عنوان الموضوع : زوجي صارحني ابغى مشورتكم
مقدم من طرف منتديات نساء الجزائر

زوجي صارحني ابغى مشورتكم



السلام عليكم ورحمه الله وبركاته
ارجوكم نزلو الموضوع بسرعه انا في هم مايعلم فيه الا رب العالمين
ارجوكم اي وحده تدخل الموضوع ترد لو بدعوه مالي احد بعد الله غيركم

انا متزوجه من اربع سنوات بعد سنه من زواجي زوجي تعرف ع رفيق سوء
واكتشفت انه يشاهد افلام اباحيه بصراحه مافاتحته في الموضوع عشان مايقفل جواله وينكر فجتني فكره اني انصحه بطريقه غير مباشره
كان احيانا النصح يفيد ومره يبتعد عنها ومره يرجع يتابع وانا اموت من القهر بصمت بس كان مأثر ع اسلوبي معاه بالعصبيه

شفت مره فيه رؤيه تخوف فسرتها عند مفسر طلب الشيخ يكلم زوجي
الحمد لله ربي سخره ووافق زوجي
بعدها الحمدلله جلس شهرين تقريبا مايتابع افلام اباحيه

وفجئه جاني يطلب مني انا نغير شقتنا بحجه انه لقى شقه جنب صديقه احلى من هذي الشقه انا وافقت ع طول لانا فعلا الشقه اكبر و احلى
قدر ربي ولله الحمد حملت من ثاني شهر نقلت فيه
وزوجي تقرب لجارنا اكثر ومره طلعنا احنا وجارنا رحله وتفاجئ من وقاحه جارتنا كانت تحرضني وتشجعني اتابع افلام اباحيه كانت تقول انها حلوه وماراح اندم لو تابعتها بس حلاوتها لما اعلم زوجي معاي.!؟ انا هنا انصدمت من وقاحتها ..كانت تقول احلى شي فيها انك تقدري تمتعي نفسك بغياب زوجك وقالت لي اذا زوجك سالك مين قالك والا مين علمك قوليله خواتك هم الي قالو لك انا هنا دقيت ع زوجي ومشينا وصلنا البيت تقريب2 وربع في اليل
والله يابنات يمكن الساعه 3 ونص دق زوجها ع زوجي يقوله زوجتي تعبانه بأوديها المستشفى وابغاك تجلس عند العيال انا هنا قلت لزوجي عيب انت تروح انا اروح فشله تدخل غرفة نومهم زوجي اسر انه يروح هو انا انقهرت بصراحه لحقت زوجي وماشاء الله الغرفه انوارها رومنسيه ومهيئ الجو والله انقهرت قلت له
ياتروح البيت وتجلس عند بنتنا وانا اجلس عندهم يانجلس كلنا وبنتنا تجلس لحالها
هنا زوجي قال لو هم يبغونك تجلسي انتي كان دقو عليك ..!؟ المهم زوجي بعد محاوله روح وانا جلست
بعد ما اجو جيران السوء
انا روحت لقيت زوجي نام فتحت جواله بالصدفه لقيت رساله من جارنا يمدح زوجته وانها شاطره في الجنس وانها بتعلمني و..... انا مت قهر
وانتظرت لما صحي زوجي وعلمته بالكلام الي قالته لي
زوجي تفاجئ وقالي اقطعي علاقتك فيها وبدئت علاقة زوجي مع جارنا تخف ماصارت نفس اول

ولااحظت يابنات كانت تجي ع رسايل زوجي من جارنا واخوه تتكلم عن شي لانهم كان يتكلمون بالالغاز بعد فتره وانا حامل لي ثمان شهور اكتشفت انه الي يتكلمون عنه ويعطون زوجي هو الكابتجون
انا هنا انصدمت واستمريت بصمت عارفه ع زوجي كل شي ولاتكلمت مدري ليه يمكن حبي الشديد لزوجي وخوفي اخسره

بدئت الافلام تأثر ع علاقتنا والكابتجون ع مزاج زوجي وما اخفي عليكم لقيت لزوجي سؤال يسأل ع حكم العاده السريه في الجوال

قبل ثمان شهور ولدت الحمدلله وجبت ولد ماشاء الله ورحت بيت اهلي هنا زوجي كان اكثر وقته في الشقه بيتنا كان يجيني بس مايطول عندي اهملني وولدي زكم واهمله حتى اشتد الزكام وسبب له التهاب في الرئه جلس تقريب عشر ايام في الحضانه وهو كان حاط الووم كله علي انتي السبب ولو صار لولدي شي ماراح يصير لك طيب زودني هم ع همي و...
الحمدلله طلع ولدي ورجعنا لنفس الحال عصبيه وهجر وحياه زفت والسبب رفقاء السوء الله لا وفقهم


