولي له عن الحاله الي كان فيها
وان حتى ولده كان بيروح فيها
لازم تكلمينه وتعلمينه بالي صار
وهو مو في وعيه
خليه يعرف بالي صار
علشان يقطع هالشراب