قبل شهر في شعبان سافرنا انا وزوجي عشان ذكرى زواجنا
وبصدفه فتحت محفظته لقيت حبه ونص كابتجون
ودخلت النت وتأكدت انها كابتجون

اخذتها بصمت ولا فتحت الموضوع معاه وانا من جوه اغلي غليان من القهر والخوف
شفته يدور عليها بس مافتحت الموضوع معاه
واضطرينا نمشي ع طول ع الرغم كان واعدني نجلس يوم كمان

روحنا البيت وبدئت ادور ع ارقام استشارين عشان اتصرف صح
مابغى اتصرف غلط وصمتي وقهري يروحو ع الفاضي

المهم يابنات جا رمضان واعتمرنا الحمدلله ودعيت ربي يفك زوجي من هذا البلاء ويبعد عنه رفقاء السوء

وليله العيد زوجي تجرء ومد يده علي وضربني بسلك الشاحن اخ يالقهر
ولعني قدام الشغاله وفضلها علي
ما انسى هو من اول يسب ويلعن ودايم يقول انا الحريك كلهم احلى مني من انا خبيثه ومافي كلمه سيئه الا قد قالها لي وانا صابره



المهم يابنات اول يوم في العيد بعد ما مد يده علي
طبعا انا مااشتكيت لاهلي عشان عيالي
ولانا امي متوفيه الله يرحمها وابوي كبير في السن تعبان ومتزوج وماعندي اخوان استند عليهم
طنشني وصباح العيد عشان خاطره رحت عند اهله والله يابنات جالسه في غرفه لحالي لما الساعه تسعه اهله ماعبروني والسبب هو لانه كان يتكلم فيني عندهم

وبعدها رحت سلمت ع ابوي ورجعني البيت جلست لحالي وهو واخوانه في المجلس لعب وضحك وسوالف وانا ولا كانه عيد
صحيت الظهر ثاني يوم في العيد زوجي كان في الحمام الله يكرمكم طبعا هو متعود يدخل بالجوال معاه الحمام وبعدها طلع نام جيت انا اخذت جواله باعطي بنتي
تفاجئت انه مغير رقم السري
سالته ماجاوب اصريت انه يفتحه قام رمى المخده علي بكل قوته ولعني وسبني وفتحه لي بعدها
اخذت الجوال ورحت الغرفه الثانيه ودخلت النت عشان اشغل الاناشيد لبنتي من اليوتيوب
والله يابنات فجئه طلعلي فلم اباحي
انا خفت قلبي دق اطرافي بردت حسيت نفسي بأنجلط
رجعت الجوال ورميته له وقلت له هذا الي مانعك ماتفتح الجوال مقفله ع الوساخه والقذاره هذي
هذا اخر شي اتوقعه منك وطلعت وخليته


هنا هو لحقني وجلس يبكي وتوبه والله مأعيدها اخر مره ارجوك لاتخليني ارجوكم ابوس رجولك وكان يسلم في رجولي المهم جاب لي المصحف وحلف معاد يتفرج واعترف انه يستخدم كابتجون وخلاها من فتره علما اني لقيت معاه حبه ونص قبل شهر بس ما فتحت الموضوع معاه

ولنا يومين وهو تعبان ويبكي ويقول احس نفسي ابغى اموت والله جارنا السبب هو دلني ع ذا الطريق انا اخلاقي مو كذا والله توبه اعطينيي فرصه ثانيه
وكان بيتصل يقول لاخوه وانا رفضت لاني ماحبيت سمعته تتشوه قلت له خل الموضوع بيننا سوا استمرينا او افترقنا


هو لانه متعود اي شي من اسرار البيت ع طول لاهله😭

الحين انا من امس بيت اهلي قلت له ابغى افكر بهدو
لانا الي سويته مو سهل مديت يدك علي ثلاث مرات في ليله العيد وبعدها خيانه
ابغى اشوف هل استمر معاك والا لا


انا مجرد اخوفه ابغاه يعرف اني ممكن في اي وقت راح اتخلى عنه

هو كل شوي ودق يترجاني ارجع ووعدني نغير جوالاتنا من الجوالات القديمه عشان يثبتلي وواضح عليه انه فعلا تعبان
والحين قلت له ابغى اروح عند استشارين حتى لو اضطر اسافر لهم عشان اعرف نصيحتهم

هو وافق وقال انا معاك بلي تبغينه بس اهم شي لاتخليني ووعدني يقطع علاقته مع جارنا والحين دق يقول بكره الصباح يبغااني اروح معاه البيت
بليز شورو علي ايش اسوي محتاره والله وخايفه ارجع للقهر والاهانه الي اول هو فعلا ندمان بس انا ابغى اعطيه درس عشان مايرجع مره ثانيه



وعندي سؤال هل صادق الكابتجون ممكن يخليه بدون علاج لانه حلف لي ع المصحف انها تركه من فتره


هو خايف لاني من اول حكيت له قصه من مخيلتي بس للعضه عشان يتعض
قلت له انا صديقتي اكتشفت انا زوجها يشاهد اباحيات وتطلقت وسبحان الله ربي عوضها بواحد صانها وهو شوفه في الشوارع مثل المجنون عشانه مان يشرب من الكابتجون
فهو خايف يقول ارجوك لاتسون مثل صديقتك وتخليني ارجوك خذي بيدي وانا اوعدك معاد اسوي شي يزعلك يترجاني يبغاني اساعده



ارجووووكم ساعدوني لو بدعوه انصحوني شورو علي بليزز

>>>>> ردود الأعضـــــــــــــــــــاء على الموضوع <<<<<
==================================


الله يفرجها عليك
وحسبي الله على الناس الي كذا قلة حيا من جد
اول شي قولي له اسامحك بشرطين
نغير الشقه ونغير جوالاتنا عشان تبعدون عن هالجيران
وقولي له اذا كنت انا مااشوفك كل الوقت ترا ربي يشوفك
وانت داري كل حرام وله عواقب
وخليك معه دايم انصحيه
خليه ينساهم ينسى كل شي سواه
غيري من شكلك قصي شعرك اصبغي
احجزي بفندق وفاجأيه انك مسوية له مفاجأه
قولي له مره خلنا نسير على اهلك ونسهر عندهم
طلعيه من المحيط الي هو فيه ومن أفكاره
عشان ينسى كل شي ويلتهي معك وفيك وببنتك
مره جيبي له هديه ومره إدعي له قدامه
خليه مايشوف غيرك
عشان قبل لا يسوي شي يتذكرك ويتذكر الي تسوينه ويأنبه ضميره انه يجرحك
إسألي استشاري
ونصيحتي لا تطولين عند اهلك
ارجعي له وغيروا الشقه ع طول بعيد عنهم
وعسى الله يهديه ويبعد عنكم كل شر
بعدين بشرينا عنك و"دعواتك"


__________________________________________________ __________

يا روحي الله يفرج همك ...عطيه فرصة ثانية ولو ما انصلح خبري احد من عيلته ...
والله يكون معاكي ...
ودي


__________________________________________________ __________

السلآم عليكم ورحمة الله وبركآته
أولآ : الله يهدي زوجكِ ويسخره لكِ ،
حبيبتي ، غيري المنزل ، غيري أرقآم الهوآتف وأشتري جوآلآت جديده ") !
حآولي تمسكي بـ إيد زوجكِ إجعلي التغيير يكون على يدكِ ، ذكري بـ سوء الخآتمة
قربيه من الله ، إقرأي القرآن معه سويآ ، لآتنسي الدعآء له بآلهدآية والصلآح
أتركي هـ الجيرآن اللي مآيخآفو الله ، حسبي الله ونعم الوكيل !
لآإله إلآ أنت سبحآنك إني كنت من الظآلمين


__________________________________________________ __________

نصيحه لوجه الله ﻻ ترجعين مهما يكون السبب إلا بعد مايغير الشقه
تأكدي دام علاقته مع جاره كذا راح يدمر أكثر

قولي له لاتكلمني ولاتفكر أرجع لك إلا لشقه ثانيه

بعدين باين أن جارتك وزوجها كانوا يخططون يخربونك انتي كمان وبين زوجها ديوث كيف يخلي الرجال يدخل غرفته وحرمته مزينتها يمكن لو مارحتي انتي معاه ممكن ناوين يسهرون مع زوجك



اختي الغاليه التفكري ترجعين له إلا يبتعد عن جاركم بالمره وأول شي ينقل من الشقه وتأخذه عليه وعد ماعاد يحتك فيه

بالنسبه للكبتاكون يقدر يخليها بدون علاج لكن مستحيل يخليها وهو مع رفقاء السو كيف يقدر يخليها وهم اللي طرحه فيها ولاتستغربي من الحيوانات اللي يماشونه قصدهم طيحوه فيها عشان يدمن ويشتري منهم لين يوفر بعدها يساهمون على عرضه

انتبهي لنفسك واذا أبوه أو اخوانه فيهم عاقل اشرطي عليه في الرجعه أن لازم تروحي انتي وياه للعاقل ويعترف وانتبه له
ترى الأمر خطير اليوم كبتاكون وبكرة هروين وترى الهروين اذا أمنه والله يبيع عرضه من أجل انه يوفره
الحقي على زوجك ولاتتهاوني


__________________________________________________ __________

غيري الشقه ورقم الجوال ويقطع الصله نهائيا من جاركم
وهدديه اذا رجع لحركاته ان ماراح يشوف وجهك
اذا سو االي قلتي له ارجعي له وافتحي صفحه جديده
الله يهديه